حُب الأقنعة

البارت الثاني عشر

مصعب: بقيت بالساعتين على نفس كعدتي حتى جوري ماتفز لحد ماخلصن المغذيات وسحبت ايدي على كيف حتى متكعد
جوري:فزيت بقلق وين رايح
مصعب: بويه يمج ولله بس خلصن مغذياتج رايح اصيح الممرضة حتى يجوج ضباط التحقيق ياخذون اقوالج
جوري: تمام
-اجن الممرضات وخرن المغذيات وكالولي الحمد الله على السلامة بالكردي ابتسمتلهن وكلتلهن شكرا

مصعب: جوري عدلي ملابسج اسحبي الجرجف عليج واكعدي عدل حيدخلون الضباط
جوري :سويت مثل ماكالي اخذو الضباط اقوالي وحجيتلهم من اول مابدة يهدد بية لحد مانغمى علية
حجو ويا مصعب وطلعو
جوري: بابا انسجن مو.
مصعب: اي ديحققون ويا حيبقى على ذمة التحقيق فترة ولو هو معترف بالسانة سمعت التسجيلات المسجلتهن الة
جوري: شلونك
مصعب: زين بس زعلان عليج شلون تتصرفين بدون ماتكليلي وتلجأين الحسام ومتجيني ليش
جوري: بس ماردتك تتأذة
مصعب: ميخالف ياجوري بس مو تتصرفين من وحدج بهل شكل وديتي نفسج للخطر بس العتب مو عليج على حسام المشى وياج والة حساب ثاني
جوري: لابداعتي ولرب مالة علاقة
مصعب: هسة كومي خلي نطلع منا
جوري: وين نروح
مصعب: نحجز غرفة بفندق
جوري : تمام
-كومني مصعب
جوري: مصعب مابرجلي شي حافية
مصعب : اجيبلج عربانة ومن العربانة للسيارة
جوري: ومن السيارة للفندق شلون؟
مصعب: يولي بالطريق اشتريلج احلا نعال
جوري: اسمة سليبر رجاءاً
مصعب: شنهي هاي سوالف المثقفين اني رجال على كد حالي فقير
جوري: اوي يالفقير
مصعب: هل فقير مشتاقلج
جوري:همممممم
مصعب: رايح اجيب العربانة لاافترسج هنا
-رحت جبتها وكومت جوري سندتها علية وكعدتها بيها وطلعنا للسيارة فتحت باب الصدر وتقربت الجوري لزمتها من خصرها ورفعتها وكفت على رجليها وشلتها حطيتها بالسيارة طبكت الباب ورحت رجعت العربانة وصعدت بالسيارة
جوري: حبيبي
مصعب : ها ياروح حبيبج
جوري: شوكت نرجع البغداد
مصعب: ان شاء الله باجر لان عندي دوام
جوري: وحفلة زواجنة
مصعب: الحلو ماينسة حقة الظاهر
جوري: ابد
مصعب : اتحسني وانشوف شوكت نحدد يوم
جوري: وآيسر حيبقى بيت اهلك
مصعب: الصراحة مااعرف
جوري: عادي اكولك شي
مصعب: كولي حبيبتي
جوري: اريد ااجل هل سنة لان ضغط نفسي وتعب قوي علية ماريد اسوي شي بس استوعب الصار بهل فترة بحياتي
مصعب: ولله يابنتي حقج الله يلوم الي يلومج بس بنفس الوقت سنة كاملة حرامات تروح عليج خاف شوفين صديقاتج نجحن وصارن جامعة وتنقهرين وبالسنة الثانية ماطلعين معدل بسبب هل شي لاسامح الله
جوري: ولله مادري مصعب حيل تعبانة نفسياً
مصعب: اني يمج وحتعدين هل محنة
جوري: من نرجع البغداد جيب أيسر يمي حترجع الدوامك وابقى وحدي
مصعب : متأكدة خاف ماتكدريلة
جوري: لابلعكس هادء وحباب حبيتة كلش
مصعب: الله يخليج الية يا شمعة بيتي عساني مانحرم منج ومن ابني
جوري: امين
-مصعب ماجايبة وياية ملابس
مصعب : اي هسة نطبك يم المحلات تشترين سبلر
مدري شنوة ابو الأصبع وملابس
جوري: ههههه سوالف مثقفين
مصعب: اي اني همجي مااعرف بسوالف المثقفين
جوري : لاحشاك انت تاج راسي ابن عمي
مصعب: اشتعل عمج
-من شفتج وكعتي فقدت الامل ارجع اسمع ضحكتج وسوالفج الحلوة هاي
جوري: هياتني يمك حبيبي ولزمت ايدة طول الطريق
-وكفنا يم محلات
واشترالي حذاء رياضية وسليبر
ونزلت اختاريت ملابس
-اشتريت جينز ثلجي وقميص أسود ودشداشة بيت حلوة صلوخ وقصيرة لونها فستقي واخذت ثانية لونها مشمشي
