#رجال_لايهابون_الحياة
#عكس_المسار
#البارت_الرابع_والثلاثون
. .. .. .. .. .. .. .. .. .. .. .. .. .. . .. ☆
اثناء ترقب طارق انصراف سيارة فرح تفأجئ بوضع احمد يده علي كتفه وسأله باستغراب وحيرة:
أنت هنا بتعمل إيه يا طارق....؟!
استدار طارق علي مهل وطالع احمد بأرتباك وتوتر شديد ورد عليه قائلَا بتلعثم:
-أبدا كان في شغل تبع الادارة وجيت مع محاسب المصنع نخلص طلبات للصيانة وكدا
-قولي انت خلصت شغلك ولا لسه لو كده تعالي نروح نتغدا قبل ما ارجع للمصنع
رمقه احمد بريبة وعدم اقتناع ورد عليها سائلًا بشك غير مبالي بعزومته علي الغدا:
-وانت مالك ومال شغل الادارة ثم انت كنت واقف سرحان وبتبص علي حاجه اوعي يكون اللي في بالي
تعرق وجهه طارق بارتباك اكثر واخذ يجففه، وعيناه تتحاشي النظر الي احمد الذي كان يتفرس ملامحه بتمعن كانه يستشف جوابه وقال:
اصا المحاسب صاحبي وطلب اجي معاه، ثم انت تقصد ايه بي اللي في بالك.....؟!
ضاقت حدقتاه واقترب منه وتفحص عيناه الغائمة برومانسية حالمة وقال بلا تردد وحسم :
-قصدى الأستاذة فرح يا طارق، والواضح ان تخميني صح
قبل إن يرد عليه طارق اتاه اتصال علي هاتفه وعندما راي رقم مريم تنهد براحة وقال لتفسه:
-اتصالك جه في وقته بنت حلال يا مريم انقذتيني من شك احمد فيا،
نظر الي احمد وقال بأرتباك :
-اسف ياأحمد أستاذنك بس أرد علي مريم اشوف عايزة أيه،اصلها مش بتتصل بيا غير للشديد القوى
اؤما له احمد بالموافقة وتغيرت ملامحه بحدة وغيظ ابتسم له طارق وفتح الاتصال وقال بمرح:
-اهلًا بست البنات خير يا مريم بتتصلي ليه
ردت عليه مريم بلهفه وقلق مربك:
-الحق يا طارق طلبة رجع وشكله كان غايب علشان بيتجوز، واتهجم علي محمود لما لقاه في شقته،وهو ضربه جامد والاسعاف جت خدته ومراته عملت بلاغ في محمود بالتهجم عليه وعلي جوزها، والبوليس خده تعالي بسرعة اتصرف؛
انصدم طارق مما حدث ورد عليها بتوتر:
-طيب متعرفيش طلبة راح مستشفي ايه، او خدو محمود علي فين
علي ذكر اسم أخية محمود حدق فيه احمد بقلق وساله باهتمام:
-ماله محمود يا طارق فهمني حصل إيه، ومين طلبة ده
ابتلع طارق ارياقه ورد عليه باشارة من يده بانتظار انتهائه من مكالمته مع مريم وعاد واكمل حديثه معها كي يطمئنها:
-طيب يا مريم مدام المعلم حفني معاه انا هتصل بيه واعرف منه ودوه فين متقلقيش انت بس،
وياربت تحاولي تفهمي مرات طلبة اللي حصل في غياب جوزها وان محمود ملهوش ذنب ؛
وافقت مريم علي ان تحدث زوجة طلبة حتي تسامح فيما فعله محمود وحثت طارق علي الوقوف بجواره حتي يخرجه من ورطته وذلك لانه هو من عرضه لذلك، حين قام بفتح شقة صديقه لهم للسكن فيها ولهذا حدث ما حدث،"
اكد عليها طارق بانه سيجد طريقة لاخرج محمود مما هو فيه وستعود الامور الي نصابها
