باجر حنة بنين ومصطفى وبلشنا تحضيرات من تعزيل من زينة واني طبعا رحت اشتري فستان غير الي أخذته حلف جاسر مينلبس وكلي هالمرة اني اروح وياج اشوف قبل متشترين فالعصر متفقين نروح وحتى غدة مسوينا عمي حيجيب ويا وطلبات المشاهدين متخلص كل واحد يريد شكل اخر شي بيبي كالت مشتهية سمج عاد سكتنا بس عمو صفى جايبهن وكال اني اشويهن بالبيت فبين مخلصنا احنا عمو جايب السمك وتبلهن وطلع يشويهن بالحديقة كال مالكم دخل غداكم عليا
كاعدين نسولف ونشاقى
بنين ،الله ريحة السمج ضربت خشمي شوكت نتغدة عاد
مهيمن ،اصبري ام بطن اول مرة اشوف عروس حتضرب بالخمسة عالاكل
بنين ، اهم شي بطني والمفروض ادللوني اليوم بعد متشوفوني ترا
مهيمن ، الله واخيررا خلصنا
بنين ،يما دسمعين شوفي شيحجي
غزل ، ترا كافي بنو صارلج ٢٢ سنة يمهم يريدون تجديد
بنين ،ادري بسوالفكم عيالكم ازعل واعوف الاكل لا والله صامدة وكاعدة على قلبكم
غزل ،مهيمن هاي ماعدا احساس
مهيمن ،شالو من جانت صغيرة
بنين ،اي والله احسن قرار سوا
وكوم ساعد بابا احسن من كعدتك
مهيمن ،اي والله خلي اكوم لا يروح يكطني بسمجاية من يمه
بنين ،ههههه حوبتي هاي إذا سواها
مهيمن كام عاد انتي تكيفين
ساعة وخلص الاكل ودغدينا
غزل ،عاشت ايدك عمو يخبل
عمي ، بالعافية حبيبتي
بنين ،اي والله بابا هاي ليش هيج ضام مواهبك علينا
عمي ،هههه علمود ماابتلي كل مرة اسوي خليها عالطايرات
مهيمن ،لا بعد كل اسبوع تسويلنا
عمي ،شيخلصنا بعد
خلصنا الغدة وغسلنا مواعين وصعدت نمت شويا جاسر مااكو عالغدة معزوم يم صديقه من يخلص كال اخابرج وتحضري كبل للسوك عاد باوعت عالساعة بال ١ ونص نمت وحسيت على دكة الموبايل ب٣
غزل بنعاس ،الووو
جاسر ،غزالي نايم
غزل ،اي
جاسر ،شنو متروحين للسوك يلا تحضري حجي
غزل ،مابيا نعسانة خلي بعد وكت هسة
جاسر ،لتغريني ترا هسة اجي وانام هم
غزل ، انت من تنام شيكعدك بعد لا حكوم اني احسن
جاسر ،ديلا استعجلي
تحضرت لبست فستان تلت ارباع ابيض بي تشجيرة خفيفة وشيلة وحذاء رياضي اسود خابرني جو كبل نزلت عشق والغراض لعمتي وطلعتله