مصعب:شفت مرة عدها بسطية وعدها انواع الصليب جذبني واحد ناعم كلش فضي لونة وبي كرستال ناعم اشتريتة وضميتة
-جوري اختاريلي هدايا الخواتي وهالة وذني الفلوس من تكملين حاسبي
بما انو نسوان جاي يبيعن فشتري وخلصي ولحكيني الذاك المحل رايح اشتري عسل
جوري: تمام حبيبي
-راح مصعب وبقيت اشتري شغلات بيت مشلتحة اعرف ذوق مصعب وكم قميص مال طلعة لان ماعندي ملابس طلعة ماجايبة وياي شي
-واخذت الخواتة گلبيات وعطور والهالة تراكسود واكسسوارات
-واكو محل مال اطفال ردت اخذ الايسر ملابس ماعرفت قياسة
جوري: کراس و پانتۆڵێک بۆ منداڵێکی دوو ساڵان هەیە
(اكو قميص وبنطرون الطفل عمرة سنتين؟)
صاحب المحل : بەڵێ هەر ڕەنگێک هەیە کە تۆ بتەوێت
(نعم اكو اي لون تردين )
جوري: کراسێکی زەیتی وە پانتۆڵی سپی
(قميص زيتوني ونطرون ابيض)
صاحب المحل:باشە میس
(تمام ياانسة وغموز)
جوري: من هاوسەرگیریم کردووە (اني متزوجة)
-راد يزحف كتلة مزوجة ولصمتة اخذت الملابس وحاسبتة وطلعت حقير زاحف
رحت المحل العسل اتمشى والجو حلو بس متوجعة شوية من الجرح الي بركبتي دخلت لكيت مصعب حاط كرسي وكاعد يدك سوالف صاحب المحل عربي مو كردي
مصعب: ها ام أيسر كملتي شغلج
جوري: من كالي ام أيسر حسيت بهيبة عبالك محررة القدس بقيت صافنة بوجهة من جمال الكلمة
مصعب: صفنت بوجهي عبالي الجرح مأذيها
-شبيج بويه شنو اليوجعج بيج شي صاير شي
جوري: حلوة كلمة أم ايسر
مصعب: ام يسوري العلم
-فوتي شوفي شمشتهية اني اخذت عسل بالمكسرات النا والأهلي
جوري: مشتهية سجق بالمكسرات
مصعب: هسة ينزلج احلا سجق
جوري: شكرا ابو يسوري
مصعب: يولي ماعرفتج وانتي مؤدبة
جوري: كدام الناس شي وبالبيت شي ثاني
مصعب: كم انتِ كبيرة يا ام يسوري هههههههه
جوري: هذاك الي بالفستق والجوز اريدة
مصعب: وبعد
جوري: وهذا بيض الحمام
مصعب: شهل لعبان نفس صدك جذب
جوري: لو كايلتلك ضروك الفار شسويت؟
مصعب: اعوفج هينا واهچ الديرة البصرة
جوري : سكن ديرة البصرة نكر ولله العشرة
مصعب: يول يول مو هينا لايصيبج الشلل ويكوم الجتف ينهز وادفنج هنا
جوري: يلا اخذلي بيض الحمام
مصعب: خوية ابو احمد حطلنا بيض الفسيفس ويا السجق
جوري: عززززة فضحتنا
مصعب: اسكتي ام السبلر
جوري: سليبر سليبر مو سبلر
مصعب: اسكتي ام السليبر
جوري: سكتت ابو الفسيفس
مصعب: جا شبي الفسيفس يخبل أكل الملوك
جوري: خلي نطلع للسيارة وسولفلنا عن انجازات الفسيفس
مصعب :ديلا طلعي كدامي ام السبلر
جوري: سليبر سليبر
مصعب: اشوو سبلر وبكيفي يلا صعدي
جوري : صعدنا ومصعب شغل السيارة كلت يارب واخيرا سكت
مصعب: اي اكملج عن انجازات الفسيفس الي استهزأتي بي
جوري: ابوس ابدك اترك الفسيفس بحالة اني اعتذر الك وللفسيفس
مصعب: نسوان ماتجي الا بالعين الحمرة
جوري: ايباااه شلون عين حمرة مطلعلي مذبلي السوط همزين ماشفت منك بس الدلال
مصعب: يولي انتي بنت كلبي اذا ما ادللج الج ادلل منو
جوري: هممم احبك احبك احببببك
مصعب: صوتج صوتج مو طلعت عينج وكمتي صيحين هذا صوتج بس الي
جوري: اني كُلي بس الك مو بس صوتي
مصعب: ارحمي بحالي مو مال غزل هسة
جوري: مصعب نسينا نشتري ملابس الك مجايب وياك مو
مصعب: اي ولله ماجايب وياي شي همزين ذكرتيني
-هسة اطبك يم محل اشتري ملابس بيت وزي مدني
جوري: راح مصعب نزل يم مطعم وبقيت بالسيارة مر من يمي طفل بعربانة وابو وامة يمشون يخبلون بقيت انتظر مصعب اجة ورة ربع ساعة وجايب ويا علاليك
