كان منسدح وهي بحضنه يمسح على شعرها قال بهدوء: نروح بيتنا؟
كانت متردده لكن البنات شجعوها انها ترجع وماتخلي لين تتهنى ، وهم وهي والكل يدري انه مايبي لين ومن صغره ماحب ولا بيحب غير ورد ، قاطع تفكيرها بوسه رقيقه على شفتها : لاتقولينلي لا شوفي كيف ردت روحي بشووفتك ولا تبين لي التعب؟
حطت كفها البارد على وجهه تمسح على لحيته : سم لله عليك من التعب
اخذ كفها بحضن يده وباسها : يلا قومي تجهزي
توجهت لغرفتها وشافت البنات للحينهم فيه : توقعتكم رحتوا
طيف: كنا مستعدين لاي رجعه منك عشان نستلمك
وجد وهي تاشر على طيف وعبير: الثنتين ذولا كانو متوعدين فيك
ابتسمت وهي تقوله : برجع بيتي
عبير بفرحه : صادقه؟
ورد : ايه وبندور ينطرني تحت
توجهو للنافذه وشافوه يناظر جهتهم سكرو الستاره بسرعه ، بشرى بفشله : وش بيقول الرجال الحين
عبير دقت كتف طيف الي فهمت عليها : حنا بنسبقك اجل
بشرى : من بيوديكم
طيف: خلي زوج اختك يوصلك
بشرى: ياليل
نزلو الثنتين فتحو باب السياره الخلفي وعبير الامامي وجلسو ، بندر ناظرهم برفعة حاجب: انزلي انتي وياها
عبير وهي تمسك يده : وهه حبيبي الغالي مابخليك تستفرد بالبنت اخاف عليها بعد كل ذا الوقت
طيف وهي تمسح على كتفه : عشان نتاكد انها مابتنحش منك مرا ثانيه
بندر الي تنرفز منهم وبالحييلل: انزلو بكل احترام دام النفس عليكم طيبه
عبير: طيبه ولا الجنادريه هاهاهاههاها
بندر: دمك خفيف تصدقين
طيف: لا ثقيل
بندر بعصبيه : بتجننوني !
عبير: لا بنهبل فيك
مسح على وجهه وهو يتعوذ من الشيطان لايكفر فيهم دق على ابوه ، بندر باسلوب يحاول قد مايقدر يكون محترم : تعال اخذ زوجتك وبنتك
استغرب عثمان من اسلوبه : وش مسوين
عبير سحبت الجوال : تخيل بابا بس عشان قلناله يوصلنا البيت عصب تخيل
عثمان: شدعوا عليك وليه ماتوصلهم
بندر: يالشذوب مو توك بتجين شقتي!
طيف: لاتتبلى
بندر بعد ماشاف ورد قال لعبير: انقلعي ورا
عبير بدراما: اح كل ذا عشان زوجتك ونا اختك من لحمك ودمك
عثمان : اقول لاتتاخر انا رايح البيت انطركم
ركبت ورد ورا وناظرتهم بطرف عينها : عشان كذا مستعجلين
طيف: مانفوت لحظة تجمع الحبايب
بندر بكل هدوء وقف قدام بيت اهله : بلا مطرود انتي وهي
عبير: يعني طرده
طيف: تشوفين
بندر الي صبره بدا ينفذ فتح الباب الا ثنتينهم نازلين يتسابقون مين يدخل البيت قبل : بزران وربي
ضحكت ورد الي جلست قدام : وي معرفتك يالهيبه
رفع حاجبه : كمليها انتي بعد
مسكت يده وهي تضحك : ياحلات العصبي يانااث
بندر : اصغر عيالك
ضحكت وهي تبوس يده : امزح معك
رفع يدها له وباسها
\\\\\\\\\\
كانت منسدحه بحضنه وهو يمسح على شعرها ناظرته شوي وقالت : قولي المزايا قولي اي شعور تحسه معاي
