اليوم ضايجين ودنزور بيبي نغير جو يمهم
الجدة ، ودق بيبي جيبلي كلاص مي
ودق ، ي بيبي تدللين
الجدة ،غزال قربي مني بيبي
غزل ، يبيبي دائما تسميني غزال لان عيوني مجرورة دكول اذكريني بالغزالة
ها بيبي محتاجة شي
الجدة ، لا بس اريد اوصيج بنيتي عرس محمد قرب ومااريد لبس قصير ومفصخ أريده مستور وراهي عليج
غزل بانزعاج ، بيبي شكلولج عليا البس مال راقصات بعدين اشو بس الي دكوليلي ليش موصيتي البنات هم
الجدة ، وصيتهن قبلج بعدين غير انتي بنيتي
غزل منزعجة وترد ، لا والله بيبي ادري بيج ليش هيج اكيد موصيج جاسر وانتي جاية دكولين تدرين بيا ماارد كلامج
الجدة ، معليه جاسر بيج بنيتي اني دوصيج وإذا ضجتي عوفي حجي جديتج ينزل للكاع
غزل ، لا بيبي تأمرين انتي
والله سوالفه يخلي بيبي تحجي يدري محد يردلها طلب وهم يتحكم بيا وهو أبو الراهي
بنين ،ها غزل اشو سكتي كأنو ضايجة
غزل ،لا بنو دفكر بعرس محمد وششتري
بنين ، ي والله احنا الثلاثاء نروح للسوك
غزل ، ها واحنا هم لعد خلي نتفق سوا نروح
بنين، يما خلي نروح للسوك سوا ويا عمتي غزل دكول هم الثلاثاء يروحون
عمة قمر ،ي مااكو مشكلة نروح سوا
الثلاثاء رحنا للسوك وصلنا مهيمن دخلنا على مكان مال فساتين سهرة كلش حلوات بس مشكلتهن هواي دلع عجبني واحد اسود يخبل ضيق فتحة بارزة من الصدر ومن جوا بي نزلة كلش حلوة جوا الركبة بشوية وفتحة من ورا للزر امي ماعدها مشكلة بس اشو عمة قمر معجبها
عمة قمر ،بنتي غزل هوايا مدلع هذا عوفي
غزل ، عمة البس جبة عود هناك اذبها
عمة قمر ، ميخالف بنتي عيب بيت غريب رايحين شيكولون الناس عليج مترهم
ماما ، غزولة حجي عمتج صح عوفي هذا الكي غيره
تركته ومشيت ودق اختارت والله هم قصير وضيق ولا وحدة حجت بيهن وبنين منفوش بس هم قصير ومحجن واني هم لكيت واحد عجبني احمر استر من الأسود بس ضيق وقصير ونفس الحالة بس الي اعترضن هنا عرفت حتى لعمتي موصيها وامي مشت بكلامها حست بالسالفة
ماما ،ها غزل معجبج شي
غزل، لا ماما عوفيهن مااريد
عمة قمر ،بنتي دوري بعد اكو كومة حلوات
غزل ،لا هاهيا اصلا شيعجبني حتعترضن نختصر الوقت ونرجع احسن
عمة قمر ،ليش نعترض اذا مستور بنيتي الحبابة يلا دوري لضوجين نفسج تعالي نروح لغير مكان
