حُب الأقنعة

البارت الخامس

مهند : داسوق وافكر بجوري وسوالفها واكول هل بنية سوالفها ماتنمل
وحسيت بشخص ديراقبني بقيت بقلق خاف جان يراقبني لمن وصلت جوري البيت شمس  وابوها عرف مكانها وصلت للبصرة واطمنت على رنا وضعها رجع استقر شفت الساعة ب5 الفجر
اتصلت بحسام
مهند : مرحبا حسام اسف كعدتك من نومك
حسام: مراحب كول أمر خدمة
مهند: محتاج خدمة خيتي ام ايمن ببغداد ؟
حسام: اي من امس جبتها البغداد
مهند: جيد .. انتَ تعرف جوري كعدتها يمي واختي ام هالة وضعها صار نحو الاسوء وجوري ماكدرت اعوفها وحدها بالشقة وتركتها يم ناس جيرانهم وگلبي لاعب بلكي اجيبها يمكم تبقى  يمكم واني ماتأخر
حسام : البيت بيتكم ..بس احنا وديناك بمهمة لو تساعد
مهند: ميخالف البنية حبابة ومؤدبة ماردتها تنجرف ويا افعال ابوها
حسام: احس الگلب لاعب
مهند: رچدة رچدة
حسام : هسة اروح اجيب جوري لو الصبح
مهند :الصبح اني اكعدك اكلك روح
حسام: انتَ اشايف نفسك فيروز حتى اكعد على صوتك
مهند: اغنيلك  يانا يانا انا وياك
حسام: داسكت رحمة لأهلك الطبلة انزرفت
مهند : يلا اخذ راحتك ماتستاهل واحد يغنيلك
حسام : يابه روح خلي اكمل نومتي اليوم منو مسلطك علية تسلب نومتي
مهند : باي زعليت
حسام: هو هذا اليرافچ مراهقات هيج يصير بحالة
مهند:ديلا انگلع
سديت الخط من حسام وردت اخابر جوري بس شفت الوقت بعدة الفجر كلت خطية هسة اكعدها
جوري : بقيت اتكلب بالفراش مانمت نهائيا منتظرة مهند يخابرني يطمني استحيت اني اخابرة بقيت اتصفح وفتحت الواتس
وصلتني رسالة
ها بوية كعدتي حسابج نشط
جوري : داكتبلة واتصل علية
مهند : الو صباح الخير
جوري : صباح النور
مهند : شنو كعدتي
جوري : لا اصلاً مانمت
مهند : بيج شي يوجعج شي اخذتي فيتاميناتج 
جوري: مابية شي بس كلت من توصل للبصرة انام
مهند : همم اي واصل صارلي ساعة ونص تقريباً
جوري : شلون صارت اختك
مهند : لازينة وضعها استقر
جوري: هي شنو بيها
مهند : مرض خبيث بالدماغ
جوري: خطية الرب يشافيها بحق  العذرا
مهند: تسلميلي ...جوري  انتي لازم اطلعين من بيت شمس
جوري: ليش
مهند : ابوج يمكن عرف انتي ببيتهم
جوري : ووين اروح
مهند : مالج علاقة وماتتحركين لأي مكان واذا اندكت الباب تقفلين غرفة شمس وتكعدين بيها
جوري: تمام
مهند: الصبح ادزلج شخص ثقة ياخذج يم عائلتة
جوري: صدك تحجي اروح يم ناس مااعرفهم
مهند : اثقين بمهند لو لا
جوري : اي اثق
مهند: لعد خلص ثقي اني راح اخليج بأمان وماخليج بمكان ممكن ماترتاحيلة راح تحبيهم وترتاحيلهم
جوري : هاذهو  الي اتشوفه صح سوي
مهند : ملازمج اخذتيهن وياج
جوري : لا
مهند:كافي تسخيت من ارجع اني اعرف شلون  اخليج درسين هاي سنة مصيرية ياجوري وماريد كل الصار يكسرج بالعكس لازم يخليج اقوة تجاه طموحاتج لان كل مازادت الصعوبة زادت لذة الوصول
جوري: شكرا لان مهتم بكل تفاصيلي حتى اكثر مني
مهند: لو بس اتبطلين سالفة الشكراً
_يلانامي شوية اني اكعدج قبل لايجوج حسام وزوجتة
