مصعب : طلعت وياها وصعدنا بالسيارة
ام شمس: لاتتحرك هنا خلي انسولف بالسيارة
-اسمعج خالة
_اني جايتك بشغلة اسولفها الك قبل لااسولفها الجوري حتى تساعدني بيها ماعرف شلون اكللها بأي طريقة واريد احجيها حتى ارتاح واريح ضميري واريح والدتها بقبرها
-خالة احجي قلقتيني
-ححجيلك
- ام جوري قبل لا اتموت وصتني احجي الجوري كل الحقيقة
-حقيقة شنو خالة
-بالبداية اني جيرانهم من زمان كلش يوسف جانت عايشة ويا اختة جان ظالمها بشكل وجان مزوج وزوجتة ميتة عندة ولد منها الولد ربتة اختة مانعرف شلون الطفل مات فجأة يوسف تهم اختة هي الكاتلتة القابلة كالت يوسف هو الي طرد اختة والطفل لحد مامات الطفل بسبب الاهمال مال ابو
بقى يوسف متهم اختة ورة سنتين اختفت اختة ناس كالو شردت ناس كالو ازوجت محد عرف شي والحقيقة
المهم ورة فترة يوسف ازوج وحدة نوعاً ما حبها يعني صرنا نتقرب البعض اني وزوجتة وكذا بالكنيسة همينا بعد الصلاة نلتقي ونرجع للبيت سوة شوية شوية علاقتنة قوت
بيوم شفت عدها طفلة بعدها بالاشهر الأولى
كلتلها منو هاي كالت وحدة من اقارب يوسف اهلها ماتو كلهم وجابها
-اني ماصدكت بالسالفة لان كلنا نعرف يوسف ماعندة قلب اصلا حتى يعطف على بنت اقاربة لكن سكتت
-مرت السنوات والبنية كبرت ومحد فتح موضوعها كلها المنطقة مامدخلة ولاحاجين بشي كلمن علية بنفسة بيوم زوجة يوسف تعبت كلش اكتشفو عدها مشاكل بالكبد كذا عملية سولها ومنجحت واني وياها متركتها جانت ماعندها خوات واني سويت بأصلي لحد اخر لحظة
من حست حياتها بخطر وصتني وصيتين
-الاولى من يصير عمر جوري 18 اكللها ذولة مو اهلها وكذب اهلها مو ميتين عايشين
مصعب: لحظة خالة احجيلي شنو كالتلج بالتفصيل
-ماكالتلي القصة لان هي متعرفها اصلا بس كالتلي
-بيوم كاعدين واندكت الباب واحد من الي جوة ايد يوسف جابلة طفلة وكالة هاي الامانة سألتة هاي شنو كال بنت اختي ماتو اهلها وجبتها
وهي مايصير عدها اطفال فرحت بيها
كالتلي بس صدكت اهلها ميتين لحد ماصارت توصل رسائل تدل انو هل طفلة عدها ام دتريدها جان ميخلي اثر للرسائل هو بس مرات يوكعن بيدي
-وجان ماعندي ظهر وسند حتى اطلك جنت مجبورة شنو اشوف اسكت ربيت الطفة على اساس هي بنتي جنت اشوف اجرامة واسكت بالبيت يتعامل طبيعي وياي لان يحبني شوية عود بس الطفلة مجان لايحبها ولايتقربلها ولايلعبها واغلب مشاكلنا على هل موضوع اكلة هي طفلة شنو ذنبها بس جان مثل الحاقد عليها بس جنت خايفة من هاي اللحظة الي راح اموت واتركها عندة واجت هل لحظة يمكن وانتي لازم تكليلها هي مو بنتة بس مو هسة من تكبر حتى ماتنجبر تبقى يمة
-والوصية الثانية ام جوري تركتلها كم عقار جان محول بأسم جوري (هبة مشروطة ) ومن ماتت تحولن بأسم جوري رسمياً وكل الاوراق يمي حتى ماتنجبر جوري تبقى يم يوسف لان ماعندها سند مثل ما امها انجبرت
مصعب: مانصدمت اصلا جنت حاس بس جنت رايد اتأكد
-خالة يعني جوري بنت اختة اليوسف ؟
-الصراحة ياخالة مادري الكالتلي بي حجيتة نصاً حافظتة من سنين بدماغي
-تمام خالة اني اتصرف
-ممكن طلب
-اتفضل
-هل موضوع حاليا لتحجين بي الجوري لان حامل وحملها خطر مثابت بعدة
-صدك حامل مبروك على الخير الرب يبارك الكم بهل طفل
-تسلمين خالة مثل ماتفقنة ماتحجين هسة
-صار من عيوني اني المهم كتلك حتى خاف يصير علية شي اموت مرتاحة
-لا اسم الله عليج خالة ربي يطول بعمرج
- تسلم ابني ويحفظك النا يلا خالة راح انزل اشوف جوري
- البيت بيتج
هالة: جوري اكعدي
-همممم ليش
-ام شمس اجتي اتشوفج
-ها اي حكوم
-كمت بدلت وطلعت
-ها خالة شلونج ورحت بوستها حضنتني وتبجي
-الشكر للرب انتي بخير شسولج والعذرا كلنا انشغل بالنا عليج
-هياتني خالة مبية شي
-الرب يحرق گلبهم على اعزازهم الخطفوج مثل ماحرقو گلوبنا
-لاتدعين خالة جان الهم سبب من سوو هيج
-شنو من سبب ولج حركو كلبنا عليج
- ابتسمت وكلتلها راحت بعد ورجعتلكم
-الرب يحفظج النا يابنت الغالية
-تسلمين خالة
-حجينا اني وخالة ام شمس شوية واترخصت وراحت
-هالة لعد وين مصعب وسرمد
-مااعرف نزل خالو مصعب وخالو سرمد يم اصدقائة اخذ ايسر وراح
-اها تمام وين دنيا
-يم سرى بالمطبخ دتسوي كيك
-خلي انروح يمها
-رحنا للمطبخ ولكينة سرى دتسوي كيك ومكعدة دنيا يمها تعلم بيها
-هههههه بعدها طفلة شتستوعب
-هو من الصغر لازم تتعلم صنع الكيك حتى تصير محترفة نفسي
-انتي كيك ميحتاج تسوين كيك
-انتي الكيك
هالة : جوري لو تشوفين خالو سرمد شلون اتقرب من شمس بهذا الاسبوع اخذ حتى رقمها وديتواصلون
-اي كال اسولفلج بس ماتوقعت واصلين لهل مرحلة
أنت تقرأ
حُب الأقنعة
Romanceوعدتُكِ ان لا احبكِ ثُم أمام القرار الكبير جَبُنت! وعدتُكِ ان لا اعود وان لا اموت اشتياقاً وعُدت ومُت ! وعدتُ مراراً وقررت ان أستقيل مراراً ولا أتذكر أني استقلت لقد كنت اكذِبُ من شِدة الصدق والحمد الله أني كَذبت
