هَوَىٌ..
وأشتِيَاقْ..
ورُوْحُ تُرَاقْ..
وقَلْبُ تَمَزَّقَ بَعْدَ الفِراَقْ..
لأنَّ هَوَاكِ..
عَذَابُ أليْمّ..
وأنَّ التَّعَلّقَ فِيكِ..
أحتِرَاقْ..
جوري: فتحت عيني وضوة واشعة شمس اجت بعيني من الشباك
-كعدت كرفصت على الفراش
-مشتاقة المصعب والحياتي ويا مشتاقة انام بحضنة
-مكرفصة وضامة وجهي على رجلية وعيوني مابطلت بجي
-سمعت الباب انفتح مارفعت راسي استمريت على وضعي ماعندي طاقة احجي
-سمعت خطوات تقترب من يمي وشخص وكف فوك راسي واني كاعدة بلكاع بس مارفعت راسي
سمعتة وجهلي سؤال
-شبيج بعدج متألمة؟
-مارديت علية
-باوعيلي شبيج
-باوعت بوجهة هو نفسة الشخص الي اجاني الفجر رفعت عيني بعينة وهنة منتهيات من البجي ومغرغرات بالدموع
-شبيج ليش هيج عيونج
- رديت علية بعصبية يعني ليش هيج لييش مثلاً غير ماخذني من بيتي وحاطني هنا انت أثول لو تستثول
-لاتتجاوزين
-هذا الي همك بالموضوع كُلة لان تجاوزت ماهامك ماخذني من بيتي ومخليني هنا باوعلي بنظرة عطف وكالي شكد عمرج
- مستفز مستفز
-شكد عمرج
-18 ارتاحيت هسة
-رجع باوعلي بنظرة مافهمتها بس نظرة انسان كلة مشاعر واحاسيس مو خاطف
-جبتلج ملابس مو ردتي تسبحين وحط العلاكة بالكاع يمي
-مارديت علية
- ضغطج هابط كومي اكلي
- مااريد سم
-خوما ترجعين البيتج وانتي متخربطة
-شوكت ارجع
-كومي اكلي تركني وطلع والباب تركة مفتوح
-صفنت على نفسي شوية جوعانة لان داذب الي بمعدتي
-طلعت للساحة نفس الكراسي وكدامهن هيكل مال طبلة حديد قديم وفوكاه خشبة حط علبتين اكل كتلة
-من الفجر لهسة اجيب اكل من المطعم لازم راح اطلعوهن من خشمي بعدين
-كلتيلي شكد عمرج
-18
-صفن بوجهي
-شبيك صفنت ترة اطيح حظك اذا تفكر اتسوي شي
-سند ظهرة رجعة على الكرسي ورجع دارلي وجهة وكال بتعب وحسرة اتشبهيها
-منية
-انتبه على نفسة وكال اكلي مو مهم
-اكلت شوية وشبعت
-اكلج مال عصافير
-مارديت علية وتركتة وكمت للغرفة اخذت العلاكة ودخلت للحمام المي بارد ثلج بس لازم اتحمل
-سبحت غسلت شعري وجسمي لبست ملابس جديدة وطلعت واخيرا نظفت جايبلي تراكسود بي ردانات وعريض نوعاً ما يدفي
-وكفت ورة الباب مال الغرفة وكتلة ممكن مشط
-منين اجيبلج مشط
-دبرلي
-سكت ماكو صوت كعدت على الفراش ربع ساعة واندكت الباب انطاني مشط مببن جديد
-مشطت شعري ورجعت تمددت تعبانة وروحي مسحولة مدري شبية تغطيت وغمضت عيوني
__________________________
مصعب: شنو صار
-سيدي الكامرات الي بالسيطرات رصدو رقم السيارة نفس تاريخ الي تمت بي عملية الخطف
السيارة طلعت خارج بغداد
-ويامحافظة دخلت
-ديالى ودزينا كتاب بأسم السيارة والرقم المديرية ديالى
-يافرجك ياربي
حسام: اهدء مصعب صدكني راح نلكاها
مصعب: الله يسمع منك
______________________
جوري: مانايمة مغمضة عيوني ومتمددة سمعت صوت صياح وعركة فجأة بالساحة والباب انقفلت من برة
-الصياح والكلام مامفهوم بس واحد يصيح طلعها منا فجأة الصياح اختفى ورة ساعات هواية سمعت صوت بالساحة بقيت ادك بالباب واصيح انفتحت الباب
-ها شبيج
-شنو الصياح الصار مساعة
-شعليج
-شلون شعلية اكو واحد هنا اجة ويصيح طلعها يعني علية
-ترك الباب مفتوح وراح كعد على نفس الكرسي القديم
طلعت وراه
-رجع ظهرة للحايط وجر حسرة
-زين كلي شتردون مني واساعدكم
-باوعلي بنظرة انكسار
-وشلون تساعديني واني اريد أذي واحد من اعزازج
- جاوبتة بخوف تريد تأذي مصعب؟
-لا
-لعد
-ابوج لو اخر يوم بعمري اقتلة اعرف نهايتي الأعدام بس اقتلة وادفنة بيدي ووراها اموت عادي
- باوعتلة مصدومة ليش شمسويلك
- حرمني من احن انسانة جانت محتويتني أمي التعلقت بيها امي الي ماولدتني
- شلون حرمك
-يعني تردين اكعد افضفض وياج ونسوي جلسة فضفضة بدل الخطف
-انتَ مبين عليك ابن عالم وناس وتعرف اني مالي علاقة بأي شي مسوي ابوية
-اعرف مالج علاقة وحتى من كلتلهم يخطفوج مجرد ورقة ضغط على ابوج والي جنت دازة يخطفج ويعاملج معاملة سيئة ماجنت موصي على هيج طيحت حظة لان مو رجال الي ينتقم من مرة
- وابوية تواصلت ويا؟
-كل ارقامة مغلقة
-لان مسجون
-شنووو شلون شوكت
-تقريباً قبل يومين من خطفي
ردتني ورقة ضغط علمود تاخذ ثارك؟
-اي
-هه ضحكت بأستهزاء
ترة حتى لو مخابرة ومحصلة جان كلك اقتلها واشمرها للجلاب ماتفيدني
-باوعلي بأستغراب وكال ليش
-مااعرف ليش جنت اتمنى اعرف
- حك لحيتة بحيرة وكال وليش انسجن بتهمة شنو
- كتلة كل انواع التهم بيع اعضاء ترويج مخدرات صالات قمار نصب و احتيال غسيل اموال واخر شي قضية محاولة اعتداء على بنتة وختم ملف انجازاتة
أنت تقرأ
حُب الأقنعة
Romanceوعدتُكِ ان لا احبكِ ثُم أمام القرار الكبير جَبُنت! وعدتُكِ ان لا اعود وان لا اموت اشتياقاً وعُدت ومُت ! وعدتُ مراراً وقررت ان أستقيل مراراً ولا أتذكر أني استقلت لقد كنت اكذِبُ من شِدة الصدق والحمد الله أني كَذبت
