اولا كل عام وانتو بخير ثانيا التفاعل ماعجبني وانا كاتبه ذا البارت من اسبوع ومانزلته فا البارت الي بعدو مابينزل لين القى تفاعل اقوى ويلا نبدا
(اي خطا كتابي اشرو عنده عشان اصححه)
قامت ام محمد من سجادتها وتوجهت للمطبخ تسوي اكلات تنفع للوالد كانت فرحانه بولادت وعد كانها وحده من بناتها والاكيد انها فرحانه بولادت اول مولود لولدها يحمل اسم ابوه ناصر ، من حماسها مابقى شي ماسوته ، قررت تقضي فترة النفاس معها لان وعد حسبت بنت من بناتها طبعا
نزلت طيف وهي متحمسه اول ماشافت امها حضنتها : مبرووك يالغاليه
ام محمد:الله يبارك فيك يما وانتي مبروك واخيرا صرتي عمه
طيف: ايي واخيرا ، متى بتروحين لهم بجي معاك
ام محمد: بخلص الي على النار وادق على محمد يجيني
طيف: وش محمد عثمان او بندر يودونا ، خليني اساعدك
رفعت اكمامها تو بتبدا الا تنصدم من كمية الاشياء والاكل الي على الطاوله لفت بصدمه:يمااا!!
ام محمد: ام صمه وشو!
طيف:كل ذا ليييههه؟؟
ام محمد:تو والد البنت لازم تتغذا زين
طيف:طيبب واجد الي سويتيه
ام محمد : وين واجد وين!
طيف :بشوف البنات لو بيجون واكلم عثمان يوصلنا اجل
ام محمد: زين اجل نمر بيت محمد اول احط الاكل واغراضي ونمر المستشفى
طيف وهي تصعد الدرج:تمام التمام
دخلت الغرفه وهي تنط على السرير:عثيمااننن
قام عثمان وهو يمسكها بشبه عصبيه:يابنتتت!! تراك حاملل اهجديي
طيف وهي تبوسه:اوبس نسيت
عثمان وهو يقلب عيونه:الله يرزقك عقل
ناظرته بطرف عينها:شقصدك
ضحك وهو يحضنها ويبوسها :مو قصدي شي
طيف وهي تضحك معاه:احسببب
قام وهو شايلها متجه للبانيو
طيف :عثمانن نزلني مابي
نزلها بالبانيو :وشو ماتبين لازم نهتم فيك،وننظفك زين عشان البيبي
ضحكت وهي تقوله: اقدر اتروش لحالي!
عثمان:ماضمنك لازم تحت اشرافي تتروشين
/////////
اول ماقرا الخبر رجع مرا ومرتين وثلاث يتاكد من صحته! اختههه ولدتت جابتت بنتت يعني هو صار خالل قام من سريره يرقص مستانس مرا احلا صباح يمر عليه ، دخل تروش وحلق وهو يغني ويرقص كشخ كشخت معرس ! من الحماس كان بيلبس بشت :لعلي تهورت
حطه على السرير وكان بيطلع بس رجع :مايمنع نكشخ حق بنت اختي!
ونزل السياره متحمس وصوت الاغاني غطى الحاره كلها وصل للمستشفى كان بينزل وشاف قدامه واحد معه بلونات وورد قال بنفسه(يامخ كيف تنزل حق اختك ومو جايب شي!)
حرك السياره مرا ثانيه وهو يتصل بباسل مرا ومرتين وخمس لما رد: مفروض ترد علي من اول ثانيه ادق عليك فيها تفهم!!
باسل:يعنيي الواحد ماينام
سالم:مو وقت نوم قولي وش يودون هدايه للوالد
باسل:تراك تسال الشخص الخطا
تافف سالم وسكر بوجهه
رجع دق عليه باسل:مين الوالد!
سالم وهو شاق ابتسامه :بارك لي صرت خال
باسل:شوي شوي ابتسامتك بتخترق التلفون وتوصل لي
ضحك سالم بصوت عالي:ياخي احلا يوم يمر علي بحياتي ، شوف شوف
فتح الكام يوريه كشخته
باسل صفر:وشش الزيينن ذا شكلك مضيع رايح لاختك مو زوجتك
ضحك سالم:ياشيخ بخليها تحبني اكثر من ابوها! لازم اتكشخ لبنت اختي
ضحك باسل:الله يعين البنت عليكم
سالم:ليه اسواق الذهب مسكره!
باسل:من جدك انت شايف الساعه كم
سالم:ذي حاله طارئه لازم يفتحون
باسل:انطر ساعه على ماتفطر الا وفتحو
سالم شكلها كذا
