عدا اسبوع الاجازه سريع يوم الجمعه الصبح كانت طيف جالسه مع خلود تروشوا وتسوي شعرها وهم يطالعون التلفزيون صحت الجده نوره : صباح الخير بحلواتي
خلود راحت تبوس راس جدتها: تيته شوفي لابسه نفس طيف(كانو طيف وخلود مطقمين بالبيجامه )
الجده: حركات
وراحت تجلس بالحوش تقرا قرآن
طيف: خلود حبيبي شرايك نروح نسوي الفطور
خلود : اييي
وراحو المطبخ يجهزون الفطور وطيف سوت الشاهي حق امها وخلته يتخدر لين خلصوا ودخلو الفطاير الفرن
طيف: خلود جيبي الجبن وتعالي نشرب شاهي مع امي لين يستوون الفطاير
اخذت خلود الجبن ولحقتها كان تميم توه صاحي نزل وماشاف احد وطلع لهم الحوش شافهم جالسين وخلود متكيه على طيف راح بسرعه ومشع شعرها خلود جلست تبكي : خرب شعري تو طيف سوته
طيف: تميم ليه سويت كذا
تميم: عشان جالسه عليك
وشاف لبسهم نفس بعض راح يضربها زياده
طيف وهي تشيل تميم: تميم ان شفتك تضرب خلود مرا ثانيه ترا بزعل
تميم: انتي امي انا ليه تقرب منك
خلود: امي انا بعد مو بس انت
طيف: اي امكم ثنينكم
تميم: تحبين خلود اكثر شوفي تلبسين نفسها وتدافعين عنها
طيف حضنته وجلست تفهمه انه مايصير يغار من اخته وهو يتجاوب مع طيف
صحى الكل وجلسو يفطرون دق الجد خالد اخو الجده نوره وقال انه بيجي يسير بعد صلاة الجمعه
طلعوا الرجال يصلون الجمعه
بالمسجد تلاقوا هناك بعد الصلاه توجهوا لبيت الجده نوره طيف لبست عباتها اما عبير بقت زي ماهي لانه مافي احد تتحجب عليه جلسوا على القهوه لين جا وقت الغدا وبعدها القهوه وسالفه تجر سالفه
لف الجد خالد على عثمان: وانت متى بتتزوج ان شاء الله
عثمان قلب عيونه: يبا ماخلصنا من ذي السيره
الجده: لا ياوليدي انت لازم تعرس
خلود: بابا
عثمان: عيون بابا
خلود: ليه ماتتزوج ماما طيف
تميم: اييي ماما طيفف
الكل لف على طيف وهي تحس بذي اللحظه ودها الارض تنشق وتبلعها
الجد خالد وهو يطالع طيف: مو انت كنت معترض عشان عيالك هاذهم يبون طيف
ضرار بشوي نرفزه: ياجدي طيف بقدي وش تتزوج ابوي كلام اطفال لاتاخذ عليه
الجد: وش دخل العمر وشفيها هو بيتزوجها عشان عياله
بندر: بس تظلم البنت
طيف وهي تطالع امها بترجي انها ترفض
عثمان ناظر طيف : مقدر اغصب احد على زواجي اسالوها اذا رفضت بيتقفل الموضوع
الجد : محد بيعترض على كلامي صح طيف
طيف : اسفه خالي
الجد بعصبيه: تكسرين كلمتي ياطيف
محمد: ماعاش من يكسر كلمتك ياجدي بس مايصير الموضوع كذا خلهم يفكرون
الجد وهو يقوم :يفكرون يفكرون يلا فامان الله
طلع الجد وعثمان وقف: السموحه على كلام ابوي عن اذنكم
ضرار راح لطيف: طيف محد بيزوجك وانتي ماتبين كلنا معك
