ودق، واخيرا جا العرس وجعيني شكد جنت ضايجة بس اليوم طايرة فرح
بنين ،ي طبعا مو بيها دياحة شلون متفرحين
غزل ،هههه صح السانج والله
اليوم حنة محمد فكاعدين نبدل بين شعرنا وبين المكياج ودزينا على بنين ويانا تتحضر من الصبح جتي وبعدين نطلع سوا منا مصطفى يودينا
ودق سوت شعرها كيرلي ويا مكياج سموكي و وفستانها الاسود طالعة كلش حلوة مبين عليها الكبر ولاكيلها وبنين قصت شعرها للجتف وصبغته عسلي ويا فستانها ذهبي نفش طالعة اصغر مني ومن ودق هلكد مانازكة وناعمة واني كويت شعري اسود طويل ومكياج وردي طلعت حلوة والله مغرورة بنفسي ترا عاد خلصنا ولبسن البنات صايات لان مكشف أما اني ملبست فستاني مستور وشويا قصر بي من جوا بس ضيق من منطقة الصدر والخصر كالت امي لبسي صاية بس مقبلت المهم
وصلنا مصطفى لبيتهم والطريقة كلساع يباوع على بنين يذب نكات ديلفت انتباها والثولة حايرة بالموبايل ولا اخذت بالها
غزل بغمزة ، مصطوف عينك عالطريق لنسوي حادث
مصطفى ، هههه هسة نقص نفر ميأثر
بعدين المنظر حلوو ترا
غزل ضحكت ونداريت لبنين كتلها من اكلج ثولة اضوجين
بنين بفهاوة ،ها ليش شكو
غزل ،هيج هيج نامي على مبايلج
رحنا لبيت العروس والله طلعناهم كسر كل بناتنا حلوات حتى حنين ورنا رايحات صالون وهم كلش حلوات بس لبسهن مشلتح كلش ركصنا وتوسنا كومة صور طكينا ومحمد جا حنة العروس وركصوهم شويا خطية مطول بسرعة راح ورا مخلصت الحفلة اجا مهيمن وعمة قمر كالت تعالو نوصلكم حطت نفسها حنين بحجة مااكو مكان تريد تشوف كشختها لجاسر
رحنا لبيت عمو احمد اقرب يذبهم وراها احنا عاد عمي احمد مقبل نرجع قبل منتعشى شكد تعذرت امي منه بس مقبل
فنزلنا بنين صعدت بدلت بغرفتها وودق وحنين لابسات صايات لبسهن مشلتح واني بقيت بفستاني
عمة قمر ،غزل صعدي لغرفة بنين بدلي منها دترتاحين بنتي
غزل ،لا عمة هسة نروح عادي
عمة قمر ، ايدي على قلبي وقت جية جاسر وإذا شافها هيج الا يكلبها عليها عاد خليتها كاعدة بصفي وصدك شويا وطب جاسر سلم وكعد يجيك غزل بنظراته بس منتبه همزين حاطة كوشة بحظنها ممبين شي منها عاد بلكت ميشوفها لحد متروح ميكدر بعد كدام ابو يرزلها
صاحتها بنين بس مكامت شويا ورجعت ودق صاحتها هالمرة كامت ومااشوف غير عيون جاسر جدحن نار على لبسها شويا وكام وراها ولحكته وحنين هم لحكتنا
عمة قمر ،يمه على كيفك ويا البنية عديلنا هاليللة على خيرر
جاسر مفور ،مدشوفين شلابسة بت الكلب الفستان لازك عليها هاي وعود وصيتج يمه
عمة قمر ،يمه والله كسرت خاطري شتختار نعترض بس والله لو تشوف البنات شلابسات كله دلع هي بس شويا ضيق مرد وعاط بغزل
جاسر بعياط ،غزل تعالي هنا
