قام عثمان وعياله ودعو الجده وطلعو بطريق
عبير: بابا
عثمان:عيونه
عبير: بتتزوج على امي؟
عثمان: مابسوي شي الا برضاكم يابنتي
عبير: مانبي غير امي يدخل البيت
عثمان: ان شاء الله حبيبتي لاتفكرين بالموضوع انتي
دخلو البيت انسدح بندر على الكنب وضرار راح غرفته يبدل ملابسه عبير جلست بصاله جمب خلود اما عثمان انسدح على سريره يفكر معقول اتزوج غير سعاد قام يتمشى بغرفته يشوف اغراضها ماقدر يشيلها قام يدعي لها بالرحمه وانسدح وهو يفكر بعياله هو رافض فكرة الزواج نفس عياله لكن تميم خلود ريان يحتاجون احد يعتني فيهم مايقدر يخليهم عند جدتهم دايم وطيف عندها جامعه ماتقدر تعتني بتميم على طول وريان تو صغير يحتاج عنايه وصعبه يجيب مربيه وعنده عيال ومايقدر ينتبه لها على طول اخذه النوم وهو يفكر
\\\\\\\
طيف راحت غرفتها وجلست تطالع ريان كيف مخلوط بين اهله ماخذ من كل واحد شي قامت تجهز ملابس بكرا للجامعه
محمد يدق على طيف الباب ويدخل
طيف : هههه وش حقه طقيت الباب اجل
محمد: هههه مدري والله
وراح يجلس على سريرها
طيف: انتبه ريان نايم ان صحى بتنيمه انت
محمد: حبيب خاله نايم معليك بنتبه له المهم شرايك بكلام امي حق عثمان احسها ستعجلت ماعدت ثلاث شهور على وفاة سعاد
طيف: امم مدري هو صدق حسيت مفروض ماتطلع منها هي بس عثمان صدق يحتاج زوجه كملت طيف تتوقع لو تزوج بيقطع عن جيته مدري يمكن زوجته تعصب وكذا انه للحين يروح بيت اهل زوجته
محمد: اول شي امي تصير خالته وذي صلة رحم ثاني شي مابيحرم امي من احفادها وعياله مايقدرون بدونا انتي شايفه تميم مستحيل يسمع كلام احد غيرك ثالث شي عثمان هو الرجال وكلمته الي بتمشي ماتوقع بيحب اي وحده قد سعاد بس بيتزوج عشان عياله
طيف: عبير مستحيل تتقبل فكرة زواجه تحسها خيانه لامها
محمد: لازم تفهمينها انتي هو رجال ويحتاج زوجه مابيكمل عمره بدونها ولاتنسين هو دكتور جامعه مابيقدر ينتبه لعياله لاتقولين انتي موجوده وامي ترا امي كبيره ماتقدر نفس قبل وانتي جامعتك وعياله كلهم يدرسون محد فاضي صدق صدق هو محتاج وحده تعتني فيهم
طيف: طيب يجيب مربيه او يوديهم حضانه
محمد: الحضانه لها وقت محدد مو طول اليوم وانه يجيب مربيه وفي عيال بالبيت صعبه وبعدين حتى لو جابها مين ينتبه لها
طيف: مدري مدري حتنا احس ماودي يتزوج بعد سعاد اهخ الله يسهل
صحى تميم من النوم قام لحضن طيف وكمل نوم
محمد: هههه مافهمت قام عشان يكمل عندك
طيف: ماينام الا بحضني يزينه حبيبي
محمد: متى كلاسك بكرا
طيف: الساعه 7 ضرار بيمرني
محمد : حلو
وقام عشان ينام هو الثاني
\\\\\\\\\\
الساعه 6 قامت طيف مفجوعه من صياح ريان سوت له رضاعه وغيرت له وراحت تتروش وتسوي لها فطور وتحطه بلانش بوكس وتسوي لتميم فطور صعدت بتتجهز الا تميم يقوم من النوم مبلل السرير قامت تسبحه وترمي المفرش بالغساله خلصت منه الا يصيح ريان وتروح تسكته ثاني وتطلع لغرفة محمد وبيدها ريان
