حُب الأقنعة

البارت الثالث عشر

مصعب: بدلت وفتحت الباب طلع صديقي ابو الفندق سلمت علية وطلعنا للكافتيريا الجوة نشرب جاي
سلام: ولك تزوج من وراي
مصعب: ولله يخوي صارت بسرعة مالحكنا حتى محكمة ماعاقدين بس شيخ
سلام: الله يوفقكم الف مبروك
-الله يبارك بيك حبيبي
سلام : حسام شلونة
مصعب : ولله حسام هم هنا جايين بشغل بس مادري بي راح لو بعدة بأربيل
سلام : اني فد يوم اجيكم البغداد اريد اخطبلي مرة مناك واريدكم تمشون وياي
مصعب: ان شاء الله خير تدلل
مصعب: كملت من صديقي ورجعت للغرفة لكيت جوري راجعة نايمة وبعدها ممبدلة
رحت سبحت وصليت العصر
رجعت نزعت وتمددت يمها

مصعب: جوري
جوري: همم
مصعب : شو ابوية عدلي نومتج لاتلچمين جرحج لاتنامين على بطنج
جوري: همم
مصعب: ولج بويه رايحة بسابع حلم بس عدلي نومتج
جوري: همم
مصعب: غير افهم ال همم شنية
-جريتها على كيف من جتفها وكلبتها على ظهرها ورجعتها الحضني
واطراف اصابيعي امشيهن على زنودها وجسمها وايدي الثانية تتغلغل بشعرها
جوري: منو اجة
مصعب: هيج ولد صديقي كملي نومتج
-رجعت غطيتها ونمت وياها الى ان سمعت الاذان
-جوريتي
جوري: هممم
-كومي نكعد صارت الصلاة مال اليل وبعدج نايمة
جوري: همممم
-بويه شكيتيني ب هممم
جوري: هممم
-تحجي وهي بسابع حلم جريتها على كيف من حضني ورحت بدلت وتوضيت صليت المغرب ودعيت الجوري اكثر من اي شخص
تقربت للفراش لكيت جوري حاضنة المخدة بدالي
-ايا ادبسزز بدلتيني بمخدة
-جوريتي كعدي كافي نوم اشتاقيتلج ولله
جوري: همم اتركني نايمة نعسانة
مصعب: ام السبلر كومي
جوري: نعسانة
مصعب: خوش طالع ويا اصدقائي كالو اكو ملهى هنا قريب وكالو بي خوش نسوان
جوري: فزيت
-لايا حقير خنتني
مصعب: لاماخنتج راح اخونج
جوري: اوكي اطبك الباب وراك خلي اكمل نومي
مصعب: واخونج عادي؟
جوري: ماتسويها اني ام يسوري العلم
-ورجعت راسي على المخدة وفاتحة عيوني بنعاس
مصعب: ولج بويه حتى الباندا ماينام هلكد
جوري : مانام بس ابقى بالفراش
-اجة تمدد يمي وحطني بحضنة وطلع موبايلة راد يفتحة
جوري: اعرف رمزك
مصعب: شكد
جوري: رمزك 2003jojo2003
مصعب : هو مسوي مواليدج ودلعج حتى تعرفي
جوري: اي غير عندك جهاز ثاني
مصعب: حبيبتي ذاك مال الشغل كلة ضابط فلان والرائد فلان والعقيد فلان ويامن اخونج ويا محمد مثلا
جوري: شحدك اتخوني
مصعب: اني مااخون
جوري: حباب
مصعب: بس ازوج بالحلال
جوري: اي مو مزوجني
مصعب: احنا نزوج اربعة مو مثلكم بس وحيدة
جوري: اني صوجي اني صوجججججي
مصعب: ليش بلة صوجج
جوري: صوجي مااخذت مسيحي نسيت راح ابقى الاولى والاخيرة عندة بس انت لا
مصعب: انتي الاولى والاخيرة بكلبي
جوري: اممم
مصعب:صدك شنو اشتريتي من السوك ماشوفتيني
جوري: اكوم اراويك
مصعب: اي طبعا غير اشوف بنيتي شمشترية
جوري: كمت من حضنة ورحت ابدل
-دور وجهك
مصعب: ما غير حلالي
جوري: اخذت ملابسي وركضت للحمام بدلت ورحت جبت العلاليك
-ذيج الدشداشة شفتها الجنت لابستها الظهر
مصعب: النزعتها الج
جوري: باوعتلة صفح
مصعب: اي كملي شبيها الدشداشة
جوري: جبت نفسها على مشمشيي وحجيتها بحماس
مصعب: قلدت نبرة صوتها وحماسها لاصددددك جبتي منها مشمشيي
جوري: اي ولرب هياتها
مصعب: بالعافية تخبل انتي الي تحلينها
-شنو هذنيج
جوري: مكياجات
مصعب : مو اني اكول اكو شي ناقص جوري تفوت المحل وماتشتري مكياج
جوري: شسوي صارلي يومين ماحاطة مكياج
مصعب: اي حقج ولله انجاز
جوري: وهاي كيمونات وشورتات هم حبيتهن
-اعرفك تحب السوالف المشلتحة
-مصعب: رحم الله والديج ماتقصرين
جوري: وهاي العلاليك الخواتك كل وحدة كلبية وعطر بس قياساتهن ماعرفتها اني خمنت حسب جسمهن
-وهاي الهالة
-وفنك هاي العلاكة المن
مصعب: المن
جوري: فتحتها وطلعت بنطرون زغيروني وقميص زغيروني واني كزكزت عليهن
مصعب: حتى أيسر ماناسيتة
