صد بندر بعد مانتبهوا له وطلعت ورد بسرعه وشال خلود وراحو السياره بعد مانزلو مسك بندر جواله ويرسل: الله ستجاب دعائي وشفتك صدفه
ورد ترد عليه: من زيني تبي تشوفني
بندر: اطلق بنت وربي
ورد: هه لاتجامل
بندر: ليه وش توقعتي ذوقي؟
ورد: مدري معرف ذوقك الصراحه
بندر: انتي ذوقي كل شي فيك يعجبني
ورد: اقول تراني تعبانه يلا نام
بندر: يلبى الحيويه
ورد شافت وماردت عليه
سكر بندر الجوال وانسدح يتامل السقف وتاخذه افكاره لين نام
\\\\\\\\\\\\
نروح عند طيف بعد مارجعت البيت بدلت ومسحت مكياجها ونيمت ريان وتميم وجلست تكلم وعد يحشون بالخلق
وعد: شفتي كيف تناظر
طيف: اي لو تطيح بيدي والله مايحصل طيب
وعد: يوه عاد من زمان ماتهاوشنا
طيف: اي والله احتاج اطلع حرتي باحد
وعد: الله من صرتي مشكلجيه وحياتي اكشن وعداواتي كثروا
طيف: صحححح تدرين انها صديقة ذيك السمره الي تهاوشنا معاها
وعد: ااحلفي ...
كملو حش لين نامو
\\\\\\\
عند العرسان وصلو الفندق ودخلو غرفتهم (زوجة عبدالله اسمها وجد معاهم بنفس الجامعه وتقرب لهم )
وجد كانت جريئه شوي قامت تبي تبدل : عبدالله ابي ابدل
عبدالله: زين بجيب العشا واجي
طلع وهي طلعت لبسها الحريري الابيض القصير ولبست فوقه الراب عشان تغطي شويا جاب عبالله العشا: وجد خلصتي
وجد طلعت وهي حاطه مكياج ناعم وفكت شعرها عبدالله انسحر جلس يناظرها لين جلست وقعدو ياكلون وهو كلحين يناظرها جمالها ساحره لون بشرتها الابيض ولا شعرها الاسود الطويل ولا عظمها البارز عند رقبتها ورقبتها الطويله بلع ريقه وهو ينزل بنظره لباقي جسمها الي بيتفجر انوثه
وجد بصوت ناعم : عبود شفيك تناظرني كذا
عبدالله وهو باقي منسحر: كل ذا الزين وماتبيني اناظره
وجد استحت منه : ااانا شبعت بقوم
راحت الغرفه وهو غطى الاكل ولحقها حصلها منسدحه على السرير وعاطيته ظهرها راح بينسدح شال البطانيه شوي وشافها شالة الراب ظل يناظرها شوي ويمسح على شعرها ماقدر يمسك نفسه زود قرب منها وحضنها وحط راسه على رقبتها وهو يسرح بيده على جسمها وو.........
\\\\\\\\\
اما عند عثمان الي كل ماتغمض عينه يمر خيال طيف عليه فتنته وهو الي يغض البصرماشاف ولا بنت من بعد سعاد ينفتن باختها ؟؟حس كانه خاين ومشاعر كثير متلخبطه داخله هز براسه بانه طيف حسبت بنته وكل افكاره عشان من زمان ماشاف بنت وحاول ينام
\\\\\
باليوم الثاني باليل ببيت الجد الكل حاضر حتى نوره ام طيف جات بيتعرفون على وجد كانو جالسين جلسه مختلطه والبنات متلثمات الا لين معامله العباه معاملة زينه كان ضرار يقلب بجواله وقريب من البنات شوي وسمعهم ياخذون حساب انستا وقرر يكتبه
