ودق ،رحت لبيت فهد أمه حجت ويايا كالت بنتي تعالي دنتعرف عليج وهم تتعودين علينا مااخفي اني كلش خايفة بس لازم إجراء أكثر راح اعيش يمهم ولازم صدك اتعرف عليهم
فكاعدة اتحضر وخبصت بنين
ودق ،بربج شلونه لبسي
بنين بضحكة ،ولج والله تخبلين كافي شتلتيني
ودق ،ها هيج صارت
بنين ،صارلج ١٠ مرات عايدة هالسوال اصلا مااكو وحدة بحلاتج
ودق ،والله متوترة ماادري ليش
بنين كامت وكفت كبال ودق ، عادي حبيبتي كلنا توترنا هيج شي طبيعي بيت جديد ناس جديدة ووضع ممتعودة عليه فطبيعي الي دتحسي بس رجعي ودق الواثقة من نفسها الي متخاف من شي
شوفيهم السانج ههه علمود يبطلون بسرعة
ودق ضربتها على جتفها خفيف ، وشبي الساني يابا ميعجب
بنين ،اسفين عمي يجنن لصاحبته
طالعة أميرة من الجمال
ودق كملت تبديل لبست فستان ازرق وبي نفشة خفيفة وشويا قصير وويا شيلة سودة وكعب ومكياج خفيف بس طوخت الحمرة شويا وجتي ماما كالت فهد جو
قلبي كام يرجف من التوتر نزلت كاعد يم بابا ويحجي ويا سلمت وانتبه عليا وبتسملي ارتبكت منه كعدت يمهم شويا وكمنا ركبنا بسيارته
فهد ،هاي شطالعة عروستي
ودق ،شكرا
فهد ،لا اذا حنكضيها شكرا وعفوا هيج منا ال ١٠ سنين يلا واحد يتعرف عليج
ودق ، لعد شكول
فهد ،والله ناس وصوني من السانج فأريد اشوف شتبدعين
ودق تفاجأت وكبل نداريتله ،اكيد غزل بصوت عالي
فهد ،ههههه ها يعني صدك
ودق ،لا ديشوهون سمعتي
فهد ، لا صفحتج بيضة يمي لتخافين متشوه ابد
ودق ، بتسمت بخفة زين اذا هيج
فهد ابتسم ، هيج حارمتنا من هالابتسامة الحلوة ، لعد اذا ضحكتي شيصير بحالي
ودق ،مكدرت اجاوب وهمزين وصلنا لبيتهم نزلنا وسلمت اخواته وأمه موجودات كعدت يمهم هو كام كال عندي شغلة ساعة واجي اخذو راحتكم
انطاني مجال اتعرف عليهم علمود ماارتبك منه شكد حباب ومراعي
صدك ضلينا نسولف ونضحك
أخته الصغيرة ،فدوة ودق كلش حبيبتج
ودق ،اني هم حبيبتي
أخته اوسطانية ، دخلين القلب حبيبتي
واني اكول فهد ليش قرر يزوج حقه يشوف هالجمال والالسان الحلو
