جوري: حبيبي كوم شوف منو على الباب
مصعب: عوفيهم يدكو ويرحون
-بعدين تذكرت سرمد كمت
جوري: مو كلت يدكون ويرحون؟
مصعب: لاعيب
جوري: رجعت نمت
مصعب: فتحت الباب سرمد وهالة وأيسر دخلتهم وكلتلهم اش على كيفكم ماتدري جوري مسوي مفاجأة الها انطوني أيسر
اخذتة وطبيت للغرفة لكيت جوري راجعة نايمة تمددت وحطيت أيسر بنصنا وهو يلعب بشعرها ويكعد بيها
جوري: فتحت عيني مغوشات شفت أيسر رجعت فركتهن على بالي داحلم
مصعب هاي حقيقة لو شنو
مصعب: اي حبيبي هسة اجو الجماعة سرمد وهالة وكلتلهم جيبو
جوري: عدلت كعدتي وحطيتة بحضني
يروحي الحلو المشتاقتلة حبيبييي لووحي عمري
مصعب: شدعوة شدعوة شو يمي جفاف
جوري: تعرفني احب الاطفال
وأيسوري يضحك للهوى ادلع بي ويضحك
-حبيبي خلي عندك على مابدل اطلع اسلم عليهم
رحت بدلت لبست دشداشة عريضة
وشعري رفعتة
-طلعت سلمت
-سلمت على مهند من بعيد مثل سلامهم وهالة بوستها
اجة مصعب شايل أيسوري وكعد بصفي
وأيسوري حول من حضن ابو الحضني حطيتة بحضني وصرت احجي اني وهالة ومصعب وسرمد يحجون
-اكوم اصبلكم الغدة
هالة: اساعدج
جوري: ارتاحي جاية من طريق طويل كلشي جاهز
سرمد: معدلة ام يسوري عبالي قبل المسيحيات فاهيات
جوري: شفت مصعب خزرة حتى يسكت بس سرمد مامهتم كمل كلامة
سرمد: بس طلعتو نادرات
جوري: تريد اخطبلك مرة من عدنا
سرمد: ياريت
جوري: تدلل موجودة
مصعب: شمس؟
جوري: اي
مصعب: شلون وحدة عوبة الله يستر عليها
سرمد: حلوة ؟
جوري: شمس اسم على مسمى
سرمد: حمستوني خلي نروح نشوفهم
مصعب: استچن بويه وارچد وحط حصوات بجيبك واثگل
جوري: ههههههه عوفة للولد شاب ومن حقة
سرمد : عليكم العباس ابو زينب خلي نروح البيتهم
مصعب: شالك العباس ولك منين متعلم هذا الحلفان
سرمد: ليش شبي غير همة هيج يكولوها
مصعب: العباس شجابة على ابو زينب
سرمد : اهو مااحلف بس خلي انروحلهم
مصعب: ولك شبيك هيج مستخف شحال لو ماطالب جامعة وشايف وعايف ارچد بويه
سرمد الله وكيلك كلهن جكمات وهاي شمس احس گلبي دكلها
جوري: سرمد اني اضبطك معليك
سرمد: هلا بأختي الرابعة هلا بأم ايسوري العلم
مصعب: انجب وكافي
-وانتي روحي شوفي شغلج صايرتلي خطابة
جوري: اخذت أيسوري وياي حطيتة على الكرسي رحت حميت الأكل وصبيت الزلاطة وكل شوي انطي الأيسوري شغلة ياكلها
مصعب: خالو هالة شبيج شو مو على بعضج
هالة: تعبانة نفسيتي بسبب الدراسة ومرض امي ياخالو هدني
مصعب: صيري قوية امج محتاجتج اكثر من عدنا واحنا يمكم
هالة دمعت من كلام خالي وطلعت البجي المتراكم بكلبي
مصعب: كمت حضنتها اش بويه لاتبجين احرك الدنيا اذا شفت دمعة وحدة من عيونج يبنيتي يبعد عيوني ونظرهن
مصعب: سرمد مو موصيك اطلعها بين فترة وفترة وماتخلي شي بنفسها لو هتلي سرسري حاير بالمكسرات وعايف بنتي ضايجة ومقهورة
هالة: ولله خالو سرمد ممقصر بشي بس مرض امي تعبني
سرمد : اكلتني وشربتني بكشوري شجاك
-خالو امج تجاوزت الخطر ورجعت النا بسلامة ليش تفاولين
هالة: خالو تدري لهسة مافاتحة ولاكتاب وصديقاتي خلصو نص الكتب بشهر الواحد يبدن يراجعن
