تتصل وعد على طيف
وعد: ها طيوف سالم وافق
طيف: حلوو اجل نلتقي بالبيت بطلع الحين
وعد: تم
سكرت طيف وراحت بالممر تنتظر محمد يجي ياخذ الشاي
\\\\
عثمان: معليك انا رايح رايح بجيب الشاي
محمد: عطني ريان عنك
وراح عثمان المطبخ وشاف طيف احلامه واقفه بجنزها الضيق وتيشيرتها الشيفون القصير كيف بينام اليوم بعد ماشافها استوعب على نفسه انا وش اقول البنت بقد عيالي اعوذ بالله منك يابليس تنحنح عشان تنتبه له: احم احم
طيف: محمد مافي احد ادخل
عثمان: جيت بدال محمد
طيف: اذا شفت محمد قوله ابيه يوصلني البيت
عثمان: تمام
واخذ الشاي وطلع وراحت طيف جمب البنات
عبير: ها وعد بتجي؟
طيف: ايه انتظر حميدان يوصلنا
عبير: اشوف ابوي؟
طيف: لا خلي محمد
يرسل محمد لطيف انه ينتظرها بالسياره
طيف: يما احنا بنمشي الحين
ام طيف نوره: يلا وانا معاكم
طلعوا
لين تهمس لامها: مابغوا يطلعون
ورد: يما صهيب برا
قامت تلبس وهي تكلم ساره
ساره: معليك متعوده
ورد: صدق اني خايفه عليك بس ظلي جمب جدي
ساره: ماتدرين ان لين حبيبة جدي خليني كذا احسن
ورد: طيب طمنيني عنك
ساره حضنت ورد حضن سريع لان ورد ماتحب الاحضان
وطلعو
بدور تقول بنفسها(فضى البيت يابنت ماجد الحين اقدر استلمك عدل عشان تسمعين كلامي ثاني) وقامت لغرفة ساره
ساره وهي تحب راس جدها : تصبح على خير يالغالي
الجد: وانتي من اهله يبنتي
\\\\
بدور الي كانت جالسه بغرفة ساره ومطفيه النور تنتظرها تجي
دخلت ساره وشغلت النور مانتبهت لامها الي على السرير
بدور: اخيرا شرفتي
ساره لفت بسرعه وهي خايفه: اعوذ بالله بسم الله ا
بدور: شايفه جني؟؟
ساره: لا يما ماشفتك
تقوم بدور وتمسكها من شعرها: كم مرا قلتلك ماتجلسين معهم ها كم مرا قولي ؟؟؟
ساره: يما والله حرام عليك
بدور: قلتلك ماتروحين معهم شوفي كيف يككرهون اختك انتي عدوتها تجلسين معهم؟
ساره وهي تبكي : يما لين ماتحترم احد اكيد ماحد يحبها
بدور تشد على شعرها اقوى: ياخسارة تربيتي فيك انتي اخت بالله هاذي اخرتها تتركين اختك وتروحين مع الغريب
رمتها على المكتب وتركتها وراها تصيح وهي مو عارفه ايش الغلط الي سوته عشان امها تكرهها قد كذا
\\\\
صعد مازن وقبل يدخل غرفته شاف امه وهي طالعه من غرفة ساره وراح لها يركض
مازن دخل يشوفها تبكي وماسكه ظهرها بالم: ساره شفيك ليه امي عندك
ساره وهي تبكي: يعنيي ماتعرف امي
مازن : لاحول ولا قوة الا بالله
جلس جمبها على السرير: تتالمين ؟
ساره: ماسويت شي يامازن عشاني جلست مع بنات خالي وطيف ، عصبت وضربتي وش الغلط الي سويته احاول اتقرب منها انفذ طلباتها تقابلني بضرب وسب تدعي علي في ام تدعي على عيالها ؟(وكملت تبكي بقوه)
مازن يحس بحرقه بقلبه :هدي ياروح اخوك ماعليك من امي كلنا نعرفها تحب لين مفروض تعودتي
ساره: احاول اتعود بس كثير كذا صارت تدور اي شي عشان تضرب وتسب
جلس مازن يطبطب على اخته لين هدت وطلع وهو ضايق خلقه على ساره
\\\\
وصلو البيت ونزلت طيف بسرعه
وعد وهي حاطه يدها على خصرها: لاكان جيتي
طيف وهي تخز محمد: في بعض الناس بالموت ردو علي
وعد: ادخلي بسرعه بموت حرر
دخلو البيت وراح محمد غرفته وجهزو البنات سهرتهم
جلست خلود معهم وماقدرت تقاوم بسرعه نامت اما تميم يطالع التلفزيون وريان يلعب
وعد: بروح الحمام
طيف: عبير هنا روحي الي برا
وعد : تمام اخوك بغرفته صح
طيف: اي
طلعت من الغرفه وراحت الحمام
\\\\\\
كان صاعد من المطبخ وبيده اكل ويشوف الشعر المرفوع باهمال والبيجامه مرسوم عليها ميكي ماوس وشبشب البيت الزهري ياسلام دايم يتغزل ببنات اخته اذا لبسوا كذا دخل غرفته وهو تفكيره مع بنت البيجامه
\\\\\
:كانت عيونك بتطلع من مكانها قاعد تخزز
يرد يرسل لها: من متى لمتى اقدر اشوفك خليني اشبع
:اقول كنت بتفضحنا
:صح شفت معرض للفضاء نفس الي رحتيه بامريكا عندنا بيفتح بعد اسبوع
: صدقق
وكملو يتراسلون لين نامو
\\\\
دخل وبيده اكياس اكل يشوف البيت مقفله انواره وظلمه حط الاكل بوسط الصاله وراح يجيب له مشروب قعد بياكل ويفز من الي قدامه : قول اعوذ برب الفلق سكنهم مساكنهم
عثمان وهو يضحك لين دمعت عيونه من ضرار الي من شافه طار بالهوا من الخرعه : ماشفت هههههههههههههههههههههههه نفسكهههههههههههههههههههههههههههه بالله عيدها ههههههههههههههههههههههههههههههههههههههههههههههههههههههههههههههههههههه
ضرار: كنت شوي واموت وانت تضحك
عثمان: عيد النقزه هههههههههههههههههه
ضرار: سديت نفسي الواحد يطلع صوت يقول انا هنا مو نفسك والعياذ بالله
عثمان: يدك عليها نقش حنا كان شغلت النور وسلمت
ضرار طالعه بطرف عينه وكمل ياكل
عثمان: طيب اعزم
ضرار: ماحسبتك
عثمان: بخيل من يومك
ضرار:امزح معك تعال
وجلسو ياكلون وكلحين عثمان يتذكر شكل ضرار ويرجع يضحك
\\\\\\
جالسه بغرفتها تفكر كيف تخرب عليها كل شي تبيه عندها ليه الكل يحبها وهي بارده معهم هين ياورد والله ماتتهنين فيه ان ماخربت عليك ماكون بنت امي
اتمنى ماتحرموني من دعمكم وعذرا البارت قصير
عطوني توقعاتكم للبارت الجاي
