ဖဝါးထက်က ပုလဲသွယ် [MM translation]

ဖဝါးထက်က ပုလဲသွယ် (၈) (က)

Translation of Pearl In The Palm.

ဖဝါးထက်က ပုလဲသွယ် (၈) (က)

Translator - Jinnie Grace

________

ဝူသခင်မက အစေခံတွေိကိုခေါင်းဆောင်ကာ ယဲ့လီကျူး၏ အဆောင်တော်သို့ရောက်လာခဲ့သည်။ လမ်းတစ်ဝက်မှာပင် အိမ်တော်ထိန်း၏ ဇနီးဖြစ်သူနှင့် ဆုံ၏။

"သခင်မ.....သခင်ကြီးက အခုပဲ နန်းတော်ကနေပြန်ရောက်လာပါတယ်။ ပြီးတော့အိမ်ရှေ့မင်းသားနဲ့ မင်းသားချင်ကလည်း ယဲ့အိမ်တော်ကိုလာပါမယ်တဲ့။ မိဖုရားခေါင်ကြီးရဲ့နန်းဆောင်က မားမားလျန်ရှင်းလည်း ပါလာမယ်ပြောတယ်။ အဲ့ဒါကြောင့် သူတို့ကိုကြိုဆိုဖို့ သခင်မ ပြင်ဆင်ရပါမယ်။"

အားလုံးက ယဲ့ဖူအန်းကို အာရုံရောက်နေကြချိန်တွင် မားမားလျန်က အိမ်တော်ထဲသို့ရောက်နေသည်။ တစ်မြို့လုံးက မျိုးရိုးမြင့်မိန်းကလေးတွေ
တော်ဝင်ကိုယ်လုပ်တော်တွေတောင်ပါ၏။ သူမကတော့ နောက်ခံနိမ့်ပါးသူမို့ လျန်သခင်မကို အားလုံးက ပစားပေးကြတာကို သူမ မကြိုက်ပေ။ အားလပ်ရက်တွေမှာသာ မိဖုရားခေါင်ကြီးကို သူမတွေ့ရသည်။ နန်းတော်ထဲက မားမားတစ်ယောက်ကိုလွှတ်တယ်ဆိုတာ ဒါပထမဆုံးပင်။

ဝူသခင်မက ပုတီးကိုလက်မှာကိုင်ရင်း ပြုံးကာပြောလိုက်သည်။ “ အခု သခင်မလေးကိုသွားတွေ့မလို့။ မနေ့ကရောက်ကတည်းက မျက်နှာကို မမြင်ရသေးလို့လေ”

အဒေါ်စွန်းက ပြန်ပြော၏။ “”သခင်မလေးက အငယ်ပဲဟာ သူဂါဝရလာပြုပါလိမ့်မယ်။ အခုဧည့်သည်ကြိုဖို့ကိစ္စက ပိုအရေးကြီးတယ်။”

ဝူသခင်မက ခေါင်းငြိမ့်ကာ သူမနောက်က အစေခံနှစ်ယောက်ကို လှည့်ပြောလိုက်၏။ “ဒီမုန့်တွေကို သခင်မလေးရဲ့အဆောင်ကိုယူသွား။ ငါကနှုတ်ဆက်တယ်ဆိုတာကိုလည်း ပြောဖို့မမေ့နဲ့”

အစေခံနှစ်ယောက်က ဦးညွတ်လိုက်ပြီး စားစရာတွေယူကာ ထွက်သွားတော့သည်။ အဆောင်ကိုရောက်တော့ တံခါးခေါက်သည့်အခါ မိန်းမငယ်လေးတစ်ဦးထွက်လာ၏။

အစေခံနှစ်ယောက် က ဆိုလိုက်သည်။ “သခင်မလေးနဲ့တွေ့ချင်လို့ပါ။ သခင်မလေးရှိလား?”