جوري : وانتَ؟
مهند : اصفح اشوية ونام
جوري : ماتنام شعندك متصفح
مهند : تدللين ست جورية
جوري :اطمأنيت على مهند حطيت الموبايل جوة المخدة ونمت
مهند : بقيت اتصفح وبالي وتفكيري منو الي ديراقبني 
سرمد: ها كاعد بعدك
مهند :اي
سرمد: رنا تعبت هواية لازم ناخذها خارج العراق بأسرع وقت
مهند : مرض رنا كسرنا كلنا
سرمد : لازم انسفرها خلال هل فترة
مهند: احجز للهند يم الدكتور الي كالولنا علية
سرمد : ومنو يسافر وياها
مهند : سليم ومريم يبقون يمها انت جامعتك ماتكدر تتركها واني مااكدر اسافر
- راح سرمد واني بالي يم جوري والف حسبة براسي طلعت ادخن جكارة
-سمعت صوت رسالة من جهازي رحت اشوف منو
-طلعت وحدة تريد تتعرف واني كلبي خلصان لزكتها ببلوك
_______________________________________
ليث: ها لكيتها هي وابوها
رعد : لكيناها
ليث : وين
رعد
مااعرف ليش يوسف ماموجود مختفي وهي ببيت جيرانهم كاعدة الفجر جابها شخص مانعرف منين جابها والشخص تابعنا طلع للبصرة وراح نبقى انراقبة  يجوز يتواصل ويا يوسف
ليث: ابقو راقبو هل شخص اريد الگي يوسف
رعد: خلي انجيبها يمنا وهو من يعرف اخذناها يظهر
ليث : انتظر شوية
____________________
جوري : فتحت عيني لكيتها الساعة 9 الصبح خابرت على مهند
- صباح الخير
مهند : صباح النور
جوري: شنو نايم
مهند: شوية اخذتلي غفوة
جوري : امم كمل نومك
مهند: لاهمزين كعدتيني حتى ادزلج حسام
جوري : هسة حيجي
مهند : اي يلا كومي اتريكي وبدلي
جوري : تمام
مهند: هم محتاجة شي
جوري: سلامتك هنودي
مهند : اروح فدوة الهنوتي هههههههههههههه
جوري: اتنمر اتنمر
مهند : باعي جوري راح اوصي حسام يكول لاهل شمس انتي كرايبة واني دزيتة حتى يخليج بيتهم بين مارجع
جوري : تمام
مهند: يلا كومي اتجهزي واتريكي واخذي علاجج
جوري : يلا وانتَ هم اتريك
مهند : صار
- نهيت المكالمة من مهند وكمت كعدت شمس
نزلنا نتريك واحنا دنتريك دخل يحيى
يحيى: صباحو
شمس وجوري : صباح النور
_كعدنا نتريك وعَم السكوت
يحيى: جوري منين طلع هذا ابن خالج
جوري: جان مسافر
يحيى : شنو صاير مسلم؟
جوري: شنو تحقيق هو
يحيى: اسف
جوري: اختنك من اشوف هل انسان همزين مهند راح يطلعني منا عفت الريوك وكمت
شمس: جوري لاضوجين من يحيى متعرفين تصرفاتة يعني
جوري: لا مضايجة بس اريد اخذ علاجي  وابدل حروح مهند دزلي ناس يخلوني يمهم
شمس: وليش حتى مهند يدزلج ناس تكعدين يمهم واحنا هنا
جوري: ابوية عرف مكاني هنا وصار خطر عليكم وعلية يلا راح اروح ابدل
شمس:  تمام
جوري :رحت بدلت وكملت سمعت صوت موبايلي
-طلع مهند يتصل
-ها مهند
مهند : جوري حسام جاي ومديندل الباب خلي يطلع يحيى  هو ولد  ابيضاني سيارتة مارسيدس وزوجتة ويا
جوري: هسة اكل الشمس تكول اليحيى
مهند: عفية
- نهيت الأتصال من مهند وكلت الشمس وراح يحيى يجيبهم
واجوي شفتهم مرتبين ومرتة حلوة لكن لابسة حجاب يعني ذولة مسلمين وشلون راح اكول اقاربي مااعرف
جوري: اهلا وسهلا اتفضلو
