غزل ،جا جاسر ياخذني من اهلي بس وضعه مو تمام الطريق كله ساكت وإذا اسأله يرد بأختصار
غزل حياتي بيك شي
جاسر ،لا بس شويا وضع الشغل موهلكد شاغل بالي
غزل ،ها خيرر شكو
جاسر ،امور متعرفيلها
غزل ،سكتت مبين ميريد يحجي واصلا روحه بخشمه
وصلنا للبيت كلها نايمة لو بغرفة لان متأخر جاني تقريبا ب١٢ دخلنا للغرفة هو سبح واني بدلت لعشق ونومتها شفته طلع وكبل نام استغربت كلش مو عادته عاد اني هم بدلت ورحت أنام نطيته ضهري لان تصرفاته اليوم معجبتني اخذت على خاطري منه عاد غمضت عيني وحسيت بي ندار وشبكني من ورا وقربني عليه
جاسر ،اسف غزالي بس كلش ضايج اليوم ومابيا احجي بشي
غزل ،حطيت ايدي على أيده ،تمام بس لضوج نفسك مااكو شي يستاهل
جاسر ،باسني من راسي ،يلا نامي ولشغلين بالج شي
غزل ،تصبح على خير ،
جاسر ،وانتي من اهلي حبيبي
ثاني يوم ورا مراح جاسر نزلت جوا وسمعت عمي يكلهم سدو السالفة لحد يحجي بالموضوع استغربت كلت اكيد نفس الشي لزاعج جاسر كبل صعدت لبنين ادري بيها مضم شي دخلت كبل لغرفتها بعدها نايمة كعدتها
بنين ،اووي شبيج غزل اليوم
غزل ،كعدي لج اريد اسألج شي
بنين ،شنو
غزل ،شصاير البارحة اشو الكل مو على بعضه شنو القصة
بنين ،مااكو شي اكيد شغلة تخص الشغل
غزل ،لج ادري بيج من اجذبين احجي عاد
بنين ،وعديني مضوجين اول
غزل ،ليش شكو
بنين ، عليج الله لتفكرين بالموضوع هو راح بعد واصلا جاسر سوا الواجب بيهم
غزل ،سترك يارب خيرر احجي عاد
بنين ،طلعت حنين هي الي مسويتلج السحر والبارحة جانت حتحطلج واحد هم بس جاسر لكفحها وطيح حظها
غزل بصدمة وتفاجأ ،عززززا صدك
بنين ،اي والله
غزل ،ليش عود شسويتلها دسوي هيج
بعمري مأذيت وحدة بيهم
بنين ،موتدرين بيهن مسموعات حبيبتي
غزل ،موعذر علمود هيج تسوي زين وشصار يعني شحجى جاسر
بنين ،والله كاتل حنين من لاكيها بالغرفة وحتى عمتي رزلها وطردهم من البيت كلهم ممنوع بعد وحدة تدخل
غزل ،صخام كل هذا صاير
بنين ،اي والله بس يستاهلون
غزل ،والله صراحتا اني قبل هم لكفتها بغرفتي وزلتها بس متوقعت يعني هاي سوايتها