جوري: شلون انسى هذا حبيبي
مصعب: عيدي ماسمعتج
جوري: ابني ابني داكول
مصعب: محد حبيبج غيري
جوري: صار ياحلو
مصعب: كومي جيبيلي بنطروني الجنت لابسة العسكري
جوري: صار
-هاك حبيبي
مصعب: اخذتة وطلعت من عندة الصليب
-هذا حلو ناعم ونازك حسيت مايلوك الا الج
جوري: السنسلة ناعمة كلش ونازكة حيل نزعت الصليب الابستة وكتلة لبسنيا
-تقرب يلبسني ويبوس بركبتي من ورة
- هل ركبة كلشي يلوكلها
جوري: يعني ماتشوهت بالجرح؟
مصعب: اشش فترة وتشيلين الشاش واذا اكو اثر اخذج يم احسن دكاترة التجميل
جوري: احبك
مصعب :درت جسمها علية وصارت مقابيلي
-اسف لان جريتج من شعرج وغلطت وحجيت ساعة عصبية ماحسيت بنفسي
جوري: مسامحتك حبيبي ومقدرة عصبيتك
مصعب: يعني قبل لا اكلج اني ضابط انتي تدرين
جوري: اي طبعا من ابوية ادري
مصعب: وليش من كتلج تأثرتي وكذا وكوم اطلع
جوري: حتى ماتشك بية
مصعب: ايا ملعونة شيطانة طلعتي
جوري: شعبالك مو كتلك اخذ حقي بيدي
مصعب: سبعة ماينخاف عليج
-بستها من شفتها
-عسل مو شفايف
مصعب: يلا رايح للصلاة مااريد انغري
جوري: ههههههه روح يلا
مصعب: وانتي بدلي بين مااجي حتى نطلع شوية لان الفجر راجعين
جوري: تمام حبيبي
-راح مصعب واني رحت سبحت وطلعت نشفت شعري بمنشفة
وبدلت لبست بنطرون ثلجي وقميص اسود وعليهن جاكيت لان باردة هنا مو مثل بغداد بس بليل تبرد
وحطيت مكياج خفيف
_______________________
حسام : بعد ماطلعنا من بغداد خديجة ماكلتلها وين رايح ولا طمنتها لليل خابرتها كلتلها طلعتلي شغلة بأربيل من اجي افهمج بقت زعلانة وكالبة وجها علية
بعد مالقينا القبض على يوسف بالي بقى يم جوري خاف بيها شي خابرت مصعب كالي مابيها شي كملت اجرائات يوسف شفت الساعة ب 1 الظهر رحت للمحلات اشتريت الخديجة ملابس بيت وملابس نوم وعطور دائما اني اشتريلها اعرف قياسها واشتريت للجهال العاب رجعت البغداد
وصلت البيتي تقريب بال 8 بالليل ونزلت يايابة شكد مشتاق الخديجةوالجهال
فتحت الباب وطبيت تلكوني الجهال حضنتهم وبوستهم
حسام : لعد وين امكم
ايمن : ماما نايمة
حسام : كومو اشتريلكم واخذكم البيت عمة
ايمن: بابا وين جنت
حسام: حبيبي بالشغل
ايمن : اخذني وياك
حسام : المرة الجاية من عيني
-بوستهم وانطيتهم الالعاب ورحت اشتريت الهم حلويات واخذتهم البيت عمتهم
ورجعت للبيت
-لكيت خديجة نايمة رحت سبحت وبدلت واجيت بالفراش
حطيتها بحضني والعب بشعرها
خديجة: مزاعلتك
حسام: كاعدة
خديجة : اي
حسام: ليش مزاعلتني
خديجة: تتركني وتطلع بدون حتى ماتكلي وين رايح لل 12 باليل قلقة عليك ماخليت واحد ماسئلتة عنك
حسام: اسف يروحي يالغالية ولله صارت شغلة طارئة
- مو تعرفين ابو جوري مسولفلج عنة
خديجة : اي اعرفة شبي
حسام: لزمنا واخيرا
خديجة: الحمد الله
حسام: سامحيني
خديجة: امممم سامحتك
حسام: اشتاقيتلكم هواية
خديجة: شو الجهال صنطة وينهم
حسام: اخذتهم البيت عمتهم حتى اختلي بيج وكلت الاختي الجهال مشتاقيلكم
خديجة : هههههههه شكد لوتي
-اكوم اسويلك عشة جوعان
حسام اي ولله جوعان كلش
خديجة: شمشتهي حبيبي
حسام : لو سم من ايدج هم اكلة
خديجة : اسم الله
-رحت طلعت كبة مجمدتها كليتها وسويت زلاطة ولبن
واخذتلة الصينية
-يلا حبيبي تعال اتعشة
حسام: نزلت اتعشة واسولفلها عن الاقتحام
خديجة : وجوري هسة شلونها
حسام: يم مصعب لاتخافين عليها مدللها تلكي
خديجة: نسيت شلون جان مدلل مرتة المرحومة وهو عود ميحبها
حسام: هو خوش انسان وطيب ويخاف الله بالمرة
خديجة: وانت هم حبيبي الله يكثر من امثالك
حسام: شسوين بمثالي
خديجة: اقصد يكثرهم للبنات
حسام: اها فهمت كملت شيلي الصينية وسويلي كلاص جاي
خديجة :تدلل
رحت اسويلة الجاي واجة وراي يدخن بالمطبخ سويتلة الجاي ويشرب بي كملة واجة تقربلي نفخ هوى الجكارة بركبتي
حسام:  بهمس مشتاقلج