زوجة حسام : اهلا بيج انتي جوري
جوري : اي اني
زوجة حسام : ماشاء الله الله يخليج الشبابج
جوري : تسلمين
-رحت اسويلهم عصير وشمس طلعت كيك
وجبتة الهم وفعلا مثل ماكال مهند محترمين وحبابين وزوجتة تخبل بشوشة وحبابة
حسام : يلا جوري كومي ويانة جاين ناخذج
يحيى : وين تاخذوها
حسام : مهند آمنها يمي ويتشكر منكم هواية ويكول ماقصرتو لكن ابو جوري عرف مكانها وراح يسبب الها والكم مشاكل لهيج لازم تطلع منا بأقرب وقت
جوري : جهزت غراضي وطلعت وياهم سلمت على خالة ام شمس وشمس وانطيتها رقمي الجديد وطلعت وياهم
صعدنا بالسيارة
حسام : جوري
جوري: نعم
حسام: لاتتقيدين احسبيني مثل اخوج والله يفك محنتج
جوري: تسلم
-سمعت اجا اتصال الحسام عرفتة من الكلام مهند
حسام: اي يابة هياتهة وياي شبيك گلنالك ارچد الرعونة موزينة
مهند: همزين ماراح تفتهم كلامك جان انفضحنا يلا من توصلون اخابركم وصل سلامي لأم ايمن
حسام : يوصل
_ يسلم عليج
خديجة : الله يسلمة خوش ولد مصعب
- جوري :شفت حسام التفت وخزرها وكاللها هذا مهند مو مصعب
خديجة : ها هم خوش ولد
جوري: مادري شبيهم غلست
_وصلنا البيت كلش حلو دخلنا وشفتة بيت مرتب وحلو ومو كلش متكلفين بالاثاث لكن حلو 
خديجة : جوري تجين وياي بالبيت الي بصفنا بيت حماتي اجيب الاطفال عدها بقو
جوري: تمام اجي
-رحنا البيت حماتها وبقن يسولفن ويضحكن ويشاقن حلوة علاقتهن مثل الصديقات وسألتها علية وكالتلها من معارفنا
انتبهت للصليب الي لابستة
_مسيحية لو مسلمة ولابستة فيكة
جوري: لامسيحية
_فدوة لوجهج الله يحفظج
جوري: تسلمين
-اتفقن العصر يسون عصرونية ويلتقن وجابت اطفالها جانو ولد وبنوتة الولد خمس سنوات والبنوتة سنتين
خديجة: ها حبايبي خوما عضتكم بعد عمة
جوري: ههههه ليش تعضهم
خديجة : تحب الخدود
جوري: ههههههه بس مبينة حبابة كُلش
خديجة : جدا حبابة وطيبة الحمد الله مابيناتنة مشاكل الحماة والجنة
جوري : انتي هم من اول ماشفتج كلت هل انسانة طيبة وبشوشة
خديجة:  تسلمين يالحبيبة من طيب أصلج
جوري : رجعنا للبيت واني رحت غيرت ملابسي وحسام طلع كالت خديجة اخذي راحتج لليل يلا يرجع
_زين هسة اني شنو اصيحلج ام ايمن
خديجة : لا خدوجة هههههه
جوري: صدك هههههه
خديجة : اي ولله بعدني زغيرة على كلمة ام ايمن بس شنسوي
جوري : صح انتي مبينة ازغر من ابو ايمن
خديجة : اي ازغر منة ب 13 سنة
جوري: وفرق العمر هم يسبب عدم تفاهم
خديجة : كعلاقتنا وزواجي لا ابد بلعكس صارلي اب وام وكل شي مرات صح منتفاهم على اشياء بسيطة بس اخر شي نتوصل الحل يرضى الطرفين
جوري: حلو شلون تعرفتو
خديجة : جنت بالجامعة مرحلة أولى واروح مرتبة لأخر درجة وهو يوصل وحدة من خواتة ونتشاوف اغلب الأحيان الى  ان اجة يوم هو جاي سريع واني دامشي وضربني بالسيارة وكعت وجانن رجلية متأذيات وابجي من الألم اخذوني للمستشفى وضل يتأسف بوقتها كرهتة لان اذاني هههههههه وراها صار يتودد  ويعزمني على اكل وعلى عصير لحد ماوكعت بالفخ
