ඉ+ලව්

02 ♡

හැමෝම රෑ හත වෙද්දි විලේට ඇවිත්....  අපි හතරත් විලේට ඇවිත් පැත්තකට වෙලා හිටගෙන හිටියා....

බුදු අම්මෝ යකෝ ලමයි .... එක එක ෆැකල්ටිවල උන් මෙතනද කොහෙ...හම්මෝ බං ලස්සන ලස්සන කෑලි ඉන්නවා...
ඉඳකින් ලැජ්ජා නැතුව කතා කරන්නවත් යන්න බෑනෙ ඕයි...
මේ පම්කේ හෙයාර් කට් එක නිසා..

මේකෙ ඉන්න උන් ගොඩක්ම නෝර්මල් කිට් ගහලා.. උන්ට නම් අනිවාර්යයෙන්ම ප්‍රෙශර් අවුට් දීලා ඇති...සමහර තැන් තැන් වල අපි වගේම කට් කපපු ඩෑල් ඉන්නවා...ඒ අස්සෙ සමහර කෙල්ලො සුදු බූල් බෑන්ඩ්.. සමහරු කහ බූල් බෑන්ඩ්...අපෙ උන් දාන්නෙ සුදු.. ඔය කහ දාගෙන ඇත්තෙ අනිවා වෙන ෆැකල්ටියක ගෑනු තමා..

හම්මට සුවඳක් එනවා ආය... ආ බඩගින්නකුත් මෝදු වෙනවා දැන් නම්...කොහෙන්ද යකෝ ඒ සුවඳ එන්නෙ...
ඉඳහන් හොම්බ දාලා බලමු...
කැන්ටිමෙන්ද කොහෙ...
මෙතන කොහෙ කෑමද..

විලෝ ගස් වල අතුවල ඉඳලා බල්බ් වැල් පත්තුවෙනවා...සමහර ගස් වල තැන තැන උණබට ලාම්පු එල්ලලා... මොනා උනත් වෙන දවස් වල රෑට වඩා අද විලේට තිබුනෙ මහ අමුතුම ලුක් එකක් ඈ...ගති මෙහෙම.. !!

අන්නාර හොබීතයා ආපු වෙලාවෙ ඉඳලම හතර අතට ෆෝන් එක හරව හරව උණ බට ලාම්පු වල ෆොටෝස් ගහනවා..ඕකා දැන් කොයි වෙලාවෙ හරි ඕකෙ බැට්‍රි බස්සගෙන කුනු කුනු ගාගෙන එයි..
අන්න ඒ වෙලාවට තමයි මං ඕකගෙ බොටුව කන්නෙ...
ඒ අස්සෙ වලයා තියෙන දාංගලේට අරෙහෙට මෙහෙට දඟල දඟල එතන වටේ ඉන්න බැජ් එකේ කෙල්ලො එක්ක කයිවාරු ගහනවා..

' හරි දැන් හැමෝම දෙන්නා දෙන්නා පෝලිම් ගැහියල්ලා..පැරෙක් එක්ක පෝලිමට ඉඳලා ඔහොමම pavilion එකට ගිහිල්ලා එක ලඟ ඉඳගනිල්ලා.. '