دخلت للغرفة كأيبة بدون غزل مداستوعب كل هذا صاير واني ولا على بالي ماادري شي معقولة محسيت بيها كل هالاشياء صارت وهي كبالي تعاني وحدها ،المشكلة مافديوم جتني كالت عندي مشكلة هيج داشوف داحلم مااكو محجت شي كل الي جاي بالي متكأبة ورا مجابت
بدلت ورحت مددت واباوع عالغرفة ولا الي نفس ابقى بيها لو موحالتها جان رحت جبتها علاقل تبقى كبال عيني
خابربت كالو زينة ولا عبالك بيها شي طبيعية هي غزل القديمة وهذا تأكيد انو أحد مسويلها وشخص قريب ماطول كدر يدخل لغرفتنا بس خلي الزمه والله كريم
البارحة نضفو البيت كامل
وغرفتي كتلهم حتى الاخشاب وخروها عسى ولعل نلكه شي
رحنا أكثر من شيخ ماارتاحيتلهم مبينين نصابين وماديين معفت أحد مرحتله و بيهم الزين ، يكول الكو العمل يلا تجوني
هيج مااكدر تخبلت هسة شسوي اني احس كل الطرق مزدودو ضليت افكر لحد ما غفيت
غزل ،كلش ارتاحيت بيت اهلي احس نفسي طبيعية مو مثل حالتي القديمة
بيت اهل جاسر حتى غضبي منه خف هنا
ودق ،غزول يلا متت جوع
غزل ،دصبري ام بطن
حاطة عشق بحضن امي حتى محسيت بيها خطية نهار كله يمها ههه صدك الواحد من يجي لأهله ينسى عنده طفل
ماما ،غزل بنتي جاسر يريد يشوف بنته
غزل ، ممعترضة على جيته امي
ماما ،اي زين بنتي شنو رأيج نروح لشيخ ايشوف حالتج
غزل ،اهووو ماما مابيا شي هسة كلش زينة مااحتاج هالسوالف وهم اخاف منها
ليروح صدك يصير بيا شي من اروح
ماما ،بس نتأكد بنتي وجاسر يكول اكو واحد زين
غزل بأنزعاج ،يعني كلشي يكوله استاذ جاسر لازم نمشي عليه اني ودكلج مابيا شي ليش الا نحط بيها سالفة
ماما ،لج يما صارلج اسبوع تاركة بيتج لا انتي حانة على زوجج ولا على بنتج شنو ذنبها تبقى بدون اب
غزل ،ماعليها شي اني موجودة
ماما ،يما لخاطري لتسوين هيج تعالجي اروحلج فدوة خلي نلكه حل نحاول علاقل
واذا مابيج شي فلا افتح حلكي بعد
غزل ، سكتت مااريد اكسر بخاطرها
ماما ،ها ماما قلبي انتي شكلتي لتقهريني وتخلين قلبي فاير عليج يما والله مااستحمل
غزل ،هاهيا ماما الي تشوفي صحيح سوي
كبل كامت خابرت عمتي شمس وكلتلها موافقة تروح مااكو ثاني يوم كبل كالت تحضرو نروح اكو واحد بغداد يكولون زين نروحله ،جاسر يودينا ومن سمعت ضليت احجي انو ليش مامصطفى يروح ومااريد اروح ويا من هالسوالف عاد ضلت امي تبجي وقهرتني عليها كلت اتحمل واروح ويا ، تحضرنا وطلعنا اول مشفت جاسر كبل احس اختنكت واضايقت وعقلي أحسه تشوش ماادري مشاعر جتني موطبيعية كبل خنست والطريق كله كاعدة ولا فتحت حلكي