جوري: بس احلى فخ طلع مو
خديجة : طبعاً هههههههه
_تعالي للمطبخ انسولف واسوي الغدة
جوري : بدت هي تطبخ واني اساعدها واتسولفلي على حياتها واطفالها
خديجة: وانتي ومصعب شلون تعرفتو
جوري: منو مصعب
خديجة : اقصد مهند اني اتوهم بيناتهم لان ثنينهم ميم
جوري : اها
- اتعرفنا بالكنيسة جان جاي ديصلي الاحد  وبقى يتردد على الكنيسة وراها اختفيت وسأل علية صديقتي وكالتلة ابوها حابسها ومراقب بيتنا ونقذني وكعدني يمة بين مايلزمون ابوية الشرطة
خديجة: الله يكون بعونج على العشتي ويلزمون ابوج بأسرع وقت
جوري : امين
خديجة: انتي ياصف
جوري : هل سنة سادس
خديجة: ودراستج شلون تركتيها
جوري: لامتظرة مهند يرجع من البصرة هو كال اسويلج انتساب واخليج تدرسين بالبيت
خديجة: الله ينطي العافية خوش ولد 
جوري : كملنا الغدة وكعدنا نتغدة وشفت خديجة توكل ابنها وبين بتها ومتاكل شي
_جيبي هل بنوتة الحلوة اني اوكلها
خديجة : اي ولله ياريت 
جوري : اخذت البنوتة وبقيت اوكل بيها مسويتلها امها اكل خاص الها مركة بتيتة وخضار مهروس والبنوتة تخبل بس تضحك للهوى
_اكلج البنوتة عليج بشوشه
خديجة : اي وهذا على ابو معبس
جوري : هههههههههه
_كملنا غدة واتصل بية مهند
مهند: ها بوية مرتاحة
جوري: اي كُلش
مهند: مو كتلج راح تحبيهم
جوري: اي صح
_شوكت ترجع
مهند : لازم مشتاقين
جوري : لا مجرد سؤال
مهند : لاتقتل الفرحة يامسلم
جوري : هههههه
مهند : بس اخلص كم شغلة واجي
-مهند نهيت المكالمة ويا جوري
_بقيت هنا شهر واني وجوري نتواصل بالمراسلة بس مشتاقلها كلش احسهن سنة مو شهر  بقيت يم بنات وابن رنا وهي سافرت للهند اتسوي العملية وكعدت الصبح وشفت سرمد جاي
مهند:صباح الخير شوكت اجيت للبصرة
سرمد: صباح النور الصبح خابرت هالة فتحتلي الباب
اجيت حتى انت تروح الشغلك واني ابقى يمهم
مهند: سرمد
سرمد: ها 
مهند: مشتاق الأبني حيل
سرمد: غير اكلك ازوج وجيبة يمك ربي وخلي يكبر كدام عينك
مهند: انتَ تعرف شي واني اعرف شي
سرمد :  حاطة يم اهل زوجتك وبيبيتة مرة جبيرة يادوب اتعين نفسها وحاط طفل على گلبها
مهند: تركت البيت وطلعت مادري اختنكت كلش شغلت سيارتي ورحت البيت نسايبي  شفت ابني وطلعت البغداد
تقريبا العصر وصلت البغداد رحت البيت حسام
دكيت الباب
- منو
مهند: اني ام ايمن حسام موجود
خديجة : هسة على وصول اتفضل فوت
مهند :حتصل بي
-داريد اتصل وشفت سيارتة طبكت
حسام: شنو اليوم القمر على بابي
مهند:
مو علمودك جاي
حسام: ولله ماتستحي اني اتغزل بيك وانت تفشلني
مهند: حبيبي ممنون منك وانتَ الشمس
حسام: ديلا تعال انفوت
-دخلنا وعيوني ادور على جوري
مهند: لاتكولون الجوري اني هنا خلوها تجي للصالة 
جوري: كاعدة العب وية رهف سمعت الباب اندك بس ماسألت منو على الباب
-من بعد ماجيت هنا عشت يم خديجة وحسام الصراحة ماقصرو والاطفال يونسون بس اشتاقيت المهند جنة نتواصل مراسلة ومرات نتخابر
خديجة : جوري تعالي سويت كيكة تعالي ناكل
