رجعو من المستشفى ودخل ضرار بالغدا بعد مابدلو ملابسهم
ضرار وهو ياكل: سارونه
ساره الي حطت الكاس جمبها وهي تناظره :سم
كشر : وش سم قولي عيونها لبيه شي حلو!
ضحكت وهي تقوله: ياعيون ساره امرني
ابتسم برضى : ايه كذا
تحمحم وهو يكمل: من الاحد بتبدا الجامعه طبعا حتى انا بكمل باقيلي سنه مابضيعها
ابتسمت يعجبها ذا الشي بضرار مستحيل يترك شي بدا فيه لازم يكمله وينجزه دايم : مو تعب عليك شغلك وجامعه
ضرار: اتعب الحين بس عيالي يشوفون ابوهم مخلص وماخذ شهاده بمعدل مرتفع راضي بذا التعب
ساره: يحظ عيالك
ابتسم وهو يناظرها بغرور: ويحظ امهم بعد
كملت اكل بعد ما احرجها بكلامه ضحك على حياها وكمل هو الثاني ياكل
\\\\\\\\\\\
دخل البيت مستعجلل باس راس بنته وتوجه لدولاب وهو يقول: جوجو عندي اجتماع باليل بمنطقه ثانيه يمكن ارجع بكرا او الي بعده
ناظرها لانه ماحصل رد : وشو
وجد بعصبيه مصطنعه: ايوا الحين اول ماتدخل تروح لبنتك ونا تتركني لا وبعد يجي يقول بروح والنننن تبن!
ضحك على اسلوبها الحلطومي وغيرتها من بنتها قرب منها وباس خدها اليمين واليسار وراسها وخشمها وشفتها ابتسمت برضى وهي تحط بنتها وتطلعله ملابس، ضحك : لو داري كان بستك من اول
رفعت حاجبها وكملت تطلعله ملابس
\\\\\\\\\\\\\
دق على سالم وهو يتافف ماهو مرتاح له لكن ماعنده غيره تافف وهو ينتظر رده
رد بعد ثاني اتصال: ياهلا
سالم: معليش تو انتبه
باسل: معليه وين؟
سالم:برسلك الموقع
باسل:خلاص جايك، الحين ؟
سالم:ايه
باسل تمام ، الله معك
قفل منه وهو يتوجه للموقع الي ارسله اخذته افكاره لكن جا بباله مازن دق عليه : الو شكلك فاضي
مازن: لاشغله ولا مشغله اكيد فاضي
باسل:اي اشوفك رديت بسرعه
مازن : شكلك طالع
باسل:رايح اشوف ولد عمك ،كيف الوضع عندك
مازن: ابد مافي جديد بعد الصندوق ذاك
باسل:حاول تحصل اي شي كل شي بيفيدنا، الا شلون ساره
مازن: ابد مرتاحه مع ضرار تكلمني من فتره لفتره
باسل: اهخ بس لو اقدر اشوفها
مازن: احترم ياولد
ضحك باسل وهو يقوله:جدك ترا بتعرف منه
مازن: معليك وراه وراه
باسل:يلا وصلت انا ، خل لك اذون بكل مكان فاهم ، فمان الله
قفل منه وهو ينزل كان مقهى باين كل الي فيه ناس مهمه وجايه لشغل كان هادي دور عن سالم بعيونه وتوجه له
وقف سالم يسلم عليه : الله حيه
مد يده : الله يزهاك
جلس وهو يطلع الاوراق كان محتاج اسئله كثير لكن ناقصه من الطرفين
بالفتره الي راحت كان مشغول بذي القضيه خاصه انها لاحد من اهله كانت تشيب الراس وفيها اشياء كثير ناقصه لكن واضح حجم القضيه الي طاحو فيها كان يحس بقهر كبير انو عمه ! سوا كل ذا وظلم وخطف وهو مجبور انه يدينه مستحيل يخليه يكمل بافعاله ذي كانت قضيه مهمه كثير له زي ماهي مهمه لباسل ومازن
