جنى وهي تلف على الدنيا كانهي حايسه تذكرت فتحي يلي ليه من بعد الظهر راقد لتوا قريب المغرب
جنى: نهارك احرف يا جني ... ومشت تجري فوق
خشت للحوش وخط واحد للدار
خشت ليها لقتها قاعدة مظلمة
جني: في عقلها ... ياغبارتي السودة
فتحت الضي لقاته متكي ويحقي فيها
جنى: انخلعت وحطت يدها فوق قلبها ... بسم الله الكريم الرحمن الرحيم
فتحي: شنو ريتي عزرائيل ولا شنو؟ ... وقعمز وربع يديه
جنى: زمطت ريقها وقعدت تشبح لوطى
فتحي: مش قلت امبكري ساعة وانوضيني؟
جنى: وهي ترعش ... ايه
فتحي: بدال ساعة رقدت خمسة ولا؟
جنى: وهي قريب تبكي ... ايه
فتحي: سلمها يارب يلي متبيش تزعجي ... ناض شدلها خدها ومشي
جنى: وهي في صدمة ... تي خيره هوا؟ ماعنده طارقة
قعدت دقائق في الدار بعدها نزلت لوطى
_____________
معز: مراد
مراد: مش مركز معاه بكل كاين كل تركيزه في التلفون
معز: انت يا سطل ... وضرب رجله
مراد: خير دعوتك ... وهو يشبحلهه ومقرن حواجبه
معز: له له له شكله موضوع خطير في التفون شن كنت تدير فيه النهارات؟ ... وهو قرب وجهه منه
مراد: تي بعد خليقتك ريحتك معفنة ياراجل ... وقعد يدف فيه
معز: قاله بصدمة ... اني ريحتي معفنه؟ كان اني ريحتي معفنه انت شنو؟ مجاري ولا زريبة سعي
مراد: المهم ريحتك معفنة
معز: مصح وجهك اقسم بالله شكل .. ولتفت يمينه
مراد: رد وجهه لتلفون .. ها زعلت؟
معز: مردش عليه
مراد: ااخ منك ها شوف .. ومدله التلفون
معز: مباش يشبح
مراد: اشبح ها
معز: ناض من مكانه من دون ما يتكلم
مراد: النهارات شكله زعل حقه .. لفت وجهه لتلفونه مرة ثانية .. عادي يتربى
---------
جي وقت العشي وكانو الرجال في المربوعة والنسوان في الصالة الداخل
فتحية: ربي يدوم الاوقات الحلوة بينا
سعاد"ام سلوى": امين يارب العالمين ونجربوا الحج حتى احني
فتحية: امين يارب هذا مانتمنى بعد ها العمر
سعاد: ايه والله ربي يكتبها لينا
نهى: كانت تمضغ بصوت عالي
لبنى: شبحت فيها .. ضمي فمك عيب
نهى: بلعت يلي في فمها .. وشن العيب في الموضوع هذي طريقة اكلي
لبنى: ربي يعينك يا معز طحت في معزة .. وقعدت تضحك
نهى: ننن خلينا الاتكيت ليك .. وكملت ايكالها
لبنى: ها خالتي سعاد شن مزال سالم مخطبتولاش؟
-----------------
احمد: امقعمز في مكتبه ويتكلم بالتلفون .. حاظر حااظر يا ناصر اكيد حنجي
ناصر: نعرفك امكبش في الخدمة خايفها تريح منك
احمد: متخافش عليا راهو خوك ثابت صامد يعرف روحه
ناصر: بدون كلام زايد بتجي قبل الضيوف ره
احمد: اوووف به حاظر في شي ثاني؟
ناصر: لا منبوا شي منك على اساس كان قلتلك جيب حتجيب
احمد: متنساش خوك مدير ياحبيبي
ناصر: وحتى انت متنساش ان خوك يبيع في احلى زيبونات في ليبيا
احمد: اني منكرتش هذا
ناصر: هاا شفت يلا انراجو فيك
-----------
معز: واقف ع الباب وينادي .. عمتي عمتي
فتحية: طالعة من المطبخ .. نعم ياوليدي
معز: ناديلي نهي
فتحية: هي شوية وتجيك
معز: كان مش فاضية عادي انجي وقت ثاني
فتحية: ضحكة .. والله ياولدي انت عايش في وهم راه حطيبتك متخشش لمطبخ كان لما تقعد جيعانة او لما تحصل في تكشيخات من خواتها وخوتها
معز: ضحك قصدك امخليا الشغل عليك؟
فتحية: ايه اني وخواتها وهي امقعمزة وتهدرز في الصالة هي تو انخش انديها
معز: منورة عميمة .. وقعد واقف قدام الباب
أنت تقرأ
سڤن أب (رواية ليبية)
Fiksi Umumالكاتبة: هذي الرواية برعاية: معز: .... الكاتبة: تكلم قولها معز: منيش الكاتبة: تقولها بالله عليك معز: اااااخ الكاتبة: هذي الرواية برعاية: معز: النهارات