جوري: كمت داطلع شلت رهف وطلعت عبرت من الغرفة للمطبخ واني العب ويا رهف مامنتبهة للصالة منو بيها
مهند : احم احم شلونج بويه
جوري: سمعت صوتة والتفتت لكيتة مهند عيوني دمعت شكد مشتاقتلة
-شنو اجيت
مهند: لابويه بعدني بالبصرة دزيتلكم خيالي ديلفيري
-حسام وخديجة راحو لغرفتهم
جوري: تقربت واني امشي بأتجاهة وكفت كبالة
-طولت علية وعيوني لمعن بالدموع
مهند : وكفت كدامي واني اشوفها متغيرة بالشهر محلوة اكثر سمنانة شوية وطالعاتلها خدود وكفت على رجلية واني فاهي بجمالها
- اتقربت يمها وهمست بأذنها
-مشتاقلج
جوري : شعجب اجيت
مهند: سمعت اكو واحد مشتاقلي
جوري : ميت عليك مو بس مشتاقلك ودموعي نزلت
مهند: فتحتلها ايدي وكتلها تعالي بحضني
اجت بحضني اوف كلبي حضنها مو بس حضني
جوري: تمسكت بي وعصرتة بأيدي حيل
مهند: هلكد مشتاقتلي وماتكولين شكد ادبسز لعد
- امشي نروح منا ذولة عافونا وطبو مايستحون
اتصلت على حسام طلعلي من الغرفة يتمضحك
حسام : ها شبيك ولك
مهند: راح اروح لان تعبان من الطريق اجيت اخذ جوري
حسام : ام ايمن مسويتلكم عشة ابقو ورة  العشة روحو
مهند : همست الجوري نبقى لو انروج
جوري: نبقى
مهند : اشتعلت عشيرتج
جوري : شنو رأيك انبات هنا
-كلتها واني حسيت اجتني كرصة من خاصرتي
-اخخ شبيك
مهند: تردين تباتين مو اني الج
جوري: وخر عني اروح اساعد خديجة بالعشة
مهند : روحي ست جوري بسيطة
جوري : رحت اساعد خديجة بالعشة
- همم خديجة
خديجة: ها عيوني
جوري: تعرفين تحفين الوجه
خديجة : هههههه اي اعرف
جوري: شبيج تغمزين
خديجة : أكسبي مهند خوش ولد وانتي هم وحدج وماعندج احد ومتأكدة راح يصيرلج أم وأب حنين كلش هو وحسام عشرة عمر ودوم يسولفلي عنه
جوري: تمام
خديجة : بعد العشة  اخلي حسام ياخذ مهند برة البيت واسويلج وجهج
جوري : بس مو تكولين الحسام استحي
خديجة: اطمأني
-لعد حسام ومهند وين راحو
خديجة للجامع حيصير الأذان
جوري: مهند هم للجامع؟
خديجة: لامهند راح بشغلة ويا حسام
-كملنا العشة واجو حسام ومهند صبينا الهم بالصالة واني وخديجة كعدنا بالغرفة ماعرف ليش مو بسفرة  وحدة مثل عزايمنا من ننجمع ونصلي على الأكل ونكعد ناكل سوة 
-ليش احنا وحدنا هنا
خديجة حتى ناخذ راحتنة
-بقت خديجة تسولفلي على مهند وكذا
جوري: هو شنو يشتغل ؟
خديجة : ها ليش ماكايلج ...حروح اسويلهم جاي كملو
-كملت عشة وشلت السفرة مالتنا وردت اشيل سفرتهم بس مهند خزرني تركتها ورحت
-اشوف حسام راح غسل بس مهند بقى بمكانة
-ورة شوية صاحني
مهند: راح اروح اغسل جيبيلي المنشفة للمغاسل
جوري : رحت اسأل خديجة وين المناشف دلتني بيهم وجبتهم
-مهند افتح الباب اخذ المنشفة
مهند : تعالي فوتي
جوري:  داريد ادخل جرني من ايدي حيل احسها انخلعت  وقفل الباب
-شكو شبيك
مهند: تعالي باوعي البسج بالمراية شوفي صدرج نصة طالع وتردين دنكين تلمين سفرة
-بعدين هذا البس مو بقى بالشقة اشجابة
جوري: اني جبتة غير انت بقيت شهر
مهند: وماخذتي من ام ايمن
جوري: قياساتنا تختلف
