#اوشكت_ النهاية
#البارت_الثالث_والستون
***************
من غرفة الرعاية بالمستشفي الاستثماري لمجموعة ابراهيم ذهني،
استيقظت احمد علي يد طارق تلكزه برفق ويقول له مزاحًا بمرح جلي:
ايه يا برنس انت جاي تخلي بالك من المريض ولا تنام، اصحي اسمع الاخبار الحلوة اللي جاي اقولهالكم
فرك احمد عيناه بتكاسل فهو لا ينال كفايته من النوم هكذا، لكنه لا يستطيع البعد عن اخيه وتركه وحده، رغم انه يستطيع أن يعتمد علي التمريض أو الطاقم الطبي الخاص بالرعاية لكنه لن يتخلي عن دوره في الاهتمام بأخيه، الذي سهر سابقًا عليه ايام مرضه،:
فتح عيناه وابتسم في وجهه طارق البشوش وسأله باهتمام كانه لا يعرف عن ما سخبره:
،بذمتك في حد يصحي حد كده، اتفضل قول يا مزعج حصل ايه مفرحك اوي كده، وقولي فينك بقالك تلت ايام محدش بيشوفك ويوسف بيقول انك مش بترجع البيت، انا قلت طفشت منا خايف علي نفسك بعد حادثة محمود
ضحك طارق بسرور فقلبه يشعر بالسعادة لقرب ارتباطه بعشيقة روحه فرح بعدما ساهم في كشف فتحي وأعوانه أمام ابيها فقال بثقه وزهو:
مفيش كنت مرابط في المصنع خفت تتسلم الطلبيات وانا مش موجود، المهم أنه تم القبض علي فتحي واعوانه، واخيرًا المصانع نضفيت من أمثالهم
وابراهيم بيه جه وواجههم بنفسه بصراحه طلعو اندال اووي، بعد ما ساعدهم وخلاهم يقفو علي رجليهم خانوه وسرقوه، والله يستاهلوا اللي حصلهم،
صفق له احمد بانبهار علي ولاءه لأبيه وليس علي مساهمته في القبض علي الاوغاد وقال:
برافو عليك يا طارق عقبال ما باقي المجموعه تنضف من الحراميه والمتأمرين، قولي انت جيت بدري كده ليه مش عندك شغل، ويوسف جه معاك ولا فين
رد عليه وهو يتأمل محمود الذي مازال نائم بسكون:
ايوة يوسف جه معايا بس راح يسجل حضور ويشوف الدكتور المسؤول عنه محمود علشان يطمنا،
وانا بقي اخدت اجازة بقالي ثلاث ايام مش بنام، قلت ارتاح من الشغل، علي ما نشوف مين هيكون المسؤول عن إدارة المصنع بدل فتحي، بس اظن انه هيكون ابن ابراهيم بيه،
لان من كلام فتحي حسيت ان إهماله ابنه واتكاله علي الغير كان سبب في السرقات اللي بتحصل،
قطع حديثه فجأة وسال باهتمام:
المهم عرفتو مين اللي تتسبب في الحادث، ومحمود إصابته اخبارها ايه دلوقتي
اصلك متعرفش في يوم وليلة بقي مهم ومصدر سؤال من الجميع، لدرجة اني غيرت منه بسبب سؤال فرح عنه، معقول تكون معجبه بيه
هنا سمع ضحكة محمود المتقطعه بسبب الالم:
لاه والله بتتكلم بجد، يعني استاذة فرح هتسيب كل الناس أصحاب المراكز المرموقه دي، وتفكر في عامل غلبان زيا، لا يا طارق انت حبك ليها جننك رسمي
ابتسم له طارق وضرب كفه بكف محمود وقال:
حمدالله بالسلامه يا بطل، مش قصدي معجبه حب يمكن بشخصيتك يا جدع، ما انت راجل بجد وابن ناس ومحترم تفرق ايه عن اي واحد صاحب شهادة او ابن عز وجاه
لكن غيرتي منك لانه سالت عليك وباهتمام اوي، ياما نفسي تخبطني عربية وتسالني عني وتهتم كده