جوري: ها حبيبي اشتريت السوك كُلة
مصعب: لاهيج اشياء خفيفة
جوري: اي واضح كُلش خفيفة
مصعب : ولج ام السبلر اسكتي لااجيج
جوري: يلا بلة تعال
مصعب مو بالشارع وغمزتلها
جوري: قليل ادب
مصعب : على مرتي مو على الغريب
-وحركت السيارة
جوري: شحدك للغريب غير اموتك
مصعب: اوي تموتني خفت يمة غطيني
جوري: اوي فديت المايع
مصعب: يولي لاجفصين
جوري: سماح سماح وسويت حركة الهنود قربت ادية الاذني
مصعب: شنو كدامج بقرة حتى تسويلي حركات هنود
جوري: لاحشاك
مصعب:شعجب شو حشاك
جوري: فيل مو بقرة
مصعب : ايا طايحة الحظ ياجوري
جوري: جاي نشاقة بويه
-مصعب الجرح مأذيني
مصعب: هسة نوصل للفندق اعقمة الج
جوري: وين صار الفندق مو هاي فنادق كومة
مصعب : شلون ادخلج ست جوري بهاي الفنادق واحنا ماعدنا عقد زواج محكمة عبالج هيتة
جوري: انت غرفة واني غرفة
مصعب: اسكتي جوري اسكتي
جوري: انتَ بسطح واني بسطح نتغازل الحد الصبح
مصعب: اي بلة كمليها
جوري: وشسمة هاي
مصعب: نطلع على برد الهوى ونتبادل البوسة سوى انا وياج يا ام شامة
جوري: منحرف
مصعب: عليج منحرف وقليل ادب وسرسري
جوري: فديت السرسري
مصعب: تحبيني واني قليل ادب مو وغمزتلها
جوري : طبعا
-لعد وين رايحين اذا الفنادق ماتلفينة؟
-اكو فندق مال صديقي اكلة يدبرها ومصور عقدنا مال الشيخ باقي بالجهاز
جوري : همممم وشمعرفك بهل فندق لازم جاي وي بنات غيري
مصعب: حبيبي حرام هل سوالف الة بزواج شرعي مثل مازوجت حضرتج
جوري: هممم خوش
مصعب: لا ونوب مامقتنعة
-وكفنا يم الترفك (اشارة مرور) اجة طفل يبيع ورد صحتلة واجة مافهمت يرطن علية بالكردي
جوري: ديكلك تفضل عمو شكد تريد
مصعب: بكيفج اختاري انتي
جوري: ٣ گوڵی سوور( 3 وردات حمر)
مصعب: شكلتيلة
جوري:3وردات حمر
مصعب: شمعنى 3 ؟
جوري: حبيت على عدد عائلتنة اني وياك وآيسر
مصعب : لعد خليهن اربعة
جوري: ليش
مصعب: لان راح نصير اربعة حجيتها بمكر
جوري : یەکەیەکیشم پێ بدە (انطيني بعد وحدة)
-اخذت الوردات ومصعب دفعلة وراح
مصعب: منين تعلمتي كردي
جوري: ماما كردية جانت
مصعب: يعني شايفة امج
جوري: اي طبعا لحد قبل كم سنة ماتت
مصعب: وعندج صور وانتي طفلة؟
جوري: هممم لا كالولي انحركن
مصعب: منو حركهن
جوري: مادري
مصعب: الشك كام يزيد أكثر بس اول مرة ادري جوري ملحكة على امها يجوز هي امها صدك !؟ ويجوز جابها حتى تربيها بس ليش يربي جوري خوب هو مجرم جان قتلها صافن وطاكلي صفنة وافكر وسمعت صوت جوري
جوري: حنام بين مانوصل
مصعب : نام ياحلو
جوري: حطيت راسي على الكشن وغمضت عيوني
مصعب: نامت جوري واني اسوق واباوعلها ممصدك رجعتلي اتمنى افتح كلبي واضمة بيها وصلت للفندق طبكت السيارة ورحت حجزت الغرفة وصعدت الغراض وكعدت جوري
-جوريتي كعدي بالغرفة كملي نومتج وصلنا
جوري: هممم كعدت
مصعب: يلا بويه نزلي على كيف
جوري: نزلني مصعب
-لعد والغراض
مصعب: نزلت كلشي وحجزت وكملت
-صعدنا للغرفة
مصعب: جوريتي رايح اجيب اكل واجيب علاجج ومعقم وشاش للجرح
جوري: تمام حبيبي روح حفوت اسبح
مصعب: ديربالج لادوخين وزلكين اذا حسيتي بدوخة گبل طلعي
جوري: صار
-راح مصعب وطبيت اسبح طلعت بدلت لبست وحدة من الدشاديش الاشتريتهن اتصير صلوخ وقصيرة لونها فستقي وفتحت التدفئة مشطت شعري وعزلت الغراض من العلاليك سمعت صوت المفتاح عرفت اجة مصعب