مهند: ترحين تبدلين التراكسود هذا
جوري:  تمام داريد امشي افتح الباب ايدي وجعتني
مهند: شو ايدج شبيها
جوري: غير جريتها انت
مهند : اسف ماردت اذيج من خوفي عليج سويت هيج وأن كان حسام اخوية واعزة لكن اخاف عليج حتى من روحي
جوري :ابتسمتلة وكتلة تمام
مهند: اشتعلت عشيرتك هنودي على هل خدود
-ولج صايرة كلج خدود
جوري: اي اكل خديجة طيب
مهند : الف عافية
- يلا طلعي كدامي
جوري دخلت للصالة ومهند وراية
مهند: بويه جوري صبيلي الجاي
حسام: احم صار ماينشرب الجاي الا من ايد جوري
مهند: جايها طيب
جوري: رحت للمطبخ وغسلت كوب
خديجة : ليش هذا استكان مهند
جوري: لاهو يحب بكوب
خديجة : احم احم
جوري: هههه وين الهيل
خديجة : هياتة
جوري: كسرت هيل بالكوب وصبيت الجاي
وخليت شال على جتفي وضميت جسمي بي واخذتلة الكوب
حسام : اي عيني امدللين ذولاك الناس
جوري: تريد اصبلك ابو ايمن
حسام: لابوية اني ام ايمن هم تعرف مزاجي بالجاي
-خلصو الجاي وسوالف
مهند: يلا بويه كومي جهزي غراضج
حسام: وين ابو جمرة اليلة هنا
مهند : غير مرة تعبناكم وهمين عندي شغلة من صبح اطلع
حسام : لعد كوم  عندي شغلة وياك بين ماتجهز جوري
- طلعو وبقينا اني وجوري
خديجة : يلا طلعو كومي احفلج
جوري : راحت جابت الخيط وبدت تحش
خديجة : شو ماتتوجعين
جوري : متعودة مو اول مرة جنت اروح اني وصديقتي لام الصالون اليمنا
خديجة : حواجبج اخذ منهن
جوري : لابس نظفيهن
-كملتلي وجهي واباوع بالمراية طلع وجهي رجعت انثى
خديجة:جوري فوتي اسبحي علسريع ريحة الطبخ لزكت بيج واني اجهزلج غراضج
جوري: طبيت سبحت وطلعت
- وين السشوار
خديجة : هياتة بهل خانة
جوري: طلعتة وشكلتة بالكهرباء ونشفتة بس مو كلش مال استعجال نص ونص
لبست فستان لونة اوف وايت نازل الجوة الركبة وبي ردان ربع  وويا كعب اسود  وخليت كحلة وحمرة وردي ومسكارة
خديجة : هسة طلعتي صدك انثى جنج العارضات اليطلعن بالتليفزيون
جوري: هههه صدك
خديجة : اي ولله اللهم صلِ حقة مهند دايخ بيج
جوري : ههههه مو بجمالج هنيال حسام عليج طيبة وأصيلة وبشوشة وجميلة
خديجة : تسلمين يالحبيبة
- جهزت غراضي وانتظرت مهند يجي اجاني ايمن ابن خديجة
ايمن: عمو يريدج بالباب 
طلعت وسلمت على خديجة وبوست رهوفة ووعدتهم راح اجي اشوفهم
خديجة: ولله البيت راح يفرغ علية شفتي بعينج حسام من صبح لليل طالع
جوري: اني يمج يومية اخلي مهند يجيبني حتى همين ادرسيني الفيزيا
خديجة : تدللين عيوني الج
جوري: بحفظ الرب
-طلعت المهند واخذ الجنط من عندي
مهند: بويه شهل صاروخ النزل علينا كلبي أرهيف مايتحمل
جوري : كافي خجلتني
مهند : فديت اليخجلون يلا امشي منا لايرجع حسام يصيحنا
_____________________________
رعد: صار شهر ويوسف مابين وهذا الولد الراقبنا بالبصرة لاراح ولا التقى بيوسف واليوم رجع البغداد وجماعتنة بعدهم مراقبي
ليث: والمطلوب
رعد: نخطف بته
ليث :ولك احنا ثارنا ويا يوسف مو ويا النسوان
رعد:  مالك علاقة اترك الموضوع يمي

يتبع .....