حُب الأقنعة

البارت الثاني

كلما أبْصَرَتْكِ عيناى تمشين
بخطوٍ موقَّعٍ كالنشيدِ
خَفَقَ القلبُ للحياة ورفّ الزّهرُ
فى حقل عمرى المجرودِ
وانتشتْ روحى الكئيبة بالحبِّ
وغنتْ كالبلبل الغرِّيدِ
أنتِ تُحِيينَ فى فؤادى ما قد
ماتَ فى أمسى السعيدِ الفقيدِ
وَتُشِيدينَ فى خرائب روحى
ما تلاشى فى عهدى المجدودِ
من طموحٍ إلى الجمالِ إلى الفنِّ
إلى ذلك الفضاءِ البعيدِ
وتَبُثِّين رقّة الشوق والأحلامِ
والشّدوِ والهوى فى نشيدي
بعد أن عانقتُ كآبة أيَّامى
فؤادي وألجمتْ تغريدي
أنت أنشودة الأناشيد غناكِ
إله الغناءِ ربُّ القصيدِ

قصيدة (صلوات في هيكل الحُب)

حي كرادة مريم _ الساعة السابعة صباحاً

جوري : كعدت وشفت الساعة بالسبعة لازم ابدل واروح للمدرسة لأن امس غبت نزلت للمطبخ ولكيت ابوية كاعد
جوري : صباحو
ابو جوري :ها الو هيثم اي جهز الاوراق هسة جايك
وراح
جوري : شبي حتى ماسمعني وراح غسلت وجهي وتريكت وخابرت عمو سلمان يجيني

رحت ابدل واني دامشط شعري شفت الوردات بليل حطيتهم بالمي بقيت ادندن بالساني

وهديتني وردة
فرجيتا لصحابي
خبّيتا بكتابي
زرعتا عالمخدّة

وسمعت صوت الهورن مال عمو سلمان اخذت وردة الشمس وطلعت

اي عمو جاية جاية خربت ام اللحظة

جوري : صباح الخير عمو
السايق : صباح النور
جوري : عمو خلي انمر على شمس ناخذها ويانا
السايق : تمام

جوري: الو شمس صباحو لاتخلين اخوج يوصلج اني اجيج
شمس : صباحو حبيبتي تمام انتظرج
_وصلنا البيت شمس واخذناها ويانة وانطيتها الوردة واني ادندن اغنية فيروز

شمس : شنو هاي الرومانسية انسة جوري
جوري : مزاجي رايق اليوم
شمس : اوي عيني رايقة
جوري : عمو سلمان شغللنا فيروز احسن من صوت شمس
شمس : عابت
_ وصلنا للمدرسة بس ماعرف ليش ماحبيت اسولف الأحد عن الي صار حتى شمس مأعرف حسيتها مشاعر حلوة خاصة بية ماريد اشاركها الاحد خلص اليوم واني مزاجي حلو كملت المدرسة وطلعت مااعرف شبية حسيتني اريد اشوف مهند بس ماعندي الة اي شي انتظرت عمو سلمان يجي الية ورجعت للبيت اول ماوصلت رحت سبحت وبدلت بقيت متمددة بفراشي مهند ماطلع من افكاري شفت الساعة صارت بالاربعة العصر بدلت واخذتني رجلية للمتنزه كعدت على نفس المسطبة على أمل اشوفة بس صار وقت الغروب ومالمحتة ابداً رجعت للبيت واني مزاجي متعكر ماشتهيت أكل انتظرت ابوية يرجع رجع سكران ويحجي كلام ماموزون بس سمعت أسم يردد بي مثل كل مرة من يسكر وماعرف هل أسم المن وشنو قصتة كل مايصحى من السكر واسألة ينكر انو كال هل اسم
دخلتة الغرفتة ورحت بالحديقة اتنفس هوى العيشة ويا ابوية تقصر العمر
طلعت كتبي وصرت اقرة بس مالي نفس وواهس سمعت صوت سيارة بالباب ماهتميت كلت يجوز للجيران صعدت الغرفتي ورحت نمت
كعدت الصبح لكيت ابوية بعدة نايم نزلت للمطبخ سويت لفة وطلعت بالحديقة
لمحت مشمور مثل الظرف فتحتة ولكيت بي رسالة وطلقتين
الرسالة : الى يوسف القاتل ( لاعبالك عفناك براحتك كل هل سنين تسرح وتمرح براحتك يعني ناسين حقنا وحق امنا لا وربك وحق الي خلق الحق مانتركك بس جنا منتظرين الوقت المناسب الي نوجع بي گلبك على بنتك لو نوجع گلبها عليك هاي طلقتين مانعرف نصيب منو راح تصير نصيبك لو نصيب بنتك ) وتحت الرسالة بصمة دم