(سڤن اب) رواية ليبية
ممكن دعم ومتابعة للحساب💜💜
____________________________________
في حوش الجيران
... : ليهم ساعة واقفين يركبوا في ها الامبة يحسابوني منندريش انهم يبوا يخلوا البنات يعتجبوا بيهم حيشوفوا
مراد: ياهمي ظهري تقوس يا معز مش عارف لمتا بنقعدوا هكي
معز: معاك حق النهارات مفيش ولا وحدة شبحتلنا ولا عدلت على السطول يلي واقفين يراجوا في وحدة تهتم بيهم
مراد: مافيش سطل غيرك
معز: يلي استحوا ماتوا
مراد: اني خلاص بنمشي انشوف محمد
معز: خودني معاك حس رجليا تعبن
كان مراد ومعز متوجهين لسيارة الا وهي واقفة بنت بيضة زي الجبنة ولابسة عباية سودة ووشاح وردي طالعات منه خصلات وكانت حاطة ميكب خفيف وكانت تشبح لـ مراد
البنت: اهلا
مراد: اا اه اهلا بيك
البنت: شفتكم من الروشن ليكم ساعة واقفين هنا ان شاء الله خير
مراد: اه لل لا مافي شي بس كنا انشوفوا في الضي
البنت: اها ربي يعاون
مراد: تسلمي
قعد يشبحلها وهي تشبحله
معز: شبحلهم .. شن معزومة انتي؟
البنت: ايه اكيد
معز: بابتسامة خبث .. امالا تفضلي خير واقفة
البنت: لا شي اصلا بنمشي يلا باي .. وخلتهم وخشت
كان مراد مسبوه فيها لين خشت لصالة
معز: النهارات الفكرة فكرتي بس انت يلي حصلت البنت
مراد: شن تقول انت هي جت كلمتنا طبيعي وعدت مأضنش اعتجبت بيا
معز: ايه واضح حتى انه دفلت في وجهك ترا خش لسيارة الباين ان اليوم مش يوم حظي
مراد: ابتسم .. عادي عادي تقبل اني احلى منك
معز: الحلاوة للبنات يابغل
مراد: لانك شين تقول هكي
معز: سلم خوي سوق النهارات وحني نتسهوكوا كأنه مش عرس خونا
------
في الصالة
الكل يرقص ومنسجم ويلي كانوا يهدرز
جنى: يا نهى مش هكي حشمتينا
نهى: تلف في شعرها كيرلي .. اني بنربط الجالكة على خصري حرة اني مالي ومال الناس
كانت جنى لابسة قونة فوق من الركبة سودة جلد وكت ابيض وعليه قميص مشبك اسود وطالقة شعرها ولابسة بوت
اما نهى كانت لابسة سروال واسع فيه شدة من تحت لونه سماوي وعليه تيـ_شرت ابيض ورابطة الجاكة وردية على خصرها ودايرة شعرها كيرلي وكويش ابيض
جنى: بالله عليك مش هكي حيقولوا خوات العروس متخلفات
نهى: يقولوا الي بيقولوه اني بنربطها على خصري مش مهم رايهم
خشت عليهم فتحية
فتحية: ياكيتي كية ان شاء الله قعدات هنا يلا برن لضيوف الحفلة بتكمل وانتن موتيتنش رواحكن
جنى: حاظر يا امي
------
محمد مقعمز بين اصحابه وهو متوتر اتصل بجهاد
جهاد: نعم
محمد: جهاد متاكد انك بخرت الحوش؟
جهاد: يا همي وااك منك ايه متاكد تبيني نحلفلك بيش تتريح؟
محمد: لا صدقتك خلاص
جهاد: تبي شي ثاني
صكر محمد الخط قبل مايكمل جهاد كلامك وانتصل بناصر
ناصر: خير يا عريس
محمد: شن صار في العشي؟
ناصر: اتصلت بعمتي قالت بيوصل بعد شوي
محمد: مية مية
وصكر الخط واتصل على معز
معز: نعم يا غالي
محمد: وين السيارة بالله عليك ليك ساعتين رافعها وين تلود بيها مش قلتلك نظفها؟
معز: باهي بشوية خيرك منفعل؟ اهو جاي بيها مسافة الطريق و..
صكر عليه الخط
محمد: شن ها الولد مبرده
عمر "صاحب محمد": وسع بالك التوتر هذا مفيش داعي ليه عارف ان الامور حتكون تمام كون متهني
محمد: ربي يسمع منك
عمر: وما شاء الله عندك ستة خوت المفرض يكون بالك مرتاح
محمد: ستة خوت ولا ستة سطول كل واحد اسطل من الثاني تقوللهم امشو يمين يمشو يسار
عمر: هههه حرام عليك والله خوتك كويسين
أنت تقرأ
سڤن أب (رواية ليبية)
Fiction généraleالكاتبة: هذي الرواية برعاية: معز: .... الكاتبة: تكلم قولها معز: منيش الكاتبة: تقولها بالله عليك معز: اااااخ الكاتبة: هذي الرواية برعاية: معز: النهارات
