مر اسبوعين ع العرس
معز: كيف ناض من نومه .. النهارات شن هذي الريحة .. نزل من السرير وخداته الريحة للمطبخ حيث نهى تطبخ
نهى: بابتسامة .. صباح الخير
معز: صباح النور ها شن الريحة هذي؟
نهى: ابتسمت .. هذا الفطور حلوة الريحة
معز: جاته الرعشة .. ها الفطور؟
نهى: ايه امالا متبيش تفطر
معز: بصوت واطي .. كنت بنفطر
نهى: وهي حاصلة .. قلت حاجة؟
معز: بلع ريقه .. لا سلامتك
نهى: ابتسمت .. هي خش للحمام وصلي وتعال بيش تفطر
معز: كان بيدمع .. تمام
عند مراد
ملاك: حاضلة في المطبخ .. تبي زيت زيتون ولا عباد شمس؟
مراد: امقعمز محداها وشاد تلفونه .. نبي ذرة .. وقعد يضحك
ملاك: ابتسمت .. ننن معندناش
مراد: احسن
ملاك: قربت من الطاولة ومدتله فواكه .. قشرهن وقطعهن بنفطر بيهن
مراد: ااخ حاظر
قعد يعاون فيها وبعدها فطر ونزل قعمز مع بوه
اما معز فكان يتعذب في كل لقمة ليه اسبوعين ما كلي زي الناس ديما الايكال يايكون مالح او شايط او حار مافيش حل وسط بس كان راضي بنهى ويحب فيها ويقول في نفسه حتتعلم .. وكمل فطوره ونزل عند بوه ولقي مراد
معز: صباح الخير بوي .. وسلم على راسه
فرج: صباح النور عزو
مراد: خيره مينقاليش صباح الخير اني؟
معز: اوه مراد مشبحتكش .. وابتسم بخبث
مراد: ننن عقلك صغير
معز: زي عقلك
مراد: لا انت أصغر
معز: لا انت
فرج: هووه اسكتوا صدعتوني هي اطلعوا من تلا وجهي خلوني رايق
معز: له له له له يابوي
فرج: شبح في معز باستغراب .. خيرك ياولد
معز: همي تلز في ولدك الجميل
فرج: سلم ولدي الجمال ماخطمش عليك بكل
معز: شكرا لصراحتك .. وصبى .. تبوا شي
مراد: نبو شوية جمال .. وقعد يضحك
معز: ننن انت اخر من يتكلم ع الجمال
مراد: على اساس انت اولهم
فرج: مش قالتلكم اطلعوا برا .. وصبى وقعد يلز فيهم بالعكوز وهما يضحكوا الا وهو صوت فتحية ....
--------
فتحي: يهدي في روحه .. صح صح كلامك
الزبون: ايه هكي من الاول لاني نعرف ان الزيبون الابيض يطلع مع السورية الحنية
فتحي: يشبح فيه بتقزز .. صح كلامك قلنا
الزبون: يلا توكلنا على الله
------
احمد: الباب امتع مكتبه يدق .. تفضل خش
الا وهو سالم
احمد: وقف فرحان .. اوه سلومة كيف الحال
سالم: تمام التمام وانت حميدة؟
احمد: فل الفل .. تفضل قعمز
سالم: قعمز .. نبي قهوة
احمد: بسم الله الكريم مسرع ماجيت وانت ديما شيفان
سالم: وافتخر
احمد: ها شن صار؟
سالم: تنحنح .. صار من الموضوع
احمد: بفرحة .. احلف؟!
سالم: شبحله بتقزز .. تكذب فيا؟
احمد: لا الكذب فيك
سالم: نننن عموما المصنع حيخسر حيخسر لهذا .. وقف وسلم على احمد .. مبارك عليك مصنع النسيم
احمد: يسلم عليه وهو فرحان .. الله يبارك فيك سالم
سالم: قعمز مرة ثانية .. ها شن صار في القهوة
------
محمد: شاد بنته سمية ويسكت فيها .. يابابا كان ضربك حد اضربيه متقعديش تبكي ويتصلوا بيا كل مرة
سمية: تبكي وتشهق .. بس يابابا منعرفش نضرب
محمد: مسح على راسه .. به امالا كلمي وحدة من الابلات
سمية: تمسح في دموعها .. حاظر
محمد: سلمها بنتي الفالحة
المديرة: بنتك وحدة من المتفوقات في المدرسة
محمد: ابتسم .. ها سمعتي متخلي حد يبكيك
سمية: ابتسمت .. حاظر بابا
أنت تقرأ
سڤن أب (رواية ليبية)
Fiction généraleالكاتبة: هذي الرواية برعاية: معز: .... الكاتبة: تكلم قولها معز: منيش الكاتبة: تقولها بالله عليك معز: اااااخ الكاتبة: هذي الرواية برعاية: معز: النهارات
