خلصن اليومين واليوم العرس البارحة كله مشفت النوم من الخوف والتوتر الليل كله اتقلب جتني امي ددكعدني لكتني كاعدة
تفاجأت حجت ويايا بأمور العرس وليلة الدخلة استحيت منها ردت اكوم بس مقبلت كالت كل بنية وتمر بهاليوم يمه وانتي جبيرة واعية لتخافين وتعترضين و خلي الليلة تمشي سكتت مرديتلها بس حالفة مااخلي يقرب مني جتني عمة شمس وبنين هم رحنا للصالون وصلني مهيمن اليوم رحنا من وكت عرايس هواي اشوفهن فرحانات بس اني معبسة وضايجة
بنين ، غزل فكيها عبالك رايحة العزة ولا كأن عرسج اليوم
غزل بضوجة ،من يجبروح عود تعالي احجي ويايا اريد اشوفج هم تحجين هيج
بنين ، اصلا اذا اضل احجي وياج نتعارك اروح احط مكياج احسن
خلصت كلش حلو حطتلي رادت اطكلي صورة أم الصالون تنشرها بس عمة مقبلت كلتلهم احط شي على وجها كلتلها رجلها ميقبل لهالسوالف عاد تركتني خابرو مهيمن أخذنا لبيت اهلي منا ياخذوني من دخلت شفت امي حزنانة ومبينة باجية كبل حظنتها وكمت ابجي وودق هم جتي ضليت ابجي لحد ما
عمة ام احمد، حجت علينا وكالت ميصير هيج خلوها تشوف حياتها ودعولها بالسعادة شنو هالحجي
امي كلتلها دموع الفرح عيني وباستني وراحت نص ساعة وجتي الزفة قلبي كام يدك سريع دخل جاسر بالقاط كلش مرتب عليه صوت طبل وهلاهل وهوسسة صارت
وكف بابا ووصا عليا كله هاي امانة عندك
جاسر ،احطها بعيوني عمي
بابا ،العزيزة هاي ماريدها زعلانة بيوم حظنت بابا وضليت ابجي خطية هو هم نقهر وعيونه مدمعة
جاسر ،تأمر عمي
زفونا جاسر وركبنا بالسيارات طول الطرق محجى ويايا ومبين فرحان عمة فرح كعدت ويايا ضليت لأزمة أيدها واقرة ايات بقلبي من التوتر لحد ما وصلنا البيت كعدنا شويا خفت الهوسة وصعدوني فوك حتى بنين ومهين حيروحون بيتنا يباتون بقت بس بيبي وعمي وعمتي
وجتني عمة شمس وامي يوصني قبل ميصعد جاسر
عمة شمس ،غزل حبيبتي مو تعاندين
ماما ،لا هي شاطرة وتدري بعد صار رجلها
عمة شمس،انطي نفسج بنيتي صار رجلج بعد والرجال ميحب مرته تمنعه
غزل خايفة وهنا يحجن هيج وترني بالزايد
سكتت مرديتلهن سمعنا صوت الشباب ديزفو للغرفة بسرعة كمت لزمت ايد امي
غزل ،ماما لتعوفيني ضحكت عليا امي
ماما ،ولج عيب بنيتي قابل اكابلكم
غزل ،ضليت مجلبة بيدها دخل جاسر وهنا وامي عافتني يريدن يطلعن وشاورتني
امي ،حبيبتي لتعاندين انطي حقه
يلا عيني احنا رايحين للبيت مااوصيك بعد جاسر
جاسر ،تأمرين عمة
غزل واكفة يم الجرباية وارجف من الخوف والتوتر مااريد ابينهن اله بس مو بيدي قرب جاسر وهو ينزع جاكيته وكلي
جاسر ،ها غزال جوعانة