مصعب: زين تجين يمي اني حجزت دورات الجوري بس جوري راح اتأجل السنة تجين يمي ادرسين واني هنا اتابعج وماخلي شي يشتتج
هالة: خالو خلي اأجل ويا جوري ولله اعصابي تلفانة وحيلي مهدود من الصار
سرمد: هلا يابة اللعب بيت المأجلين راح يسمونة ولجن خاف حتى يوم القيامة اطلبن تأجيل
مصعب: انتَ تنچب
سرمد: صار سيدي
مصعب: يعني نهائيا ماراغبة هل سنة ولاراح تتندمين وتكولين صديقاتي صارن اول كلية
هالة: خالة اعرف نفسي اذا امتحنت راح انجح مو ماانجح بس ماطلع معدل
مصعب: زين ادخلج القسم الي تردي اهلية
هالة: لاخالو اريد بزودي
مصعب: ولله ياخالو على هل كلمة فروحي والج امان شتسوين اني وياج حتى امج احاجيها واكللها بنيتنة كبرت وتريد اطلع معدل بزودها
هالة: شكرا خالو
مصعب: بست راسها وضميتها الصدري شعندي غيركم يبعد خالج
مصعب: اليوم تباتون هنا ماترجعون اريد اطلع هالة اونسها
سرمد: خوش اني اروح لأصدقائي
مصعب: ولله لو تعوف السيبندية الماشي وياهم اني بخير
سرمد: ولله حبابين شبيهم
مصعب: لامابيهم بس ال *** استغفر الله
سرمد: استغفر خوية استغفر موزينة الك انتهاك الاعراض
مصعب: يمي دولگة الماي هفيتة بيها
سرمد : اشاااااه اشااااه
جوري : دانقل الاكل للطاولة الي بصالة وشفت مصعب ركع سرمد بالدولگة
-يا مصعب خطية الدنيا باردة
مصعب: خلي يتأدب مستخف
سرمد : بعد اخيج جيبيلي شي البسة متت برد
جوري: مصعب هاك أيسر اروح اجيب ملابس من عندك
مصعب: اخذت أيسر وكلتلها لاتجيبلة مايستاهل
جوري: ميخالف لايروح يتمرض مالنا خلك مستشفيات هههههههه
سرمد: اني ابنكم لو لاكينيي بالزبالة
مصعب :ولله لو مانسوان واكفات جان كتلك وين لاكيك
سرمد: خشت بدماغي
جوري : رحت جبتلة منشفة وملابس من مصعب
-وكعدنا نتغدة وظاهر مصعب طبعة لازم على الاكل سكوت لان حتى سرمد الي 24 ساعة يداهر من كعد على الاكل كدام مصعب سكت
-بس شو وياي عادي
جوري: مصعب لاتوكل أيسر تمن مبين دياكلة مغصوب خايف منك اني سويتلة اكل بس ناسية اجيبة حروح اجيبة
مصعب: كلت شنو خايف مني ومغصوب اكيد متوهمة جوري قابل اني مخوفة مني
جوري: رحت جبت الماعون جنت مسويتلة كرات بتيتة سلك عاجنتها ويا طحين شوية ومسويتها عجينة وحشيتها جبن وكليتها بالزيت وانتظرتها تبرد وحطيت طاسة بيها كجب واخذتها
جوري: انطينيا احطة بحضني
-اخذتة بحضني ووكلتة بتيتة واحطلة بيها كجب ياكل ومستمتع
جوري: شفت ميحب تمن ومرك
مصعب: ولله صدمتيني جا ليش مايحجي
جوري: مبين متعود ياكل المايحبة غصباً عنة من جان بيت جدة اكيد عائلة وجبيرة مراح يسولة اليحبة مخصوص الة
مصعب: سودة علية يابويه هلكد متبهذل
-ودنكت ابوسة ورفعت راسي شفت جوري مبتسمة بستها بكصتها وكلتلها اللله يحفظج الي ياشمعة بيتي
جوري: ويحفظك النا
سرمد:همست الهالة بويه صار بية دوار البحر من الرومانسية مال 2008
هالة: اي ولله خالو اني هم
مصعب: شبيكم تتهمسون
سرمد: سلامتك ابو أيسر
جوري: أيسر ياكل واني اوكلة بس هو حباب وهادء يلزم بيدة وياكل ابد مايوكع شي كلساع ابوسة من خدة لو راسة وهو كاعد بحضني وفرحان عبالك مالك الدنيا
