حُب الأقنعة

البارت الثامن

فتحت عيني نايمة على صدرة وراسي بركبتة الغرفة ضلمة ضوة خافت وبيهة برودةحلوة وريحةعطر مصعب بنص خشمي  وحاط راسة بشعري
-تحركت اشوية ردت اكوم ابدل
مصعب: وين رايحة ؟
جوري: كعدت ؟
-ردت ابدل واروح للمطبخ كعدت بطني توجعني من الجوع
مصعب: هسة بيش الساعة
جوري: مادري موبايلي وين
-فتحت التيبل لامب
-غمض عيونك
مصعب: مااغمض
جوري: غمضهن اريد اكوم
مصعب: كومي منو لازمج
- الدنيا باردة لاتمشين وانتي مصلخة تتمرضين اني اكوم اجيبلج ملابسج
جوري: فديت اليخاف علية
-راح جابلي ملابس بدي بردن وبجامة
مصعب :دفي نفسج
جوري: بعدة مو باردة كلش بعدة الشتا
مصعب: ميخالف
جوري: كمت طلعت للصالة جبت موبايلي
-حبيبي هسة ب 1 ونص
مصعب: لعد شبينة كعدنا شبعانين نوم عبالك الصبح
جوري: مو نمنا من وقت
مصعب: جوعان
جوري: اي ولله اني هم اصلاً كعدت من الجوع
-حروح احمي العشا
- رحت حميت العشا وخليتا على الطاولة
-ومصعب ديربط التلفزيون على الموبايل طلع فلم اجنبي وكعدنا ناكل
مصعب: هاي الطاولة هم اجواء رومانسية وكذا  حاطة ورد وشموع
جوري: شعبالك لعد الاتراك احسن منا
مصعب: الاتراك ينحنون تكريماً لرومانسيتج
-على طاري الرومانسية ماريد ببسي ويا البيتزا سويلي جاي
جوري: حاطتة على النار حكوم اصبلك ترمز اقصد كلاص هههههههه
مصعب : ادبسز مو بيدج اصلا اني ازوجتج لان جايج طيب
جوري: هاك اتفضل
مصعب: زاد فضلج يبت كليبي
جوري : امممم اذا هذا الرد والغزل اسويلك ترامز جاي كل ساعة
مصعب : مااغازلج علمود مصلحة
جوري: همممم
-كملنا اكل وكمت اشيل الماعين وغسلتهن ومصعب باقي يتفرج على التلفزيون جبتلة ماعون حلويات وكيك وكرزات
مصعب: اي تسلم ايدج هسة حلت الكعدة
-بقينا نتفرج على الفلم لحد ماخلص صارت تقريبا ب 3 ونص
مصعب : كومي بوية جهزي الحمام  اسبح راح اتصير الصلاة
-جهزتلة الحمام فات سبح وطلع لبس دشداشة رصاصي اول مرة اشوفة يلبس دشاديش
جوري: تمووت عليك الدشداشة
مصعب: رجاءاً اختي لاتتحرشين انريد انصلي
جوري: صرت امام جامع هسة وقبل شوية
مصعب: وقبل شوية شنو وباوعتلها
جوري: هيج ماكو شي
مصعب : مو اكلج جبانة مادري شلون اجتج جرأة امس
جوري: انننننننن
مصعب: اننن بعينج
-لبسيني الساعة ورشيلي ذاك العطر الوردي هادء
جوري : رشيتلة العطر ولبستة
-هو المسجد  قريب لو بعيد منا 
مصعب: لاقريب اتمشى
جوري: ها يعني مو بالسيارة
مصعب : لا
جوري: بي بنات ؟
مصعب : بويه مسجد مو استغفر الله يالساني
-نسوان وحد والزلم وحد
جوري: اها عبالي
مصعب: اي عبالج
-يلا رايح ديربالج على نفسج ماتأخر
جوري : وانت هم حبيبي

انتظرت مصعب ينزل ورحت ادور على سويج السيارة بالبنطرون الجان لابسة ولكيتة
