الايام كامت تركض ركض وكل مايقرب وقت العرس قلبي يوجعني قبل يومين عمة شمس تريد نروح للسوك شافت غراضي وكالت اشو مااكو سيت نوم ممشترية ولا واحد
غزل بخجل ،اووي عمة سكتي شسوي بيهم
عمة شمس بضحك ،ههه تلعبين بيهن العروس شسوي لعد لازم هالامور حبيبتي مابيها مستحاة زوجج حيصير لازم هالسوالف الرجال يحب مرته تلبسله هيج
غزل وكعت بثوبي ،مالبس مااريد
عمة شمس بخباثة ،يلا عادي حتى لو متلبسين ابقي شلتوحي بعد يطير عقله بيج
غزل ،عزززا عمة ولا تستحين
عمة شمس خربت ضحك ، حضري نفسج ولج العصر نروح نشتري مااريد اعتراض هذا حبيب القلب غصب ماعليج ادلعي بعد كل هذا صبره
غزل سكتت وخجلانة منها ادري بيها السانها موالها هسة تذبلي كلمة تخجلني بيها ورا الظهر رحت وياها جاسر وصلنا ولساعني ماارد عليه طبعا ومتحلفلي يكول صبر حلو شكم يوم هنا
كاعدين وجاسر كال شعدكم اليوم رايحين مو خلصتو النقوصات
عمة شمس ، لا حبيبي اهم شغلة بقت الاخت عافتها بس ولا يهمك حبيبي الا اجيبها الك فالتة لازم ادلعك حبيب قلبي انت
جاسر كبل فهمتها شتقصد ضحكت وكتلها ،والله عفية بيج عمة كثري عود عمة كثري
غزل وكعت بملابسي عمة شمس وجاسر مينكعد وياهم ابد واحد اضرب من الثاني يتقصدون يخجلوني وصلنا ونزلنا وكال بضحكة ويباوع عليا انزل وياكم خاف تحتاجون رأيي
عمة شمس ، لا وليدي عمتك موجودة تكفي وتوفي وعود شوفهن مباشر بعدين من الخجل عفتهم ومشيت وحدي جاسر ضحك وعمة شمس لحكتني
غزل ، عمة موعيب هيج تحجين كدامه ليش تخجليني
عمة شمس ، لج اشاقيج بعدين ميدري عليش احجي بس هو لوتي يفرها عليج
غزل ،لا والله كلشي يعرف اني لغشيمة بيكم افترينا واختارينا بالأصح عمة شمس اختارت اني مقبلت ولا واحد بيهن كملنا ورجعنا ماعندي شي كل التجهيزات خلصت
حتى صالون حجزن ولا دخلت بشي عفتهم يصرفون بكيفهم مو هما رادو وحددو فلا الي دخل هالموضوع جان زاعج جاسر بس مهتميت اهم شي ماازعج نفسي
ماما ، يمه غزل متصبغين شعرك
غزل ،لا ماما احبه هيج وخاف يخرب شعري
ماما ،عبالي تغيرين شويا
مقبلت شعري احب لونه عفته على طبيعته اسود المهم باجر الحنة و البنات جني يمي ينجمعن بنين ودنيا وبنات خالي وخالتي وحتى عمة شمس جتي
بنين ، ودق بس باجر وغزل تصير يمي
بعد هاهيا خلص وقتج وياها
ودق بحزن ،لذكرين وكمت حظنت غزل مااريد افارك اختي رجعت حظنتني غزل كل متشتاقيلي اجي ابات يمج
بنين ،علساس اخويا حيكولج ي تدللين
عمة شمس ،هاهيا مااطول ازوجتي مكانج يم زوجج بعد انسي بيتة خارج البيت
