بنين ،حياتي
مصطفى ،اي نعم
بنين ،حكلك شي مو ترفض بسرعة دانشها ويا عقلك اول
مصطفى ،تفضلي ست بنين
بنين ،والله يااستاذ مصطفى قسمنا مسوي سفرة واريد اروح وياهم
مصطفى ،دانشتها ويا عقلي ويكول كل ل بنين خلي تنجب وتكعد
بنين ،هلوووو عود هاي شنو
مصطفى ،اي والله مثل مسمعتي ميقبل
بنين ،مصطفى لتخليني افور عليك هي سفرة عادية ترا
مصطفى ، والشباب ام العادية موجودين لو لا
بنين ،اي بس يعني شعليا بيهم
مصطفى ،اذا لا مااحب تختلطين بيهم
بنين ، مراح اضرب وياهم الغدة ترا ويا البنات اتونس وهي كلها ٣ او٤ ساعات
مصطفى ،سدي الموضوع بنين معاجبتني هالفكرة
بنين ،بس مصطفى
مصطفى ،قاطعها كتلج سدي لا يعني لا
بنين ،ها يعني هيج صارت تمام براحتك
باي وسدت الخط بوجها
مصطفى ،ضل صافن عالمبايل والله خبلة
ماما، بنتي غزل جاسر منطي خبر لابوج
باليلل يجي ياخذكم
غزل ،تمام ماما معترضت لان صارلي بالشهر ونص يمهم واحس وضعي الحمدالله كلش زين حضرت غراضنا
ورا العشى وسبحت وبدلت وكشخت كشخة من هاي التمام على مكياج شعر فستان عندي جديد لبسته مخصر من الخصر وكلوش من جو بي قصر شويا وحتى عشق كشختها وانتضرناه نص ساعة تقريبا بال ١٠ جا كعد يم بابا وينتضرنا اني مدخلت عاد من كال يلا احنا نترخص نروح الغراض مصطفى طلعهن واني دخلتلهم سلمت وباوعت عليه وهو هم باوع وبتسملي حسيت قلبي رفر ماادري ليش وأخذ عشق مني يبوس بيها صارله يومين مشايفها عاد رجعها ونقلوا غراضنا للسيارة هو ومصطفى ركبنا بالسيارة وهو محجى شي ولا اني كلت يمكن زعلان عالي صار قبل ماادري بس قلبي كام يدك على السكوت الرهيب الي صار بينا صار عندي حباط منه المهم وصلنا للبيت وهو كام يصعد الغراض واني رحت سلمت عالكل خطية كلها مشتاقتلي وفرحانة لان صرت زينة ،عمة اخذت عشق وبنين شابكتني وتبجي
بنين بجي ،حبيبي والله مشتاقتلج
غزل ،حاضنتها ،اني هم فقدت خبالاتج
ورجعت سلمت على بيبي وعمة وعمو وضلينا نسولف لحد ما صعدنا اني وجاسر وعشق بقت يم عمة دكول مشتاقتلها عود بعد شوي تعالي اخذيها صعدنا وهو ورايا وقلبي يرجف ،
دخلت للغرفة وكبل تفاجأت اباوع غرفتي كلها متبدلة بغرفة جديدة حتى الديكور مختلف وهو شبكتي من ورا
