هاي صار شهر مشايف غزل بعد آخر محادثة بينا كامت تتجنب تلتقي بيا جياتها النا تختار وقت اني مموجود وإذا مريت الهم متبين نفسها تتحجج حتى سلام كطعته خبلتني هالبنية منين مااجيها تنهزم بس هم يبقى الصوج بيا اني لخليتها هيج تبتعد بعد ما سمعت وكفتها ويا رجال غريب تخبلت عقل ماضل براسي وبدال متبرر كلامها عصبني زايد فقدت اعصابي عليها وضربتها
دخلت لغرفة ام ابويا جدة ،تقبل الله حجية
الجدة ، منا ومنكم صالح الاعمال ها بيبي شلونك وضعك شلونه
جاسر،ماشية جدة ماشية صحتج انتي شلونها
الجدة بضحكة ،انت سأل علينا وليدي هاي صار يومين مشايفتك واحنا بنفس البيت
جاسر ، حقج عليا جدة والله الشغل فوك راسي بس انت تعذر يا حلو
الجدة بضحكة ،لا مااعذر مثل ما تروح لبيت عمك تشوف الحبايب تجينا هم
جاسر بضحك ، غير لو الكطهم للحبايب
الجدة ، عفية ببنيتي لاعبة بيك لعب
جاسر ، وتالي الزمها لبنيتج
الجدة ،ههههه الزمها الزمها دانتضر هاليوم اني اريد اشوف توم وجيري شلون حتنقفل عليهم غرفة وحدة
جاسر بضحك ، هههه اكضيها غيرر
الجدة ، ولك كدامي وتتحلفلها هيج خليها بيت ابوها وساترة على نفسها
جاسر ، لعد ضيمي مااطلعه شلون يا قلبي انتي
الجدة ،بس اصبر انت وشوف شلون تصير يمك وبحضنك
جاسر ، عقلي يكلي جيبها غصب ماعليها تتقبل الوضع بس ااخ من كلبي لموكفني ينقهر عليها يكلي خطية صغيرة لتضغط عليها هي تجيك برجليها فهميني شلون بيا حجية
الجدة ، تهون وليدي وتنكضي وحتى جهالك تشوفهم يركضون بهالبيت
جاسر ،الله كريم حجية
غزل ،اجاهلته مااطوله هيج يحجي ويايا وفارض نفسه عليا ومأمن اني اله اشوفه شلون ميكدر لخبالي
غزل ، يلا ودق فضيها دنزلي عاد
ودق ، اووي الواحد ميكدر ينام بهالبيت
غزل ،وجعووي ترا بال ٦ اكو وحدة تنام للمغرب دنسوي عشة
ودق تفرك بعينها ،ترا ساعة وحدة نمت
غزل ، يلا تعالي ومصطفى كال اطلعكم اليوم ورا العشة
ودق بفرحة، صددك فديت حبيب أخته
غزل ، والله مصلحجية البارحة جنتي تحجين عليه
ودق ،كل ظرف واله استثناء البارحة شي واليوم شي ثاني
كملنا شغل وطلعنا مصطفى بس اني وودق علساس يكعدنا بمكان نشرب عصاير اشو صفى مكالمة من جاسر حجية منه حجية من مصطفى كله جايكم للبيت هنا تمنيت لو مطالعة صارلي شهر ملتزمة بكلامي ومشايفته هسة حيكيف الاستاذ
انو صار ليريده
غزل ،مصطفى مو علساس دكعدنا بمكان اشو جبتنا لبيت عمي
