. . . وضلينه سوه مو لأن متصافين العلاقة التستمر تقوة بمشاكلها....
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
______________________________________
______________________________________
______________________________________
اكتب سريع سريع بدون توقف اني حيل احب اكتب هالايام واركز بالدراسة يمكن لأن وحدي بالبيت يعني مو وحدي وحدي موجودين وياي بس ما اعتبرهم موجودين غمضت عيوني بتعب اخذت نفس شمرت القلم ع دفتر مالتي مطيت جسمي موتني من الووجع تشنجات بكل عضامي وانفلاونزا موتتني بكل جسمي وبس اعاطس تش وتش من السبح والدلع مالتي كدام البيت يوميه...
نزلت من الفراش واني ادردم لا تسمعني هالمسعده إلي ساكنه وياي بنفس البيت يعنييي شسوي هااااا اعوف الشغل منو يشتغل أجيب بنغلاديشيه تشتغل هم مستحيل اجيب وحده هاي كافيه من عنده وبينه ومرمرت كلبي مدري شعدهاا وياي أني مصدومه مرات اصفن صدك لو كالو كلمن يشوف الناس بعين طبعه واني هيج شفتها عبالي فقيره وحبابه حتى فرحت صارت بنيه وياي بالبيت اضيع وقتي وياها من ارجع من الكلية...
اني صرت مرحلة اخيره ما بقى شي واخلص من هالضيم...
وارجع للبيت ومستحيل يمر يومين اذا ما الزم البيت من البيتونه واني نازله كله غسل اشغل الماطور واسحب الصونده رغم هوه محذرني من هاي الحركه بغيابه يخاف لا اكع مثل أول مرة وانكسرت رجلي لأن البيت كله سيراميك ناعم بس ما ارتاح ما ارتاح اذا ما اغسله وريحه المي والقاصر والمنضفات تترس زوايا البيت....
والله وكت صدك كلشي يتغير حتى حركاتج وتصرفاتج بعد ما جنت الريشه ما اشيلهاا من الكاع وشكد يجبروني بس لو اغسل صحن حتى يكولون اشتغلت مو بس كاعده هسه أني صرت اموت ع شغل بدون لا أحد يكلي بالعكس هوه يعيط يوميه متعاركين أني وياه ع هاي الحالة لا تسوين هيج ولا هيج واني اخذ منا اطلع منا...
ع اقل جنت وحدي هيج هدوء واني اتدلع براحتي بالبيت البس قصير طويل محد يمي مرات اعزم صديقاتي بنات جيرانه هناا حيل حبابات ونكضيها نطبخ وننضف ونحجي هاي السوالف هاي بس من هوه يروح للواجب ويبات صار بأخر فترة ينجبر يبات بحكم شغله ماعرف ليش ما يحب اسأله هيج اسأله يكول ما يخصج واني هم ماعندي فضول....
