سڤن أب (رواية ليبية)

"3" 🍻

سفن اب (رواية ليبية)

ممكن متابعة ياحلوين انتي وهو

_________________________

وكان مكتوب فيها:
المرسل: هلا مراد
مراد: استغرب وحاول يتذكر الرقم هذا رقم من
رد : من معاي؟
وعلى طول رد المرسل وقال: معرفتنيش؟
استغرب مراد اكثر
رد: لا والله
المرسل: اني سهى
مراد: مش عارف منعرفكش واصلا اني منبيش نعرفك منحبش جو التعارف هذا
المرسل: اني نعرفك وانت تعرفني
مراد: ايه وكنهاذا
المرسل: اني البنت يلي كانت قدام الصالة يوم عرس لبنى عرفتي
مراد: انصدم كيف صار كانها شعرت بيه كان فرحان بشكل كبير .. والله من وين حصلتي رقمي
المرسل: من بنت عمتك اعطتهلي
مراد: تصدقي انك مرحتيش عن بالي من لما ريتك في العرس لتوا
المرسل: حتى اني حبيتك لدرجة كبيرة اقسم بالله مش مصدقة اني كلمتك لكن طلع مش جوك جو التعارف
مراد: لا لا مش قصدي والله مكنتش نحسابك انتي
المرسل: عادي ولا يهمك
مراد: شكرا
المرسل: مراد
مراد: نعم
المرسل: نتكلموا صوت
مراد: تمام تو نتصل بيك
المرسل: هي
اتصل مراد بيها
مراد: ها توا كويس
المرسل: بصوته الحقيقي وهو ميت ضحك .. كيف حالك مراد .. ونفجر من الضحك
ايه كان صوت ولد
مراد: انصدم .. من معاي؟
المرسل: وهو ميت ضحك .. معاش عرفت صوت خوك اااخ يا بطني
مراد: بعصبية .. معز يا حيوان اقسم بالله ما تتحشم
معز: اااخ يا بطني قال حبيتك قال اقسم بالله بنموت
مراد: به خلاص كان معاش تبي شي صكر
معز: لا خلاص اووه .. مسح دموعه من الضحك .. ااه بنقولك
مراد: بلا نية .. ها خير
معز: بعد ما تكمل من المحاضرات تعال للمحل كساد
مراد: كساد لين جيت كسدت عليا
معز: من عندي غيرك انثقل عليه دمي
مراد: من وين حصلت الشفرة
معز: هذي شفرتي الجديدة سجلها عندك باسم سهى ههه
مراد: مبردك .. وصكر الخط
حس ان احلامه تحطمت كان متوقع انها نفس البنت بس طلع خوه شعور الخيبة مش حلو

----

فتحي: ياعمي هذي صناعة يدوية فأكيد حتكون غالية
الراجل: بس منظره عادي زي اي زيبون هنا
فتحي: خلاص امالا خود زيبون ثاني كان تشبح فيه زي باقي الزيبونات
الراجل: لا لا عجبني هذا
فتحي: خلاص امالا هذا حقه الف وميتين منقدرش انخليهلك بستمية
الراجل: انقولك شنو بطلت نشري من هنا خلاص
فتحي: سامحني يا عمي بس رح تكون خسارة ليا انت عارف
الراجل: به به حنشريه بالف بس شن رايك
فتحي: خدي نفس .. امنت بالله به تمام الف الف
الراجل: ايه كويس اكسب الناس ياوليدي مش الفلوس
فتحي: في خاطره .. ها الناس يلي بنكسبهم
خدي الراجل الزيبون وطلع
فتحي: ها الشكل حتى الواحد بيسترزق مخلاه الله غالب ربي يعوض

---

أحمد: يشبح لضوافره .. تعرف يا سالم
سالم: ها خير
أحمد: عندي فكرة كويسة
سالم: فكرة لشنو
أحمد: فكرة بيش انحصلوا فلوس
سالم: ولي هي؟
أحمد: شن رايك نخطفوا ولد؟
سالم: شبحله بصدمة .. شن تقول انت بعقلك ولا شنو؟
أحمد: ايه بعقلي تحسابني انت؟
سالم: لا اني منبيش فلوس الحمد لله ربي كافيني
أحمد: ابتسم على جنب .. عندك امالا حق بليستيشن فايف؟
سالم: لا لكن حنشريه متخافش
أحمد: بلا كذب وانت افقر من عليها ها شن رايك في الفكرة
سالم: تخوف فكرتك
أحمد: لا تخوف لا سو بس نخطفوا الشخص الصح يلي اهله عندهم فلوس وحتكون امورنا طيبة وحنشروا البليستيشن
سالم: امببه بس من رح تخطف؟
أحمد: خليها عليا حنقولك غدوة