سفن اب (رواية ليبية)
ممكن دعم يا حبايبي
_______________________________
معز: ناديتك وندمت كملت البطاطس ع المحل النهارات
مراد: يفتح في الكيس .. هذا اقل شي نقدر انديره بيش ننتقم من يلي درته
معز: معاش تذكرني بطني قاعدة توجع فيا
مراد: خزي ها الشكل
معز: عادي عادي تعيش وتاكل غيرها
مراد: وريني الشفرة يلي شريتها
معز: طلعها من تلفونه .. اهيا
مراد: اهااا .. كسرها .. هكي اريح
معز: يا حيوان ليييش
مراد: بيش تعرف مرة ثانية وتبطل حركاتك
معز: مرزن دمك اقسم بالله زهاق كبد .. ولف وجهه لجهة الثانية .. معاش تاكل شي من المحل وانت كملت عليا نص معاشي النهارات
مراد: تستاهل من قالك ناديني
معز: تعرف شن
مراد: شن
معز: يعطيك جن .. وقعد يضحك
مراد: نضحك؟
معز: لا زغلط
مراد: خليته ليك
خيري: السلام عليكم
مراد: اووه خيري .. وقف وسلم عليه
معز: شن الجو يا برو
خيري: الحمد لله وانتم كيف حالكم وحال خالي
مراد: الحمد لله وكيف حال عمتي؟
خيري: الحمد الله اصلا هي عندكم
معز: اقسم؟
خيري: ايه ليش؟
معز: بتقعد لليل؟
خيري: ايه وبتبات عندكم
معز: طلع طرف شكلاطة سنكرز .. هذي ليك يا ولد عمتي السمح
مراد: شبحله وضحك على جنب فهم ليش هذا الكرم
معز: في خاطره .. سم الهاري كانه مش ضايق شكلاطة الله غالب راح نص المعاش بس على خاطرك يا نهى نرضى انه يضيع كله
-------
محمد: لبنى وينك
لبنى: طلعت من المطبخ
محمد: هذا كل يلي قلتي عليه
لبنى: سلمك جياب
محمد: اني طالع فوق بنرقد تبي شي قولي لواحد من خوتي
لبنى: تمام امشي ارتاح
----
فتحي مسبوه في الحيط
ناصر: ااه ريحة الحوش فايحة ولا اني جيعان
جهاد: لا انت جيعان ريحة الحوش بصل على زيت حشي النعمة
ناصر: اني انشم فيه فايح
جهاد: شافله بربع عين
طق طق طق
جهاد: تفضل
خشت جنى ومعاها سفرة مشكلة
قعد فتحي يشبحلها
جنى: تفضلوا
ناصر: الباين عليه يهبل
فتحي: سلم ايديك تعبناك
جنى: لا تعب لا شي كولوا صحيحتين
جهاد: هو واتي غير هي حطت كل شي في صواني
جنى: ابتسمت على جنب تنبالة وافتخر يا فالح انت
جهاد: غصبا عنك فالح
جنى: تعال انقريك في الامتحان
جهاد: لا امشي عاوني خواتك وامك في المطبخ
فتحي: استحي ياولد لسانك طويل
ناصر: ايه والله معاش استحيت
جهاد: ناضوا المؤدبين
جنى: ههههه ياربي امالا كولوا حنمشي انعاونهم على قولت جهاد .. وطلعت من الدار
فتحي: في خاطره .. ياربي شن ها البنت خدت قلبي ربي يكتب يلي فيه الخير
---
وصلن صاحبات لبنى وضيفتهن العشي وعطت لاولاد عمتها صفرتهم وضمن المطبخ وغسلن الماعين وقعمزن يهدرزن فوق اما فتحية قعدت تحت تضم في الحوش
لبنى: ههه ياربي امالا مهى كيف شكلها بالبدلة الكبيرة يقتل رايحة زي العزوز
سجى: هههه ياربي اااخ امالا رتاج اعوذ بالله كانها ابليس خيرها راحت سودة؟
رانيا: بالك من الجياب حتى هي ام لثلاثة اولاد
سجى: قالوا ان راجلها يسكر
لبنى&رانيا: حي ياحي
نهى: ياسركن قرمة على الناس من جمالكن انتن بيش تقرمن على خلق ربي
لبنى: كان مش عاجباتك الدوى اقلبي وجهك
نهى: اصلا بنمشي بدون لز
لبنى: ايه كملي كملي
أنت تقرأ
سڤن أب (رواية ليبية)
Fiksi Umumالكاتبة: هذي الرواية برعاية: معز: .... الكاتبة: تكلم قولها معز: منيش الكاتبة: تقولها بالله عليك معز: اااااخ الكاتبة: هذي الرواية برعاية: معز: النهارات