-لبست جاكيت وفتحت باب الشقة ونزلت للسيارة
فتحت السيار وفتحت الجكمجة ( صندوك السيارة)
طلعت الاظرف وضميتهن بالجاكيت وقفلت الصندوق ورجعت للشاقة اخذتهن ضميتهن حتى مايشوفهن من يجي
- دخلت سبحت
مصعب: ها حبيبي وينج
جوري: اجيت حبيبي
مصعب: لا دزيتلج صوتي ديليفري
جوري: داسبح هسة حطلع
مصعب : دانتظرج اريد اكلج على شي
جوري: حطلع فضولي مايتحمل
-طلعت ولفيت المنشفة على جسمي
مصعب: شنهذا الصاروخ
جوري:يلا كولي شنو الموضوع
-احجي وارجف
مصعب: ادفي اول شي حجيب الصوبة بالصالة موجودة
-رحت جبتها وكعدتها يمها
-لاتكومين ابقي يمها اني حطلعلج ملابسج
جوري: طلعلي ملابسي وبدلت
مصعب:تعالي انشفلج شعرج
جوري: اجيت
-بقى ينشفلي بشعري وسوالي ظفيرة
جوري: اني دائما احسني اني بنتك المدللة
مصعب: وانتي فعلا بنتي المدللة جنت دائما من واني مراهق ادعي الله يرزقني ببنوتة طفلة من ازوج بس ماجنت ادري راح ازوج طفلة
جوري: يعني متريد نخلف طفلة تشبهني
مصعب: مو طفلة انخلف عشر طفلات
جوري : يمة البنات عشرة واكول گليلات
مصعب: انتي بنتي الاصلية واريد منج عشر نسخ ملون
جوري: شرط ملون؟
مصعب: اي خوما مثل ابوهن و اخوهن جلحان
جوري: يخبل ابوهن هزيت جتفي وكلت أسمر والعيون وساع جتالة
مصعب: الله رزقني بوحدة 24 ساعة تهز الحمد الله والشكر ربي
جوري : نعمة مو
مصعب: ابوس ايدي وجه وكفى
-ماكتلج بالموضوع
جوري: اي اسمعك
مصعب: اختي حترجع للعراق اليوم تقريبا 80 بالمية من الورم كدرو يقضون علية بتقنية جديدة مثل اليزر مو تدخل جراحي بقى 20 بالمية فترة وترتاح وترجع تروح
جوري: الرب يشافيها ويعافيها مبروك على شفائها
مصعب: امين الله يبارك ببج
- وكومي جهزي النا جنطة زغيرونة انروح للبصرة
جوري: وأهلك؟
مصعب : شبيهم؟
جوري: شتكللهم اني منو ؟
مصعب: مريتي غير
جوري: يعني يدرون
مصعب: لا نوصل واكللهم
-كومي جهزيلنا جنطنا نطلع على برد الوكت
جوري: كمت اجهز بيهم ومصعب وياية يكلي شنو اخذ وشنو مااخذ
مصعب: من نوصل  للبصرة اشتريلج عباة خليجية متلبسيها بس من نطب للمنطقة لان منطقة عشائرية وماريد تجيج كلمة مو حلوة
جوري: تمام حبيبي
مصعب: فديت اليسمع الكلام
جوري:حنروح البيت اختك لو البيت اهلك
مصعب: البيت اهلي عزمت الاقارب بي على عشا ووصيت اخوي يذبح علمود سلامتها
جوري: قربان؟
مصعب: اي هيج شي
جوري: يعني لمة نسوان وزلم راح تصير؟
مصعب: اي بس النسوان بالبيت والزلم برة
جوري: وتخليني بنص نسوان ماعرفهن
مصعب: لاتخافين اني وياج وخواتي وبنات خواتي كلهن يمج اخليهن
-ترة كرايبنة صح كوبرا بس بخزرة يخافن
جوري: نوب كوبرا طلعن
مصعب: العن من الكوبرا بس شنسوي متحمليهن
