صباح الخير ماما
صباح الخير بنيتي كاعدة من وكت اليوم
ي تعودت من ورا الدوام عكس المطلوب بالدوام كوة اجر نفسي اليوم من الصباحيات ازقزق ويا العصافير
ههههه ديلا لعد سويلنا ريوك من ايدج الحلوة ورانا طلعة اليوم
للعزيمة غير والله فلا الي واهس للروحة دخلي ابقى مااريد اروح
ي لان متريدين حبيب القلب يشوفج
انلصمي ودق يا حبيب هذا انوب ماما متحجين وياها موعيب هيج
ودق عيب ماما شنو هالكلام على اختج استحي شويا
والله ماما يرادلها سطرة دتتعدل
اي مو واكعة بيدج ست غزل
اكبر منج وبكيفي ،
كافي ولجن مناكرة من الصبح مالي خلك سوي ريوك غزل وانتي ساعديها دنخلص من وكت ورانا روحة
خلي نعرفكم شويا عليا اسمي غزل عمري ١٨ متوسطة الطول ،شعري طويل جوا الخصر والعيون زيتونية عسلي على خضار طيوبة بس مااسكت عن حقي وشويا عناد ، عائلتنا صغيرة امي وابويا واخويا مصطفى عمره ٢٤، واختي ودق ام السان بس فطيرة وطيبة عمرها ١٦ دائما نتناكر بس مناكرة حبايب .
اليوم عدنا عزيمة بيت عمي الجبير بابا عنده اخوان ٣ وبنية عمتو حبيبة قلبي
عمي الجبير احمد عنده ولد ٢ جاسر الجبير عمره ٢٦ ومهيمن ٢٤ وبنية وحدة بنين ١٨ صديقة عمري.
وعمي الوسطاني يوسف عنده ولد وبنية
محمد ٢٥ ، ودنيا ١٧
و عمي الصغير خالد بين الولد عنده ولد ٢ طارق ٢٣ ومعتصم ٢١ و٣ بنات حنين ١٨ ورنا ١٧ونور١٤
أما عن عمتي الصغيرة شمس فهي مزدوجة وعدها ولد وبنية بعدهم صغار لين ١٣ ومحمد ١٠ عمتي هاي ام السان محد يكدرلها على بيبي .
اليوم العائلة معزومة يم عمي الجبير لان بيبي جاية من العمرة واحنا من النوعية لتحب العائلة واللمة وصلة القرابة عدنا قوية . بس مشكلتي اني بجاسر كلها تدري جاسر يحبني ويريدني وهالموضوع مسويلي ازعاج من ناحية الحجي وافقي وابن عمج ويحبج وكذا واني ما أريده ولا اميله اصلا هو نوعيته عصبي وكلمته متصير اثنين ومتحكم بس ماانكر هو ثكيل وهادء بنفس الوقف اله شخصية قوية كلش
وصلنا لبيت عمي ملتمين التهينا بالغدة وسوالف واشكر الله جاسر مااكو عنده شغل مكادر يجي، تونسنا كلش المهم بين السوالف والضحك محسينا بالوقت لل ٣ تقريبا علساس نروح فعندي ملزمة يم بنين صعدت اخذها
ها بنو استعجلي عاد
صبري بابا هاج خبصتيني كتلج هنا بالمجر
اووي على كيفك وياناا يحلو صاير اعصاب
غير انتي مشوفين
هسة اني شمعرفني بمكان غراضج ساكنة وياج وماعندي علم
علواه تجين يمي الله ولو وين يخلوج عيني يستحلوج وحتى بنين تنسيها بحح
اكلي تبن بنين ادري بسوالفج وتلميحج فاستري على نفسج لا افتح الساني
لا عمي كلشي ولا هذا سكتنا
ي عفية هيج من الاول
اخذتها واريد انزل ومااسمع غير صوت جاسر عالدرج
هلا بنت عمي بصوت هادي
اهلا بيك وكف قلبي من شفته كبل نزلت عيوني للكاع وهو يصعد وكانو دياكلني بعيونه
وين هالغيبة من زمان صعد فوك قريب عليا وكفته
بهالدراسة غير من رخصتك دينتضروني جوا
نهزمي نهزمي بضحكة جانبية يحجي
لا على شنو بس لان دنروح بارتباك احجي
اي نهزمي اقصد روحي
ي ونزلت اركض الا شويا ارتبك واخاف من اشوفه ماادري شيصير بيا وهو نضراته متقصر مااشاء الله
اشو هاي كل مرة تحلى أكثر حتخبلني هالبنية والله اااخ شوكت اخلص واشوفج بين اديا وبحضني.