جوري: اجيت حبيبي
مصعب: لا بعدني
-داخذي الاكل حطي على الميز
جوري: اتقربت اخذ الاكل والعلاج جرني بأيدة الثانية من خصري وقربني الة وخلى خشمة يم شعري وهمس بأذني
-نعيما بنيتي
جوري: الله ينعم عليك
مصعب: مشتاقلج
جوري: فلتت من ايدة وكتلة مو هسة فوت اسبح مجهزتلك ملابسك
مصعب: هممم افوت اسبح ليش لا قابل وين تشردين
جوري: طب مصعب يسبع وجهزت الاكل
-طلع من الحمام واجة للميز كعدنا ناكل ومصعب يوكلني بأيدة وويا كل لكمة يعصر بشفتي بأصابيعة

جوري: حلكي اريدة
مصعب: ذني الية مالاتي
جوري: ومالتي هم
مصعب : اشش كملي اكل
جوري: بقينا ناكل ومصعب كمل اكل راح يغسل اني حطيت الماعين بعلاكة وكلت المصعب يذبهم بالحاوية مال الفندق راح يذبهم ورشيت عطر بالغرفة وفتحت الشبابيك حتى الريحة تروح وطفيت الاضوية وتمددت
مصعب: فتت للغرفة لكيتها ضلمة وريحة العطر تفوح والخاتون متمددة
-فتحت الغطة وتمددت
-جريتها الحضني وخلت راسها على صدري
مصعب: مشتاقلج
جوري: اني هم كومة
مصعب: شبيهن شفايفج اذيتهن
جوري: اي
مصعب: شو اشوف
-وامشي اطراف اصابيعي على شفايفها واهمسلها هنا يوجعج
جوري: اي
مصعب : مشيت اطراف اصابيعي نزلتهن على جسمهاامشيهن ودنكت على شفايفها ....

واهمس بأذنها احبج مريتي ....... عيب الباقي

وتمددت وحطيتها بحضني بستها من راسها
-احبج بنيتي
-مصعب بقى يلعب بخصلات شعري لحد مانمت
مصعب: ثكل النفس مالتها عرفتها نامت غطيتها ونمنا سوة

-كعدنا على صوت الباب يندك
- هاي منو جاينة
- كام مصعب يبدل واني اتغطيت ورجعت نمت

يتبع ......