حُب الأقنعة

البارت الرابع

مهند : اخذت السويج ونزلت للسيارة صعدت بيها وطلعت الأظرف كلها بسنوات قديمة بزمن ماقبل الأنترنت لكيت اقدم رسالة بيهن سنة 1995 ووراها 2002 يعني 6 سنوات انقطاع تقريب وجانن بأسم نوران بديت اقرة من سنة ال 1995
_____________________________
بغداد_ 11 مساءاً _سنة 1992
نوران : يوسف اني يتيمة وأمانة امي وابوي الك هيج اتسوي بية يومية جاي سكران ومبهذلني وطاردني بالشوارع
يوسف : لجج اش سااا....فلة
نوران :زين كولي شسويت حتى تنومني هنا
يوسف :انريد نتونس اني واصدقائي بالبيت ماريد اشوف جهرتج وخلي يوحنا يمج
نوران: عاد هذا ابنك خلي نايم بالغرفة بالدفو شلون اطلعة
يوسف : اشش لج اخذي وروحي باجر يلا تجين
نوران: راح وقفل الباب بوجهي طلعني من البيت اني وأبنة الي اني مربيتة بعد مازوجتة توفت اخذت الطفل وبقيت بالشارع وجان الجو بارد شهر الواحد والدنيا شبه تريد اتذب ثلج الطفل صار ازرك من البرد اخذتة ورحت المرة جيرانة تعطف علية وماعدها احد بقيت يمها والطفل صخن اصخونة قوية كلش ومااعرف شسوي
المرة :خالة كومي ناخذة القابلة ام زمن بلكي تعرف تداوي
نوران :خوش خالة اخذتة ورحنا للقابلة فجاة القابلة تغير لونها وكالت الطفل كطع نفسه
لزمتة وضليت املخ بروحي باعتبار ابني اني مربيتة
اخذنا للمستشفى وأكدو النا وفاتة دفناه ورجعت البيت المرة واني ميتة من البجي علية
اجة الصبح ورحت للبيت مالت اخوي
نوران: اصحى يايوسف اصحى من السكر الي انت بي ابنك مات بسببك وسبب اهمالك يوحنا مات
يوسف:شنو ابني مات مو تركتة عندج
نوران : اي اي ابنك مات بسببك
يوسف : لج شكاعد تخربطين ابني وين
نوران : ابنك الي ربيتة اني وحسبتة ابني مات مات يايوسف
من بعد مايوسف ابنة مات وهو زاد للأسوء اتهمني اني سبب موتة زاد تعذيبة وسجنة الية ويريد ينتقم مني بأي طريقة الى ان لكيت المهرب حبيت شخص مسلم من ديالى جان يجي البغداد على بيت خالة بمنطقتنة اجا طلبني من اخوي يوسف هواي ويوسف جان يرفض الى ان قررت اهرب ويا واترك يوسف الى الأبد واخلص من الحياة الي جنت عايشتها ويا ازوجنا اني وبهجت جانت اطباعهم تختلف عن اطباعنة خاصة انو كاعدين بقضاء ومتشددين لكن ماجان خيار كدامي غير اتعود على الوضع بكل الأحوال افضل من الحياة ويا يوسف قررت اكتب رسالة اليوسف حتى يكون اخر وصال بيناتنة

_الرسالة سنة 1995
الى اخي يوسف والخنجر الي جان ينغرز بقلبي بكل ليلة انام بيها واني ببيتك يا من ظلمتني فالرب لاينسى خطيئتك وظلمك
اليوم انولدت من جديد واني انام ببيت انتَ مو بي
شردت من بيتك وزوجت رجل مسلم لعله يطلع افضل منك ويكدر يحميني منك ماجان بيدي حق الأختيار جان اقرب وسيلة اكدر اهرب بيها من ظلمك هاي الرسالة راح تكون اخر حبال الوصل بيني وبينك ...
_______________________

مهند: قريت الرسالة واني مافهمت اذا كالت هذا اخر حبال الوصل بيناتنا بالرسالة ليش اكو رسائل ثانية بغير سنة
سمعت موبايلي يرن
مهند: ها نعم
سرمد: تعال بسرعة رنا وضعها سيئ
مهند: جايكم
قفلت الخط واني ماعرف شنو اتصرف وجوري شلون اعوفها وحدها اتذكرت جايبلها موبايل وناسي انطي الها صعدت للشقة دكيت باب الغرفة ماكو بسابع نومة دخلت للغرفة وهي ظلمة فتحت الفلاش وتقربتلها اخذتلي صفنة نسيت حتى سالفتي
مهند: جوري جوري اكعدي
جوري: النوم بعيوني عبالي احلم بصوت مهند جاوبتة بس ماعرف شنو جاوبتة
مهند : شنو هسة .. شو باوعيلي اصحي بويه اريد اكلج شي
جوري: فتحت عيني والفلاش صار بعيوني
ها مهند شكو
مهند : اكعدي تعالي للصالة نحجي
جوري : راح مهند واني لبست جاكيت على ملابسي وطلعت
مهند: تعالي اكعدي على القنفة
جوري: يعني مكعدني من النوم حتى اكعد على القنفة
مهند: لا صارتلي شغلة ولازم اروح للبصرة ضروري وحدة من اخواتي مريضة وحالتها سيئة وخابروني وهذا موبايل اشتريتة الج من طلعت وحاط رقمي بي اخلي يمج اطمأن عليج واي شي يصير تتصلين علية
جوري : بس مهند تتركني بشقة وحدي وبمنطقة وعمارة اصلا ماعرفها مااكدر اخاف
مهند : صفنتلها هم صدك شلون راحت من بالي حاط بنية شابة بشقة وحدها افتر عقلي ومااعرف شصرف ومااكدر اخذها وياي الأهلي شسوي مادري