نزلت لكم بارت خفيف بعد انقطاع طويل اتمنى تعطونه حقه بالدعم
صحت من النوم وهي تحس بدفى غريب عليها رفعت راسها وتذكرت اخر شي صار وخرت باحراج عن الاكبر كانت بتبعد لكنها فرصه تتامله بدون علمه كانت عيونها تتنقل من عيونه ورموشه الكثيف لحواجبه الحاده شبه المتصله لانفه المسلول لشعره البني الكثيف ولبشرته الحنطيه كان جميل بعيونها جميل جميل ،ماستوعبت على نفسها الا وهي تقول: فتنة ماشاء الله
ابتسم وهو يفتح عيونه وبصوت مليان نوم: شبعتي تأمُل فيني؟(ضحك بصوت عالي) شكلك ماشبعتي
نزلت عيونها بإحراج ، ابتسم وهو ينزل من السياره ويتمدد كان الوقت ليل وشبه بارد ،نزلت هي الثانيه من الجهه المخالفه للاكبر كان يناظر هيئتها الهزيلة وبياضها الباهت وشعرها الاسود الطويل ماينكر انها جميله رغم كل ذا، راح صوبها وهو يحك نهاية راسه بتوتر من الي بيقوله، ضحكت عليه وهي تنتظره يتكلم، تحمحم بالاخير وهو يوقف مقابل لها:تقبلين تصيرين جزء مني ومن حياتي؟
حست بدوخه من كلامه ماتوقعته او ماتوقعته بذا الوقت، مسك يدها وشدها له: (لين) بعييدد عن اهلنا بعيدد عن كل البشر بتعيشين اميره ونسوي عايله صغيره تخصنا ماعليك من احد انتي بس وافقي واحين نروح المحكمه،
كانت متوتره وطغت الحمره على بياض وجهها ، هزت راسها بالايجاب وماستوعب الا وشقة البسمه شفته وحضنها وهو يدور فيها
////////////
رشت من عطرها وبدت تصعد الدرج خطوه بخطوه كان متعب عليها لكن كل شي يهون لعيون محبوبها ماكانت تبي تستخدم المصعد عشان ماتشوفها خالتها الي محرمه عليها تصعد، وصلت واخيرا توجهة لجناحهم فتحة الباب بهدوء، التفت لها وهو واقف بالبوكسر والواضح توه متروش، توجهة له وواضح انها زعلانه من عيونها ، اول ماشافها سكر النور وقفت بهدوء تناظره ودموعها تتجمع عكست طريقها ورجعت للباب بتطلع راحت للمصعد ذي المره ومايهمها وش بتقول خالتها بدت دموعها تنزل دخلت غرفتها وكانت بنتها نايمه غطتها زين وجلست على سريرها تبي توقف سيلان دموعها
/////////////
قام من طاولة الطعام وهو ياخذ مفتاح سيارته لحقته زوجته وولده الي حضنه وهو يقوله: لاتنسى موعدنا الليله دادي
باس خد ولده: ساحاول الا اتاخر عزيز، كن فتى مهذب اتفقنا؟
ومد قبضة يده الي سوا طفله نفسها وضربوها ببعض، وقف وهو يبوس شفة زوجته كا وداعيه ، صعد سيارته وهو يفتح الدرج ويطلع جهازه الثاني حرك السياره وانطلق
وصل بعد مده ودخل المقر كانو الاعضاء ياكلون
ادورد والاكل بفمه: بول الاكل لذيذ يجب ان تتذوقه
ماهتم وكمل يمشي للغرفه المحرمه والي مايدخلها اي احد ، دخل ونزل له الجهاز الي يكتب فيه الكلمه المخصصه للمميزين الي مسموح يدخلون فقط ، بعدها فتح له قبو لازم يخطي على اماكن محدده ولا بتنقطع رجله، وصل للزعيم او زي مايسمونه الالهه للعالم السفلي العالم الاسود، التفت له : تاخرت يابول
بول كانت انظاره على الثنين الي قدامه مرتكزه عيونه على الاضخم والاحق بالاحترام المشوه الي يرتدي قناع يلازمه حتى بنومه اما الثاني الي حواسه نفاثه بعين مصابه
بول: ارجو المعذره
المشوه:ليس لدينا مبدأ الاعذار اما العمل واما العقاب
بول: ما المطلوب مني ؟
المشوهه: لديك مهمة تسليم في الشق الغربي بعد الشارع الرابع ويجب ان تتاكد من ان الاموال غير مزوره ستكون المهمه بعد يوم وليلة
التفت الثاني على بول كان مصدوم يتمنى انه مايوافق، تكلم بول ببرود يخفي الخوف وراه:هناك دوريات شرطه دائمه !
