ودق مر اسبوع واليوم العقد مال جاسر وغزل كلنا فرحانين بس اشوف غزل ذبلانة ومتكأبة احنا نركض نحضر الاغراض حتى الحلقات جاسر اختارهن والقفطان احنا اختارينا واكلها روحي الصالون متقبل دكول اني احط
غزل ميتة خوف اليوم حنكتب بأسم جاسر مااكدر اعترض بعد اتمنى لو يبقوني بهالغرفة خلي يحتفلون ومن يخلصون انزل
تحضرت ولبست ودق وبنين مختارات قفطان ابيض كلش حلوو بي فتحة قليلة من الصدر وضيق من فوك ليجوا على شكل حورية واردان طويلة ابيض لبسته كلش حلو حطيت مكياج وعمة شمس فوك راسي من اتهاون بشي تعدله هي خلصت واجوي كرايبنا من جهة امي وعمامي وولدهم كل ميقترب الوقت اموت خوف
نزلت كعدت يمهم هلهلو من شافوني فدنص ساعة واجوي جاسر وأمه وأبو وبنين وبيبي ومهيمن والشيخ وعمة ام محمد
وياهم توترت اسمعهم يطلبوني من ابويا ووافق وراها كال صيحوها للعروس
سألني على موافقتي ضليت ساكتة رجع سأل دغتني عمة شمس كولي موافقة
كلتله موافقة واسمع الهلاهل ملت البيت ملي باركولي جتي امي الدمعة بعينها وتبوس بيا وراها عمة قمر فرحانة ببنها والدنيا مواسعتها وبيبي تبوس بيا وتباركلي
ولحد مافضت الهوسة كالو كومي كعدي يم جاسر دخلت مااكواحد بس هو خفت ردت اطلع ،
جاسر شفتها واريد اخذها بقلبي مو بس بأيدي فرحتي تعادل اثنينا ، هلا بالي صارت الي هلا بوجع القلب
غزل ،باوعتله اريد ارد بس سكتت
جاسر ، لتسكتين ادري بالسانج مو الج بنيتي بس وعد اخليج تنسين كلشي
مثل مااني اريدج انتي هم تريديني وعلمج عالاشياق بأصوله
غزل ،ليش هيج سويت تدري وقاطعني قريب مني وحط أيده على حلكي عفته مابيا اتعارك
جاسر ، كافي نعاتب الي صار صار اجاوزي الموضوع وانسي
غزل رديت ،وخرت أيده بقى قريب وكتله
ماانسى أحقد اني واكرهك باليوم الي زوجتني بي
جاسر بضحكة ، كرهيني عمي راضي بس المهم كبال عيني تبقين
غزل ، احاربك بيا مااخليك تتهنى بيوم
جاسر ، واني قابل بس بحضاني
غزل بخجل ، حطها بالك حتى مااخليك تقترب مني
جاسر بضحكة جانبية وقرب يم أذنها ، لا بهاي اعترض مااكدر امنع نفسي عنج وانتي بغرفتي وبفراشي
غزل بعدت عنه ، مااخليك
جاسر ، نشوف غزالي
غزل ،عفته وطلعت خجلانة شافتني عمة شمس هم هلهلت ها ولج شحجيتو وهيج احمر الوجه
غزل ،رزلته لحبيب قلبج
عمة شمس ،الي تريدي سوي اليوم محد يعترض هههه
غزل اباوع عليهم صدك الفرحة بعيونهم خلص العقد وراحو بعد مانظفو البيت مخلوني امد ايدي
باليلل نايمة على فراشي وودق فوكاية
