غزل ،كلت لجاسر اريد اروح لاهلي اكللهم خبر حملي اريد اشوف ردة فعلهم رحت العصر الهم دخلت سلمت وراها كبل سألت على مصطفى امي كالت طالع فد ساعة ويجي
غزل ،ماما اريد اكلج خبر حيفرحج
ماما ،شنو حبيبتي كولي
غزل ،اني حامل ماما
ودق ،ياااا صدك يمه فدوة حيصير عدنا طفل بالبيت
ماما ،الف مبروك بنيتي يتربى بعزكم ان شاء الله شلونه
ودق ، شنو ردة فعل جاسر من سمع بالخبر
غزل ،كلش فرح ومن البارحة يوصي بيا حتى هسة من جينا كلي لتعبين نفسج ضلي كاعدة
ماما ،الله يسعدكم يارب
ندكت الباب وراحت ودق فتحتها طلع مصطفى جاي
غزل ،شعجب رجعت امي كالت منا لساعة مااكو
مصطفى ،والله خرب المخطط
غزل ،اي احسن
مصطفى ، اليوم يمنا غزول
غزل ،مشتاقتلكم غير
مصطفى ، مبروك عالحمل حبيبتي
ماما ،وانت شمدريك ماما استوك جيت
مصطفى ،معرف شيرد
غزل ورادت تضحك ،اني كتله ماما خابرته الصبح
ماما ،ها
غزل ،مصطفى اريد احجي وياك
ودق ،خيرر شعدكم اني هم اجي
غزل ،احجي وحدنا حاطة نفسج شكو
ودق ،غير هم اختكم لازم اسمع
غزل ،شغلة بينا ولج عود بعدين اكلج
صعدت ويا مصطفى لغرفته
مصطفى ،خيرج غزل قلقتيني خما صاير شي
غزل ،لا حبيبي بس اريد احجي بموضوعك وبنين
مصطفى ،ليش عرفتي
غزل ،اي انتبهت وسألت بنين كلتلي
مصطفى ،اي شنو الموضوع لعد
غزل ،مناوي تتقدم حبيبي مو تدري جاسر ومهيمين اذا عرفو يتخبلون حتى لو ولد عم
مصطفى ،ادري وكتلها مقبلت كالت ورا الكلية شسويلها بعد
غزل ،ارجع احجي وياها مرة ثانية واني بس ارجع احجي وياها وهسة تشوف اول متفتح الموضوع توافق
ميدري حجيت وياها وتستحي هي تفتح الموضوع ههه
مصطفى ، ها هيج دكولين
غزل ، اي وعود بس خطوبة إذا متريدون زواج هسة
مصطفى ،الله كريم فديت لواكف ويايا
غزل ، شعندي هو مصطفى واحد واريد افرح بي
