حُب الأقنعة

البارت السابع عشر

أرى الحزنَ لا يُجدي على من فقدته
ولو كانَ في حُوزني مزيدُ لزدته
تغيرتُ الأحوالُ بعدكَ كلها
فلستُ أرى الدُنيا على ما عهدته

مصعب: رجعت للبيت فتت للصالة ماهي بس الاطفال نايمين
شفت ضوة الحمام مشغل كلت اكيد بالحمام
رجعت تمددت والنومة بعيني مادري بنفسي غفيت
كعدت الصبح جوري ماهي يمي بالفراش
رحت ادور بالشقة كلها لكيت بس هالة نايمة وجسمي قطرة دم مابقى بي  رحت للكنتور غراضها نفسهن مماخذة شي
-هالة هالة كومي اكعدي
هالة خالو شكو
-جوري ماهي من طلعت الصلاة الصبح ولهسة
-وين راحت خالو
-مااعرف ماعدنا شي حتى مامتعاركين كعدنا رحت للصلاة نضحك ونسولف
-خابر خالو سرمد
مصعب: اتصلت بسرمد
-سرمد هم خابرتك جوري
-لاليش
-جوري ماهي مختفية
-شنوو وين
-شمدريني
-جايك
مصعب: ياربي وين راحت خابرت محمد
-هسة اريد امر تفتيش كامرات عمارة 27 منطقة ***
-صار سيدي بس يتأخر يلا يصدر
-استعجلي بي
-نزلت وجسمي مابي قطرة دم متأكد جوري ماطالعة من البيت لوحدها مابيناتنا شي
اتذكرت شمس
-رجعت ادور موبايل جوري
-بحثت بالارقام عن شمس لكيتها
-الو شمس جوري هم تواصلت وياج الفجر
-منو انت
-مصعب
-ها لا متواصلت
-صاير شي ؟
-لا هيج
-نهيت المكالمة ويا شمس وماعرف شسوي
-رحمتك يارب بحالي
-نزلت اشوف كامرات المحلات الي كبال العمارة اكو محل ولد صديقي  كعدت باب المحل انتظرة يفتح ضليت كاعد على الرصيف وايدي على راسي لااهتميت للرايح وللجاي ولا الاحد بس اريد واحد يبرد كلبي
-ها ابو أيسر شسوي هنا
-دخيلك احمد بداعت عافية جهالك وأمك اتسويلي الاريدة
-عيوني الك صدك جذب كوم وياي للمحل
-اريد تفتحلي تسجيل الكامرات من وقت ال 4 الفجر ولحد هسة
-صاير شي
-افتحلي وافهمك
-بقيت اباوع للتسجيل ماكو شي  لحد ب  4:55 د
لمحت واحد فات يتلفت ملثم بدون لاسيارة ولاشي بيدة علاكة وماعرف شنو بيها صعد للعمارة ورة 10 دقايق نزل وبيدة وحدة ملفلفة بعباية ممبين منها شي وبقى يمشي لحد ماكامرة المحل بعد ماكدرت تجيبة تلقط تحركاتة
-احمد اريد التسجيل هسة دزليا
-خوية اخاف من المسائل القانونية وخاف هذا الشخص يأذيني
-بحمايتي احمد هاي السالفة حياة او موت
-طلعلي التسجيل نقلة الجهازي
-رجعت للمكان نفسة امشي بالكاع بتركيز من باب العمارة للشقة للحمام لكيت سنسلتها واكعة مال الصليب نزلت اشيلها وبستها
-وداعتج ياجوري لأدفنهم
-اخذت السنسلة بجيبي وطلعت رحت للمكتب سويت امر تفتيش الكامرات الي بالمنطقة كلهن للظهر طلع الامر اتبعنا تحركاتة بسيارة سوناتا رقم اربيل لحد منطقة معينة وبعدها اختفة ماكدرت الكامرات تجيبة
-دكولي رقم السيارة طلعت الواحد اسمة امجد رياض سوو  ابلاغ علية وتحريات عنة
-الاسم لااني عندي عداوة ويا ولاجوري تعرفة خابرت شمس واكددت الية هل شي
-سيدي هذا الشخص مسافر للهند
مصعب: للهند شنو شدتحجون
-ولله سيدي ومو من هسة من قبل شهرين قبل الحادثة يعني هل سيارة مسروقة على الاغلب مو سيارة الخاطف
-كدرتو تتوصلون الاهل صاحب السيارة
-نعم سيدي لكن البيت مقفول والجيران محد يعرف عنهم شي