-راحو سرمد ومصعب يغسلون
-وكمت اريد اغسل الأيسر واخذلهم منشفة وسمعتهم يحجون
سرمد: شفت أيسر شلون حس هو بين عائلة تحبة ضال بحضن جوري عبالك باب الجنة الي انفتحلة
من زمان كتلك ازوج خليت الطفل يتعذب
مصعب: اسكت ياخوية كلبي انزرف من عرفتة حتى الأكل ياكلة بالخوف والغصب والهظمة والغصة شاكة بلعومي
سرمد: جوري بنت اصول واودم راح تحتويك وتحتوي ابنك لاتفرط بيها مثل ذاك اليوم من طلعتها من البيت بطريقة محلوة علمود سوء فهم
مصعب: جوري شمعت بيتي هي الي لمتني ولمت ابني بعد ماجنة كل واحد بمكان وحياتي مخربطة صارلتلي بيت وعائلة نظامية اروح للدوام وارجع الكة ابني ومرتي منتظريني مو وحدي جني بومة
سرمد: من زمان كتلك ازوج وكون أسرة
مصعب: حكمة ربك ياسرمد حكمتة للباري عز وجل خلاني اكره بنات ادم كلهن ويوم ماينبض ينبض الجوري جوهرة واصيلة رزقني بيها واكتفيت برزقة حتى استحي اطلب شي من الله بعد واني عندي جوهرة
سرمد: الله يوفقك ياخوية وترسون البيت جهال والسعادة ماتفارك بيتكم
مصعب: حضنتة وكتلة ولك من يمتة صاير رجال وتحجي حجي زلم كبار ذاك اليوم هلكدوتك
سرمد: حطولي سماد خارق مال المزرعة السعيدة وكبرت
مصعب: رجعت تزعطط
سرمد: خووية طالبها بشاربك اريد اشوف شمس
مصعب: اترك البنية لاتفشلني ويا اخوها ومنا اني اصلا مطايقة
مصعب : اتحوص ب .... استغفر الله
سرمد:استغفر هوية استغفر
من كلتولي شمس اسم على مسمى واني الفضول كتلني
مصعب: حط حجارات بجيبك واثچل (اثگل)
جوري: سمعت كلام سرمد ومصعب ابتسمت وكملت طريقي كلتلهم هاكم المناشف
-ورحت غسلت الأيسوري واخذتة وياي للمطبخ خليتة على الميز وطلعتلة نستلة مصعب تارس البيت حلويات
-وخليت القوري على النار ورحت اجيب الماعين من الصالة وهالة هم تجيبهم وياي غسلناهن وكلت الهالة روحي ارتاحي حبيبتي اني اكمل الجاي واجيبة
-جوري كملتة صبيتلهم استكانات ومصعب بكوب وويا هيل
-اجاني مصعب للمطبخ
مصعب: ها حبيبتي شدسون انتي وأيسوري
جوري: دنسويلكم جاي طيب
مصعب: ايشي من ايدكم طيب حتى السم
-حبيبتي العصر عندي شغل بالمكتب هالة وسرمد هنا خليهم يباتون هالة ماعاجبني وضعها
جوري: شبيها اني هم حسيت بيها شي
مصعب: مااعرف ولله تكول دراسة ومرض امي
جوري: الرب يفرجها عليها وتصير احسن
مصعب: امين
-التفتت الأيسر وكتلة ها ولك شو تاركني وراكض ورة ماما
أيسر: أمه امه
مصعب: كول ابه ابه
أيسر: امه
مصعب: لاياسرسري
-شنهذا حلكك ملطخ ككو رجال جيس روبة
جوري: داترك الطفل واذا لطخ روحة اني ابدلة
مصعب: انطوني ككو خلي املطخ روحي
جوري: حتى ابدلك؟
مصعب: اي
جوري: عادي بدون ككو
مصعب: اخ قلبي الصغير لايحتمل
جوري: سلامتة القلبك الصغير
-حبيبي اخذ الصينية على ماغسل الأيسر .
أنت تقرأ
حُب الأقنعة
Romansaوعدتُكِ ان لا احبكِ ثُم أمام القرار الكبير جَبُنت! وعدتُكِ ان لا اعود وان لا اموت اشتياقاً وعُدت ومُت ! وعدتُ مراراً وقررت ان أستقيل مراراً ولا أتذكر أني استقلت لقد كنت اكذِبُ من شِدة الصدق والحمد الله أني كَذبت
