مصعب: اتصل على حسام مايرد
اعصابي بعد ماسيطر عليها شنو بين حسام وجوري صرت اسوق بدون مااحس بنفسي ومادري وين رايح
اجاني اتصال
محمد: سيدي
-الرائد حسام حيلقي القبض على يوسف الفجر وجه امر لمجموعة ضباط وعساكر وضباط من الاقليم ايضا اتعاونو وياه
مصعب: هذا شديسوي شلون يقبض علية واحنا بعدنا مالزمنة الراس الجبيرة وقف امر التنفيذ القضية الية مو من حق حسام يتصرف
محمد: سيدي القضية حولوها الرائد حسام لان ماكدرت حضرتك تلزم يوسف بالجرم المشهود
مصعب: اشوكت المداهمة حتكون
محمد: الفجر بقرية عينكاوا ببيت احد من اقارب يوسف
مصعب: احجزلي طيران على اربيل حالاً وشوف اقرب طيارة تطلع قبل الفجر
محمد: صار سيدي
مصعب: شدسوي ياحسام وجوري شدخلها بالي ديصير وحسام شدخلة مجاي افهم شي
اتصل محمد
محمد: سيدي ماكو طيارة لأربيل قبل الفجر فقط طيارة وحدة تطلع ب 9 الصبح
مصعب : باوعت للساعة ب 8 بالليل رحت للمكتب غيرت ملابسي من المدني للعسكري وطلعت كبل لأربيل عسى ولعل اوصل قبل الفجر
-سقت بأعلى سرعتي وعبرت من السيطرات بسهولة لان مو مدني وصلت للحدود رادو يعطلوني على الاقامة طلعتهم اقامتي بعدها ماساقطة ماصار سنة من مجددها شفت الساعة تقريب ب 3 الفجر _________
جوري: من وصلنا الأربيل حسام حجزلي غرفة بفندق وهو راح كال ب 3 باليل اجي ونطلع
-كعدت بالغرفة واني الخوف مالي قلبي خوفي على مصعب شلون رجع للبصرة خاف ساق سريع خاف
من الصدمة صار بي شي بقيت الف حسبة تجيبني وتوديني
-فتحت شباك الغرفة وباوعت للسما وصليت للرب
-أبانا الذي في السماوات ليتقدس إسمَكَ ليأتِ ملكُوتكَ لتكن مَشيئتكَ كما في السماء كذلك على الأرض
وأغفر لنا ما علينا كما نحن أيضا نغفر لمن لنا عليه
ولا تدخلنا في تجربه لكن نجنا من الشر بالمسيح يسوع
لأن لك الملك والقوة والمجد إلى الأبد آمين
-رحت تمددت على الجرباية وغمضت عيوني
-كعدت على صوت الباب يندك رحت فتحتة
حسام : صباح الخير
جوري : صباح النور
حسام: جاهزة
جوري: انتظرني بالاستعلامات هسة انزل
حسام : تمام
جوري: راح حسام ورحت غسلت وجهي واخذت جنطتي ونزلت
جوري: كملت
حسام : خابري يلا
جوري : اتصلت على ابوية
يوسف: ها
جوري :يلا اطلع للمكان الي اتفقنا علية
يوسف : أمان
جوري: امان
-نهيت المكالمة ويا ابوية
حسام: لهسة مماكلة شي ؟
جوري: اي
حسام: راح اجيبلج ريوك
جوري: والعذرا مااكل حالفة الا ارجع اشوف مصعب
- حسام : راح اتشوفي لاتخافين
- يلا نطلع
-طلعنا للمكان بدة يصير الفجر وصلنا للقرية وسيارات ورانة عسكرية
حسام: هسة منين
جوري: امشي ليكدام تلاكي كنيسة اسمها القديسة ماري ابوية مراح يجي من هل طريق
من يمها واكو فرع اني ا فوت بي
حسام: وهذا جهاز تتبع خلي عندج
وانحطلج سماعات مخفية حتى لو صار اي مشادة بالكلام نكلج شنو تحجين
وهذا جهاز التسجيل حطي بردن الجاكيت
جوري: لبستهن وكتلة هسة تمام
حسام جوري جاهزة
جوري: اي يلا ادعيلي
-بديت امشي تقريب 3 شوارع ووصلت للبيت دكيت الجرس طلعلي عمو جرجيس رجال عمرة 70 سنة عايش وحدة وزوجتة متوفية عندة بنت ومزوجة كل كم يوم تجي يمة
اللغة (سرياني مسيحي)
جوري :قادمتوخ بريختا ( صباح النور)
جرجيس: شينو وشلومو بريخ طبُبو
(اهلا وسهلا صباح النور )
جوري: داخيت ( شلونك)
جرجيس :سباي مودِنو لخ آلوهو ... ما ايث ماليث
( بخير الشكر لل أله .. أيكانو أيشك؟ )
جوري: تودي لوموريو( الشكر للرب )
جرجيس: خوشِ جواني بيت ( ادخلي للببت)
_____________
حسام : حاط السماعة بأذني اسمع وسمعت رطينة مادري شيحجون
احمد: سيدي خاف كاعد يشتمون بينا
حسام: اصبر خلي انشوف تاليتها يمكن هاي مسيحي ديحجون مو كردي
-فتحت الحاكية وحاجيت جوري
-جوري شوكت تنزل الترجمة فضينا فوتي للبيت
أنت تقرأ
حُب الأقنعة
عاطفيةوعدتُكِ ان لا احبكِ ثُم أمام القرار الكبير جَبُنت! وعدتُكِ ان لا اعود وان لا اموت اشتياقاً وعُدت ومُت ! وعدتُ مراراً وقررت ان أستقيل مراراً ولا أتذكر أني استقلت لقد كنت اكذِبُ من شِدة الصدق والحمد الله أني كَذبت