جوري: لعد شلبس اريد اطلع حلوة وكشخة
مصعب: انتي اصلا حلوة وكشخة
-بس لاتلبسين بنطرون او سترة اريدج هناك تلبسين گلبية هيج مطرزة حلوة من ذني الخليجيات العندج علمود اطلعين شيخة
جوري: اختارلي وحدة منية الحلوة اخذها
مصعب: الماروني وبيها كرستال حلوة
جوري: اخذتها وحاخذ وياها بعد تلاثة ابدل بيهن
مصعب: لعد اخذي البيضة هم حلوة
جوري تمام
مصعب: اترسي السيارة جنط راح نهاجر
جوري: ديلا كمل شغلاتك
مصعب: شلبس يادشداشة بالعزيمة
جوري: البيضة تطلع عريس
مصعب هممممم
-يلا كملنا كومي بدلي حتى نطلع
جوري: رايحة
رحت بدلت لبست فستان نص ردن وطولة 90 وسويت شعري كعكة وحطيت واقي شمس وطلعت
مصعب: اللهم صلِ اليوم ماكو مكياج
جوري: اخذتة وياي بالجنطة قريب مانريد نوصل ننزل يم مطعم واحط بالمغاسل
مصعب: وليش بلة
جوري: حتى من ادخللهم للبيت مكياجي حلو نظيف
مصعب: ديلا امشي ام المكياج النظيف
-رحت فتحت الخزنة طلعت منها فلوس
-اخذي ذني حسبيلياهن واني ححسب ذني
جوري: هاك حبيبي ذني 53 ورقة
مصعب: خوش وية ذني يصيرن 80 ورقة
جوري: شسوي بيهن؟
مصعب: احتاجهن هي بس العزايم يرادلها بنك مركزي
جوري: تمام حبييي
مصعب: يلا بويه نطلع
جوري: طلع مصعب وقفلنا الشقة
-وصعدنا بالسيارة 
-خابر اخو
مصعب: ها جهزتو الذبايح
سرمد: اي يخوية وين صرت
مصعب: هسة جااين بالطريق
سرمد: انتَ وحسام جاي
مصعب: لا من اوصل تعرف
-الجماعة بيوت عمامك اجو
سرمد: مالك محط رجل صارت دك كتل راح نعزل النسوان بيتنا والزلم بيت عمك
مصعب: خوش تسوي
سرمد: يلا رايح صاحوني ديربالك على نفسك
مصعب: ادلل الله وياك
-تحركنا بالسيارة ونص الطريق نزلت اشتري مي وعصاير ونساتل وجباسة
جوري: اي كُلش مشتهية جبس حامض
-فتحتة واكل بي ومصعب يسوق وفاتح اغاني يدندن
جوري: مصعب موبايلك بي انترنت؟
مصعب: اي بي
جوري: كنكلي
مصعب: كنكي علية الرمز تاريخ اول يوم طلعنا بي
جوري: مااذكرة جان يايوم
مصعب: 19/11/2019
جوري: زين حافظة
-كنك
مصعب: شتسوين مكنكة اصفني علية
جوري: همممم حاخذلك صور وانتَ ماتدري
مصعب: دصورني يعطواني اريد اطلع شكل ثاني
جوري: هههههههههه حط كذلة وحمرة سحرية
مصعب: حتى اطلع صبرية
جوري: صبرية خانم
-نعست
مصعب: ترحين ورة تتمددين اكو ستارة بالجامة عن اشعة شمس نزليهن ونامي
جوري: اي
مصعب : نزلت فتحت الجنطة حاط بيها مخدة وجرجف
جوري:شتسوي بيهن بالسيارة
مصعب: مرات ابات بدوامي ومااعرف الة على مخدتي انام
جوري: هممم نزلت الستارة مال الجامة وتمددت وتغطيت
مصعب: داحجي وي جوري وسكتت التفتت  لكيتها نايمة
-نصيت الاغاني وكملت الطريق
-وصلت قريب على  سيطرة البصرة طبكت على صفحة .
