صباح يوم جديد الاختبارات باقيلها شهر كانت طيف نايمه عند تميم صارلها مده تنام معه بعذر انه يخاف رن المنبه قفلته ولا قامت صحى تميم من ازعاجه وحاول يصحي طيف ماقامت
عثمان الي كان توه صاحي استغرب انها ماجات تصحيه اليوم قام رايح غرفة تميم شافه يحاول يصحيها قرب منها : طيف اخلصي تاخرنا وانتي قايله بتروحين مدرسة خلود
قامت طيف بازعاج: اوف يلا قمت
راح عثمان يشيل ريان عشان يروشه معه
طيف قامت بتذمر دخلت الحمام وطلعت تشوف خلود وعبير اذا قامو
: خلود حبيبي يلا بروح معك مجلس الامهات
قامت خلود بحماس : بتجين؟؟
طيف : ايه يلا قومي بسوي الفطور ابي اشوفك جاهزه وصحي عبير معاك
باست خلود خد طيف وقامت متوجهه لغرفتها تجهز ريان وتسوي الفطور
\\\
دخلت الغرفه وشافت عثمان طالع من الحمام وبيده شايل ريان والمنشفه محاوطه جزئة السفلي وعضلات بطنه باينه والمويا مغرقه خصلات شعره المتبعثره مع جسمه
مد لها ريان وطولت تناظر فيه بسرحان : احم لهدرجه افتن؟
صحت طيف وشتت نظرها اخذت ريان وراحت غرفته تلبسه ووجهها احممرر من الاحراج
نزلت معه المطبخ جلس يحوس جمبها وهي تجهز الفطور على نزلة بندر: طيوفي غريبه متاخره
طيف: ايه راحت علي نومه تعال شوي ويستوي الفطور ، صباح الخير
ماردت وجلست بكل برود
بندر :ها عبوره متى اختباراتك
عبير: باقيلها شهر
بندر: هيهيهي انا مخلص
عبير: هيهيهي بعطل وانت تداوم
بندر: ماتضحك
ضرار: ادري مشتاقينلي وتقولون وينه ضروري وحشنا
طيف: الواثق من نفسه يبيله رفسه
بندر: ويووو هههههه
ضرار: ادري ماتبون تعترفون
عثمان نزل وجلس بالصاله صارله مده اذا تجمعو مع بعض مايجلس معهم عشان طيف تتهرب او تتحفظ قال بيخليها براحتها
ضرار يهمس لطيف: متهاوشه مع عبير؟
طيف :لا مدري شفيها
عبير الي سمعتهم :ماتدرين صح
طيف: ايه قولي وش فيك
عبير: انتي شافيه ابوي كيف! مدري ليه وافقتي عليه وانتي ماتبينه تعاملينه كانه غريب من بعد ماكنتي تسولفين وتضحكين معه من ماتت امي وهو مايضحك وكان رافض الزواج نهائي بس وافق لانه يبيك ويعزك وانتي ولاهمك تتجنبينه وتكلمينه ببرود ولا كانك زوجه له حتى ماتنامين معه بنفس المكان ولاتجلسين بالمكان الي هو فيه الا نادر اشوفه منجرح حتى ماعاد يجلس معنا عشان مايضايقك حاله حال نفسه كله منككك اكرهك اكرهك
طيف تضايقت من كلامها هو صح بس هي خايفه منه تخاف ينعاد اول يوم
ضرار: خلاص عبير
عبير: كلامي صح عشان كذا تبون تسكتوني انت شفت ابوي لين احترق الفندق كان خايف عليها مره كلحين يدق يتطمن عليها مايبي يصيرلها شي وهي حتى ماتبي تشوفه
بندر طالع بطيف : كلامك صح ياعبير ماختلفنا معك
