بعد اسبوع طلعت ساره من الحمام وهي لابسه الروب وقفت قدام المرايه وهي تنزله وتشوف الاثار على جسمها والكدمات : الله يهديك يايما
حست بدمعه حاره نزلت على خدها اخذت كريم تحطه على جسمها وسرحت بتفكيرها (لو مانولدت بذي العايله لو امها غير لو ابوها موجود لو ولو ولو لكن وش تنفع لو بعد كل ذي السنين بعد العذاب والتعب النفسي الي جاها ) قالت بنفسها : اللهم ياصبور صبرني على مابتليتني وامتحنتني يا ارحم الراحمين
\\\\\\\
باسل الي عدا اسبوع مو جاي يطلع من غرفته يفكر ويفكر ويفكر
معقول الي ربته وكانت حسبت امه تموت بذي الطريقه معقول مرت بكل ذا وكان موجود حولها ولا حس ولا قدر حتى يساعدها لو بشكل بسيط طيب ليه ابوها بعد مادرا بالحقيقه سكت وش الشي الناقص
هو يحتاج محامي موثوق لان القضيه مهي سهله وفي اوراق كثير ناقصه
\\\\\\\
دخل غرفة امه ماحصلها موجوده قام يفتح الدروج حقتها لعل يحصل شي يوصله لابوه وصل لصندوق بدولابها بس كان مقفل حاول يدور القفل بس ماحصله حس في احد بيدخل قفل كل شي وسوا يدق باب الحمام
دخلت بدور واستغربت منه : شتسوي هنا
مازن : بسم الله يما احسبك بالحمام
بدور : شتبي
اول كذبه جات براسه قالها: اا ابي فلوس بطلع مع ر بعي
كانت تناظره وكانها مو مصدقته بس مشت معاه : كم تبي
مازن : 200 او 300 كذا
عطته : لاعاد تدخل الغرفه اذا ماكنت فيها
وهو طالع : ابشري
\\\\\\\
باليل ببيت الجد كلهم متجمعين راحت وعد تزبط الشاهي بعد العشا
دق جوال طيف وكان محمد ردت بصوت خفيف : هلا
محمد: يامرحبا
طيف :شعندك
محمد: احم وين وعد
طيف بالمطبخ
محمد : جمبها احد؟
طيف قامت تشيك : لا لحالها
محمد :تمام جايكم
دخل المطبخ وشافها بفستانها العنابي عاكس على لون بشرتها البيضهه وشعرها الاسود قرب منها لحد مالصق صدره بظهرها لفت بسرعه لين شافته استحت
كان ذايب من وجهها الخجلان ماكان يقدر يخليها تمر مرور الكرام شدها له اكثر سمع صوت شهقه التفتوا يشوفون مين
عبير : حسبيي اللهه ياكثر الغرف! تجون تحشرونا ليهه
غاصت وعد بملابسها من الاحراج تمنت تختفي ولاتطيح عينها بعينه حاولت تدفه لكنه باقي مكانه
ومبتسم رفع حاجبه : وش عليك يالباعوصه جايه المطبخ ليه
وباس وعد قدامها ووعد تصفق فيه من الحيا!
عبير غمضت عيونها بقوه : يالمقرف!!!
بعد عنها وهي مو جايه تحط عينها بعينه حط سبابته على دقنها ورفعه : حرم محمد ماتنزل راسها
وعد رفعت راسها وقالت بصوت خفيف : الشاي
جلس محمد على الطاوله: عندي شي بيعجبك
لفت عليه : وشو
قام محمد من مكانه : اذا خلصتي انطرك بغرفة مازن