مصعب: جوري اكعدي عدلي نفسج وصلنا السيطرة
جوري: هممم كعدت
مصعب: تعالي رجعي يمي
جوري: صفطت الجرجف ونزلت صعدت يمة
مصعب : صعدت وحركت السيارة
- اشتاقيتلج
جوري: هياتني يمك
مصعب: عبرنا اطراف المحافظة ووصلنا للمركز
-خلي ننزل يم المولات تشتريلج عباية خليجية وهم نتغدة صارت ب 12الظهر
جوري: تمام
-نزلنا قريب على مولات واختارلي عباية كلها سودة وبيها تطريز هم اسود ناعم وعريضة بيها طباكات تنلبس مثل البشت اشتريناها وطلعنا نفتر
مصعب: خلي ندخل يم هل محل مال الصياغة اشتري سوار الاختي
جوري: دخلنا اشترى سوار واخذ رأيي بتخم كامل كلادة وتراجي ومحبس وسوار يصير ايطالي
-اي كُلش حلو ونازك
عامل علية طلع ب 7 ملاين
دفع احسابهن وطلعنا
صعدنا بالسيارة
مصعب: البسي هذا التخم
جوري: ليش
مصعب: راح يطلع حلو ويا الكلبية اريدج كشخة وهيبة طبيلهن واني هم ماشتريتلج ذهب من زوجنا
جوري: امممم شكرا كلش عجبني
-الرب يخليك الية تعيش وجيبلي
مصعب: ويخليج الية بويه يلاالبسي
جوري: لبستة بقت بس الكلادة
-سولياها سدها
مصعب: سديتها وردت ابوس ركبتها واذكرت احنا بالسيارة بالشارع
-يلا خلي نتحرك نروح نتغدة
جوري: نزلنانتغدة وكملنا غدة رحت للمغاسل اغسل  اخذت وياي العباة الاسلامية لبستها وشمرت شال على راسي وحطيت مكياج خفيف بس حلو برز ملامحي وطلعت المصعب
مصعب: شنو هل قمر الصاير محتشم
جوري: غير علمودك
مصعب : ماعبالي الشال هم حتلبسي ماردت افرضة عليج فرض
جوري : سامعة عن المجتمعات العشائرية  انو يبقون يحجون عن الرجال اذا زوجتة ملابسة حجاب وماردت تجيك حجاية من وراية
مصعب: مو اكلج معدلة
-وجايج هم معدل ولله مشتهي ماراح اشرب هنا جاي نوصل لبيت اهلي وتسويلي
جوري: تدلل
مصعب: يلا كومي
جوري: خايفة اروح لاهلك لان ماعرفهم
مصعب: بويه قابل وين ماخذج الداعش غير اني وياج يلا كومي
جوري: تمام
-رحنا صعدنا بالسيارة وتحرك بالسيارة
جوري: حيل من يمتة طالعين وهستونا حنوصل
مصعب:غير سوينا الطريق محاطات عبالك طالعين العجمان
جوري: بس حلو السفر وياك مريح مو مزعج
مصعب: ان شاء الله اسفرج من تكملين السادس
جوري: الضابط غير ميصير يسافر
مصعب: ارهمها بحجة علاج شي
جوري: مصعب من نرجع البغداد زوجة حسام اكوم اروحلها ادرسني 3 مواد
مصعب: حجزتلج يم دورات شتوية الكل المواد بعد اسبوع هيج وتبلش
جوري: صدك شكرا
مصعب: عفوا يحلو
جوري: جنت اسمع عن كرم اهل البصرة بس اول مرة اشوفة هههههههه
مصعب: ادللي حشوفي
-بقيت اسوق الى ان وصلنا طبينا للمنطقة
جوري: البيوت كبار والبناء ضخم صح بس الوان وكذا ماكو تناسق الوان مو مثل بيوت بغداد
-وصلنا يم تجمع رهيب  مال زلم وجوادر
-مصعب طبك السيارة وكال هسة اجي نزل يسلم ويسولف بالربع ساعة يلا اجاني
