جاسر، اليوم ماعندي شي نايم لوقت متأخر حسيت على صوت بنين دتحجي وبصوت عالي يم غرفتي
بنين ،ولج عوبة غير نشرو هيج اني شدخلني
غزل ، تدرين قريت فصل مداخل تعبت نفسي هيج بأثناء حجينا اني وبنين
نفتح باب غرفة جاسر والاخ بدون قميص كبل نزلت عيني
جاسر ،هسة عفتن كل الاماكن عجبجن هنا تتناكرن يم راسي
بنين بخباثة ،يا عبالي مموجود واخويا حبيبي اذا ما بيها زحمة عليك تلبس قميص وتضم هالعضلات عود لصاحبتهن الله يحفظها
جاسر بضحكة ، ويحفظج اختي الحلوة
غزل بخجل ،اني حنزل بنين
جاسر ،صباح الخير بنت العم
غزل ،صباح الخير جاسر
بنين ،اني حنزل اسويلك ريوك
جاسر ، ديلا ميت جوع وعينه على غزل
من نزلت بنين ها بنيتي اليوم يمنا واني اكول منور البيت طلع بوجود صاحبته
غزل عقجت حاجبها، اشو دتتجاوز ويايا صاير
جاسر بضحكة ، عفناج هل ١٩ سنة موكافي عاد وهاي كبرتي يحلوة ودخلتي كلية قابل هم نسكت
غزل ، ي اسكت مااحب هالكلام
جاسر ، لعد شتحبين بنيتي
غزل ، لتحجي ويايا هيج مااحب هالسالفة
جاسر ،شلون هيج
غزل ، برومانسية عود
جاسر ، هههه اعصابك يحلو عود
غزل ، وانت علساس خطية بارد كلش
جاسر ، مو كبالج محلاني وهادي
غزل ، يعني حالف متلبس قميص
جاسر ، غير دشوفهن لصاحبتهن الله يحفظها
غزل وفتحت عيونها ، عززا متستحي والله
جاسر بضحكة ،هههه اقشمرج قابل
غزل ، خلي انزل احسن
جاسر هههه
نزلت جو وكبل ضربت بنين على رأسها متقصدة مو حقيرة صايرة اول شي تعالي مااكو أحد وهسة بحجة الريوك عفتيني وحدي ويا
بنين ،اووي شبيج ماادري موجود وحتى لو قابل حياكلج
غزل ، ي ام البلاوي متدري ولي ولااحجي وياج وارجع لبيتنا احسن
بنين ، ومنو يوديج جدي
نزل جاسر ها بنون كملتي جوعان
بنين تعال جاسر خلصت خلصت هسة اصبلك هاج غزل ودي الصينية بين مااصب جاي
غزل ، بصوت ناصي كلبة موبيدج اخذت الصينية حطيت الاكل عالميز وكعد وبنين هم كعدت تاكل ويا
