Untold Story of the Last Witch Huntress

Untold Twenty-seven: The Turning

Rinig ko ang pagtawag ni Raven sa akin ngunit hindi ko ito binigyan pansin. Nagpatuloy ako sa pagtakbo hanggang sa marating ko ang pinakadulo at halos walang katao-taong gusali rito sa Deepwoods Academy.

Bumagal na ang pagkilos ko at noong nasa tapat na ako ng nakasarang pinto, mabilis kong ikinumpas ang kanang kamay. Ramdam ko ang malakas na enerhiyang pinakawalan ko at sa tama nito sa may pinto, agad itong nabuksan ng walang kahirap-hirap.

"Zaila!" sigaw muli ni Raven sa pangalan ko. Segundo lang din ang lumipas ay nasa tabi ko na ito, kasama si Theo at ilang hunter at huntress na nasa pagpupulong kanina. "What the hell did you saw earlier? Mind telling us?" tanong ni Raven sa akin at hinawakan ang balikat ko. Hindi ko ito nilingon at nanatili lamang ang mga mata sa nakabukas na pinto ng gusali. "Zai-"

"Stop talking, Raven," mariing sambit ko at ipinilig ang ulo pakanan. "I can hear them from here," muling wika ko at binalingan na ito. "May mga kasama siya sa loob."

"Siya? Sino ba kasi itong tinutukoy mo?" tanong nito sa akin at inalis na sa balikat ko ang kamay nito. "Kalaban ba natin? From Coven? May natira pa sa kanila?"

"She's a huntress... from my own squad," mariing sambit ko at ikinuyom ang mga kamao.

"What?" halos sabay na tanong ni Raven at Theo sa akin.

"Siya ba ang nakita mo kanina noong ginamit mo iyong instrumento ni Asher Asteria?" tanong naman ni Theo na siyang ikinatango ko na lamang sa kanya.

Muli akong bumaling sa may pintuan at pinakiramdaman nang mabuti ang mga nangyayari sa loob ng gusali. "Palibutan niyo ang buong gusali. We'll make sure na wala ni isa sa kanila ang makakatakas. Nasa gusali lang din na ito ang mga silver weapon natin. Find and secure them all. Kaming tatlo na ang bahala sa main door ng gusaling ito," sambit ko na siyang mabilis na sinunod ng ibang kasama namin.

"What's the plan now?" mahinang tanong ni Raven habang unti-unti kaming lumalapit sa may main door ng gusali.

Ipinilig ko ang ulo pakanan at bago pa ako tuluyang makalapit sa may pintuan, binalingan kong muli ang dalawang kaibigan. "Ambush," mariing sambit ko at nginisihan ang dalawa. They knew me. Alam na nila ang nais kong mangyari ngayon.

Mabilis na kumilos sila Theo at Raven. Agad silang pumuwesto sa harapan ko at nagpatuloy na kaming tatlo sa paglalakad. Alam kong nararamdaman din nila ang presensiya ng mga kalaban namin. Kahit na hindi ko na sabihin pa sa kanila kung nasaan ang mga ito, alam kong matutukoy nila kung nasaan ang mga ito.

"I can sense four different presences near our location," ani Theo at mas binilisan namin ang paglalakad. "Ang iba naman ay nasa ibang parte ng gusali. At kung hindi ako nagkakamali, lahat sila ay may hawak na silver weapon ngayon." He sighed. "Dapat ay ma-secure na ng ibang hunters at huntresses ang lahat nang daanan sa gusali na ito. We can't let them escape with our weapons!"

"Trust them, Theo. Alam nila ang ginagawa nila," wika naman ni Raven at noong nasa dulo na kami ng pasilyong tinatahak naming tatlo, agad kaming naging alerto.

Kahit na alam naming mas mataas ang lebel naming tatlo kumpara sa mga narito ngayon, hindi pa rin kami naging kampante. We know better. Sa lahat nang kaguluhang nangyayari ngayon sa buong Deepwoods Academy, hindi kami maaaring maging pabaya sa bawat gagawin namin. We should give our best even if we crossed path against weaker enemy. At iyon nga ang nangyayari sa amin ngayon.

Agad na napatumba ng dalawa ang tatlong hunter na kasama ngayon ni Deanna Verlex, one of the new students who joined my own squad. Nakadapa na ang mga kasamahan nito samantalang nanatiling nakatayo at malamig ang titig ni Deanna sa akin, sa amin. Hindi ito kumibo hanggang sa tuluyan na itong lapitan ni Raven.