مصعب: يلا بويه عدلي شالج
جوري: بس ارتبك ادخل بهيج هوسة زلم
مصعب: اني وياج
جوري: نزلت وخلاني  كدامة وحاوطني بيدة ومشاني بنص الزلم واني دنكت راسي عبرنا الطارمة كلش جبيرة ومتروسة زلم وجدورة
-طبينا من باب المطبخ لان باب غرفة الضيوف بي زلم
شفت عدد مال نسوان بالمطبخ مشايفتة بكل تجماعتنة كلت لعد الجوة شكد
-مصعب جان حاطني كداميةمن دخلنة راح يسلم واني بقيت واكفة بمكاني
-اكو نسوان وبنات سلم عليهن بوس واكو لا من بعيد مبينات عماتة وخالاتة وخواتة
-وبعدين انتبهو الوجودي من صاح مصعب بويه تعالي سلمي ليش واكفة
لاحظت علامات الاستغراب بوجهن
جوري : سلام الرب يسوع
-زاد استغرابهن  اكثر
بس ردن وعليكم السلام ورجعت التفتن المصعب بمعنى اشرح النا منو هاي اني بهل لحظة اريد اختفي من الوجود وحتى صخنت من الارتباك
مصعب : افهمكم السالفة بس خلي نرتاح
جوري : اندكت باب المطبخ اجو اطفال اثنين جايبين جنطنا اخذهن مصعب شالهن وصاح بوية جوري لحكيني اني ركضت ركضة بحيث صرت بصفة صعدت وراه للطابق الثاني بي اربع غرف تقريب دخل بغرفة وفتح الاضوية
مصعب: هاي غرفتي  فوتي
جوري: فتت جانت مرتبة ومبينة هستوها منظفة وبيها غرفة اخشاب لونها صاجي وباب يمكن باب حمام
جوري: مصعب همزين صعدتنا ماريد انزل استحيت وارتبكت
مصعب: تتعودين بويه يايابة راسي مسطور خلي انام شوية بس اصحصح
جوري: بدلنا وتمددنا حاوطني مصعب بأديه ونمنا كعدنا على صوت الباب
-راح مصعب فتح الباب كالولة حيجي فلان مدري منو بس مبين واحد جبير والة احترامة
مصعب : بويه جوري رايح اسبح اكويلي دشداشتي تلكينة بهل خانة ال آوتي
جوري: صار
-راح سبح كملت دشداشتة وعلكتها وجهزتلة ساعة وعطر
-ورحت طلعت ملابسي حتى اطب اسبح
-طلع مصعب من الحمام
جوري: نعيما حبيبي
مصعب: اشتعلت عشيرة حبيبج
جوري: حبيبي انتظرني اسبح وننزل سوة استحي انزل وحدي
مصعب: ننزل سوة واحنا سابحين خوش فكرة حتى يموتن قهر
جوري: عززة شكد منحرف
-دخلت سبحت على سريع
-طلعت لكيت مصعب كاعد ويتصفح بالموبايل
مصعب: نعيما ياحلو
جوري: شنو ارد عليك نسيت
مصعب: الله ينعم عليك يالفاهية
جوري: الله ينعم عليك حبيبي
بدلت لبست گلبية الي اختارها الي ماروني طويلة ومخصرة على الجسم ومطرزة بكرستال
وفتحت شعري بس نشفتة بالمنشفة
جوري: اكو هنا سشوار؟
مصعب: شوفي بالخانة بلة
جوري: فتحتها مالكيت بيها
-ماكو
مصعب : من ننزل اشوفلج سشوار
جوري: تمام
-خليت مكياج وسط مو قوي كُلش ولاخفيف كُلش
-وجنت نازعة الذهب وباقية بس  بالصليب  لبست الذهب وكلت المصعب يلبسني الكلادة والصليب ضميتة جوة الگلبية حتى ماتصير اسئلة ونقاشات مالي خلك
-لبسنياها وباسني بركبتي
