بعد مرور حوالي شهر
كاعدة ببيت حسام ومنعزلة بالغرفة ومصعب اخر مرة تواصلت ويا من مدة طويلة الكل حاول يدخل حتى يرجعنا بس اني رفضت صارلي مدة طويلة مشايفتة بس اسمع صوتة من يجيبلي ايسر كل يوم وياخذة بالليل ومرات يبات يمي ويجي ياخذة ثاني يوم
_شبيج صافنة جوري
_اليوم ماجاب ايسر ليش
_خابر على ابو ايمن وكالة بالبصرة اني
_لشوكت يبقى
_ماعرف ولله كال فاتحة اكو
_سمعت فاتحة انهبطت
_حجيت بتردد منو مات
_اهدي خية.واحد من نسابتة القديمين
_ها
_يلا راح اكوم اسوي الغدة
_اجي وياج اساعدج
_لاخية. كعدي بطنج كدامج
_شبيها بطني
_اكبر من شهرها يمكن بيج ولد
_لا اريد بنية
_خايبة بنية ولد لاتعترضين على حكم الله
_الشكر للرب على كل الاحوال
_كومي شوية اتنفسي حابسة روحج بغرفة الجهال
_ حطلع شوية بالطرمة بس انطيني كمامة هذا المرض منتشر
_اي ولله هواي ناس كاعد تموت بي الله الحافظ تعالي وياي انطيج كمامة لبسيها وكعدي بالحديقة شوية
_رحت اخذت الكمامة وطلعت بالحديقة منزمان مشايفة الشمس بس ضربت بعيوني دخت من كوة وصلت للكرسي وكعدت
اتأمل على الجو واحجي بيني وبين نفسي
_ياترى هسة دنيا وين شبعانة جوعانة
_خية كافي تحجين ويا روحج ولله تخبلتي
_سمعت صوت التفتت لأم ايمن ابتسمت ابتسامة حزن
_كافي ياحبيبتي ولله موزين على الحمل تقهرين بروحج
_مشتاقتلها ولله مو بيدي
_الله يساعد كلبج بس صدكيني مصعب مو مثل ماانتي شايفتة ظالم وظلمج ورجعها مصعب يتصرف بحكمة
_شنو من حكمة الي تخلي يرجع طفلة لبيت عمها الي همة ازبل خلق الله
_اهدي لاتعبين نفسج وكلشي ينحل
_بقيت بالحديقة شوية ورجعت دخلت غياب ايسر تعبني بالزايد لان ماشفتة اليوم
وخفت علية هواية من هوسة الفاتحة وابو ايمن ماهوة. واخلي يخابر مصعب
_رحت للمطبخ يم خديجة
_خديجة خايفة على ايسر ومصعب من هوسة الفاتحة لاينعدون بكورونا.
_خايفة على ايسر لو على ابو ايسر
_الاثنين
_راسلي طمني عنة
_ها؟
_اي ولله عيب لازم تطمنين
_رحت جبت موبايلي وكتبت رسالة
_مرحبا مصعب شلونكم انت وايسر كالولي رايح الفاتحة البسو كمامات وعقمو ايدكم المرض منتشر بكثرة
_مافتح الرسالة كلت شوية ويشوفها لليل ماكو رد
_كملنا عشة ورحت لفراشي
_خلي اتصل علية وافصلة علمود ينتبه للرسالة
بعدني داتصل وفتح خط
_الو
_بقيت ساكتة
_شنو بالغلط متصلة؟
_لا
_لعد
_دازتلك رسائل ماشفتهن انت
_بلة لحظة خلي اشوف
_راح يقراها وضحك
_رسائل مو همزين بس رسالة وحدة
_شلونة ايسر
_زين ايسر وابو ايسر ماتردين تعرفين شلونة
_سكتت هو هم سكت وسمعت صوت مثل الي تمدد وجر حسرة
_مشتاق الأنفاسج
_سمعت الكالة وكتمت نفسي بدون ماحجي
_لاتكتمي مشتاقلة
_وين ايسر
_خرب بيج وبأيسر اكللها مشتاقلج تكلي ايسر.
_شو هذا عصب وطبك الاتصال بوجهي
_اجتني خديجة لكتني اهز بيدي
_شبيج تهزين
_شو هذا خابرتة اسال عنهم جان يكلي مشتاق لانفاسج كتلة شلونة ايسر عصب وطبكة بوجهي
_ولله حقة وماينلام وصبر ايوب هم يعجز وياج
_ليش شمسوية
_ممسوية ابقي هيج حارمتة لحد مايزوج عليج
_خلي يزوج
_خية احنا راح نطلع هسة نروح لديالى الصبح نرجع تجين ويانا
_ خيركم صاير شي
ابوي وضعة موزين واريد اشوفة
_ربي يطمنج عنة
_ حبيبة تسلمين
_ابقى اني
_اكيد
_اي مالي خلك
_واخت ابو ايمن هنا بس يصير شي اتصلي عليها
_اطمأني ماكو شي
خديجة :ابو ايمن جوري تكول ابقى
_خلي اخابر مصعب واكلة هاي امانة عندي خاف يصير شي ويكول ماكلتلي
_همة مساعة تخابرو وهو عصب وطبكة
_الله يهدي الي بينهم
_طالع اخابرة وانتي تحضري
_تمام حبيبي
__________
_الو مساء الخير
_مساء النور حسام
_خوية ام ايمن اريد اوديها لابوها حالتة موزينة هسة خابرونا وجوري حتبقي بالبيت
_اني اجي هسة
_انت غير بالبصرة
_خوية سلمت من بعيد ورجعت قابل لزكت بالبصرة
_خوش تعال
_لاتكلولها جاي اني
_ميكعد راحة مهند
_ايباه ايام هنوتي
_شنو هنوتي
-اقصد هنودي التركي هههههههه
_شاربة مغشوش
_اصلي وربك
_ديلا رايح اني ابدل وانت تعال بسرعة
_خوش جاي
_ لابس تراسكود وايسر نايم بحضني
_كعدتة وصفن بوجهي مطنكر لان كعدتة
_حنروح بالعان عان (سيارة)
_راحت الطنكورة وكام لبستة كمامة ولبست كمامة
_ صعدت بالسيارة وايسر حطيتة بحضني
_نزلت يم سوبر ماركت اخذت حلويات واجباس وكرزات وبالسيارة عندي معقم عقمت ادية والعلاليك وكملت الطريق طبكت يم الباب وخابرت حسام
_ها شوكت اطلعون
_غير من تجي انت
_اني بالباب
_يلا فوت
_لا اطلعو وانطيني نسخة من المفتاح
_ليش عود
_دنفذ الي داحجي يااخوي
_يلا جايك
_شوية واجاني حسام صعد عائلتة بالسيارة واجة انطاني المفتاح
_اتشكرت منة وبقيت بالسيارة شوية
جوري: تمددت وسديت الضويات بين مابدلت خديجة والاطفال غمضت وقبل ليطلعون اجت خديجة كالت طالعين رجعت نمت
أنت تقرأ
حُب الأقنعة
Romanceوعدتُكِ ان لا احبكِ ثُم أمام القرار الكبير جَبُنت! وعدتُكِ ان لا اعود وان لا اموت اشتياقاً وعُدت ومُت ! وعدتُ مراراً وقررت ان أستقيل مراراً ولا أتذكر أني استقلت لقد كنت اكذِبُ من شِدة الصدق والحمد الله أني كَذبت