المشوهه: هل انت خائف تستطيع الرفض لكن المكافأة ستذهب لغيرك
نزل راسه بتفكير بعدها اعلن موافقته
المشوهه: من الغد ودع عائلتك واخبرهم بسفرك العاجل
بول وهو يطلع: حاضر
\\\\\\\\\\\
قبل ساعات من الحين
كان الصمت متسيد المكان قاطع الهدوء وافكار الجالسين بصمت صوت الجد خالد: منو ذي الي كانت هنا قبل شوي؟
مازن: وحده مضيعه البيت يبا ماعليك منها
الجد وهو يرفع عصاته ويهبد فيها ظهر مازن:ورا ماساعدت البنت تراها حسبت اختك ماعلمتك كذا!
مازن وهو يحط يده على ظهره ويمسح عليها بشويش: اوتش يبا طلعت تبي البيت الي قدامنا الله يصلحك
كانت ساره تناظر بمازن وكانها مو راضيه بكذبته، قام مازن رايح للحمام اما ساره قامت تطلع الكيك من الفرن، طلع مازن بعد ماغسل يدينه واخذ الجد الغرفه يريح وعطاه دواه، وتوجه بعدها للمطبخ عند اخته:اممم وش الروايح اللذيذه
وهي تسوي الكريمه: كيكه يحبها قلبك
قام بدون صبر طلع ملعقه من الدرج وكان بياخذ من الكيكه لولا انها دفته بغفله منه:يماا لييهه خليننيي اكلل
ساره بعصبيه: جدي نايم لاتصارخ ومافي اكل لين اخلص!!
مازن: انتي سويتي الاكل عشان ينوكل مو تحرميني منه
ساره وهي تبعد قالب الكيك عنه:يالشذوب قلت انطر ماقلت لاتاكل لاتطلع كلام على كيفك
مازن وهو يجلس على الطاوله:انننن
ساره:بزر
\\\\\\\\\\\\\\\\\\\\\
باسل بعصبيه: لقد طلبت منك ان تبحث بجريمة التهريب بتاريخ ٢ مارس قبل ثلاث سنوات هل تفهم اريد المعلومات كامله
ليو: هل تقصد تهريب المخ
باسل: ايها الاحمق تهريب البشرر
ليو: حاضر حاضر
قام باسل وصفق الباب بعده وهو مصدع من الاهبل الي موظفينه:غباء اقسم بالله وش وظفه ذا ابشوف مين الواسطه حقه
كان يكلم نفسه وهو ماشي لين لمح مقهى بنهاية الشارع ابتسم بسعاده وهو يصفق يدينه: وقتتتككك
بعد ماطلب جلس على الطاوله ينتظر طلبه وكانت عيونه تتفحص الموجودين لمح انسانه كانه يعرفها وحاول مايبين وجهه وهو قايم يجلس بالطاوله الي وراها،كان مستغرب مين الرجال الي معها هل اخوها او صاحبها او شنو بالضبط رفع جواله على اساس يصور نفسه لكنه صور الي وراه وارسلها ل ليو يجيب معلومات الثنين ذولا، بذي الاثناء وصل طلبه كان بيقوم لكنه انجذب للكلام
الرجال:انه منزلك انتي ماذا تريدين منه؟
المرأه:احتاج ان يكون معي بهذا الوقت
الرجال: انا معكي ماذا تحتاجين به انه كذاب لعين
المرأه ومن قال اني اريده اريد اشياء اخرى ارجوك ابقى بعيداً هذه الاثناء
عقد باسل حواجبه من المحادثه ذي وحاول يفهم وش علاقتهم بضبط لكنه ماعرف قاطع تركيزه اتصال من رئيسه خلاه يقوم
\\\\\\\\\\\\\\\\\\\\
قبل ساعات من الحين
جلست من نومها وهي تتذكر كلامهم امس وابتسمت بحب ، رفعت راسها صوبه وشافته جالس باست شفته: صباح الخير حلوي
ابتسم بالمثل: صباح الورد حلوتي
تكلمت بصوتها الي كله نوم وهي تمسح بابهامها على لحيته قريب دقنه: من متى صاحي
عثمان: من مده اتامل قمري، شرايك نقوم نتروش؟
طيف وهي تجلس والواضح انها جلست على شي يحييها، لفت على عثمان الي مسكها من خصرها وهو يبتسم،قرب من اذنها وهمس:شتقت لك
\\\\\\\\\\\\\\\\
كان ماسك يدها وهو يسوق ويدندن مع الاغنيه وقف عند المكان المنشود طالعت الاسم الي قشعر جسمها له وهي تلف عليه بتساؤل ابتسم لها لين بانت غمازته:ابيك زوجه لي بالحلال