مصعب: طالعة تخبلين جنچ ليلة كمرية
جوري: همممم
مصعب: يلا ننزل لااتهور
جوري: ههههههه يلا
-حط ايدة بايدي وطلعنا من طلعنا شفنا وحدة بالغرفة المقابيلة سلمت على مصعب  وبقت مستغربة ووجها صار اصفر مدري شبيها
-من وصلنا ردنا ننزل للدرج حطني كدامة انزل
-وطلع صوت خاف اكو نسوان بالصالة
نزلنة وجانت الأمة العربية كلها بالصالة ونسوان جديدة الظاهر جاية نزل بقى يسلم واني بصفة 
وحدة من النسوان: ولك هاي منهي الحلوة الوراك
مصعب : هاي مريتي جوري ازوجتها ببغداد عقدت عليها  وبعد سلامة ام هالة ان شاء الله انسوي حفلة العرس
جوري : اخذني يبوسن ويباركن اكو بيهن حسيتهن صدك باركن من كلبهن واكو لا
اجن خواتة يردن يفهمن السالفة شنو بس باركن
-اجة مصعب اترخص منهن واخذني ويا للمطبخ جان اكو حار وبارد اخذني للبارد جان فارغ مبي ناس  وكعد على الميز
-بس دخلنا اجن كعدن بنات ونسوان هنة نفسهن السلمن من ورة خشمهن وخواتة هم
مصعب: جوريتي سويلي كلاص جاي
-كومي خالو هالة دليها على الغراض
جوري: تدلل
-عرفتة راد يكومني حتى مااسمع حجي
-كمت اسويلة جاي وبت اختة وياي ادليني وكذا وسألتني كم سؤال سطحي عن عمري ومحافظتي واسمع مصعب يتناقش وكلساع يصيح ويرجع ينصي صوتة الى ان جبتلة الجاي سكت وسكتن كُلهن
جوري: تفضل حبيبي (حتى اقهرهن بزايد)
مصعب: عاشت ايدج
جوري: باوعلي وحسيت حيحجي شي متقصد
مصعب: اكلجن السشوار الي بغرفتي وينة ردنا انشف شعرنا اني وجوري مالكينا
هالة : خالو عندي
جوري: من كالت هيج نفسها الشفتها  فوك ندستها حتى تسكت
مصعب: خالو جيبي خلي انشف شعرنا الجو بارد مو جوري
جوري: قربت راسي يمة وكتلة عزة بعينك شكد ماتستحي
مصعب : ترة ذني عگارب ابقي يم خواتي لاتبقين يمهن
جوري: بربك لاتتركني يمهن خفت منهن
مصعب: ولج الناس برة يردوني غير اني العازمهم ضال بالبيت وي النسوان شعندي
جوري : والعذرا جنهن ريا وسكينة
مصعب: ميخالف حبيبتي انتي هم موهين السانج اني منطيج حرية الرد عليهن
جوري: نشف شعرة وطلع نشفت شعري وبقيت يم هالة كلت  وين ماتروح هالة اروح وراها وانظار النسوان كلها علية بس محد تحجي شي
كعدت هالة اتنظف خضرة علاكة جبيرة كتلها انظف وياج نظفنا وكملنا وكعدنا نسولف طلعت هي هم سادس بكدي  لشوية وسمعنا صوت هورنات ورمي قوي كالو وصلو الجماعة
دخلوها وهي لابسة كمامة ومصعب وراها ومنع احد يسلم عليها علمود المناعة ودخلوها بغرفة جوة صارت هوسة وخبصة طبن بناتها يحجن وياها وكذا والنسوان رجعت كعدت بالصالة 
شوية وطلع مصعب من الغرفة وصاحني
اجيبلة علبة الهدية بالغرفة
جان صعدت ولكيت هاي الوجها مسموم دتطلع من الغرفة

جوري : شعندج فايتة الغرفتنا؟

....... يتبع