بنين ،مفتحت موضوع البارحة وياها خليها تنسى احسن بال ٤ جتي سيارات الزفة تحضرنا للطلعة عاد امي كالت نروح ويا مهيمن ونأخذ عمتي ام غزل وودق وغزل ويانا هم المهم ركبنا بالسيارة بس عمة كالت حتروح كبل لبيت عمو يوسف منا وأخذوا البنات وياكم صعدنا بالسيارة ننتضر مهيمن صعد بس بالكرسي الي جنت السايق ملحكنة نسأله صعد جاسر طلع هو حيسوق كبل باوعت على غزل نعقج وجها
غزل بضوجة ،علساس مهيمن يودينا صفى جاسر هم صعد متقصد هالرجال يجيبلي جلطة ويموتني ناقصة عمر من الفورة اصلا ميحب الهوسة ولا يجي بس متقصد اليوم
بس قررت فلا اباوع بخلقته وحتى رد ماارد
احسسه كأنو مموجود بس خل يصبرلي بس اني انقهر الا اخرب عليه ضحك الظهر
جاسر ، صعدت وغزل ورايا وجهت المراية عليها دشوف شلونها ادري بيها مقهورة وضايجة بعد سالفة البارحة حتى من وصلت مثكلة وجها حتى سلام مسلمت موهينة عليها جدة تضربها بس من شفتها بالفستان عقل مااضل براسي ضيق ياعالم الصدر مبين والخصر منحوت والشباب بالباب كصوها كص تخبلت اكيد يباعون عليها ويفكرون بيها والله لو ادري اكسر رجليها ومااخليها تروح هلكد مافرت
عمة قمر ،ابني جاسر على كيفك بالسياقة
جاسر اباوع على غزل واحجي ،لا يمه شكلولج عليا اريدها ترفع هالعيون مااكو منزلتهم طول الطريق لحد ما وصلنا ادري بيها عناد كلت استفزها نزلت امي ومهيمن وغزل دتفتح الباب
جاسر ، سدي الباب مااكو نزلة
غزل ،ولا عاندته سديت الباب وكعدت بنين تتوسل بي تنزل مقبل
جاسر ، هوسة بابا كعدن هنا هسة يطلعون اريد غزل ترد بكلمة مااكو حتى ويا البنات متحجي حالفة متسمعني صوتها
ااخ يابا شكد قاسي قلبها ادري حقها بالغت بس موبيدي اغار عليها من عيون الناس كون اضمها بقلبي ومااخلي أحد يشوفها
رجعت تحارشت بيها ،
جاسر ،غزل سدي الجامة ، سدته بدون اعتراض و تحسسني اني مموجود عصبتني نزلت شويا من السيارة إذا ابقى اهيج بيها شربت جكارة وهديت من طلعو امي رجعت صعدت يحجن البنات وهي ولا حس كأنو مموجود
بنين ، ها ماما شلون طالعة العروس
ودق ،حلوة لو لا
عمة قمر ، لا حلوة مااشاء الله المهم زينة هاهيا الجمال يروح ويا العمر بنياتي
ها يمه غزل ساكتة شنو ضايجة
جاسر اعاندها ، خليها يمه هيج بدون دوخة راس كبل رفعتلي عيونها شفتهن يجدحن نار عليا. ضحكت من رفعتهن مكدرت تستحمل ادري بيها دتعاندني بسوالفها ذني بس حتى عنادها يعجبني مردت
عمة قمر ،لا يمه عوفها يامحلى صوتها من تحجي
مهيمن يستفزها ، لا مااطول غزل ساكتة هيج السالفة واصلة مرحلة عمي ولا تحطيها بنفسج غردي وشوفيهم السانج من يردح
واني اخيج وراج إذا تخافين
