نغزات محرمة جزء الثاني

12 و 13

روايه نغزات محرمة جزء الثاني بقلمي ميار السعدي..

تصويت ع نجمة وتعليقات ع فقرات...

أشتاقيتلكمممم اعذروني يولو مو بيدي والله😢

______________________________________

______________________________________

______________________________________

______________________________________
يجي يوم وتحضني حقيقه مو خيال يجي يوم إلي ترجع بي بطولك وتلفح حياتي من جديد يجي ذاك اليوم ونلتقي اني وياك راح تجي غصبا عنك
بدونك كلش وحشه...

حسيت ببروده قوية كرفصت ع نفسيي باللحاف واتكلب بس ما مرتاحة بنومتي لأن المجال احسه ضيق فتحت عيونيي بنعاس واتمططت متثاوبه اتضحت الرؤياا بعيوني ع سقف بقيت صافنه ناسيه كلشيي....

عقدت حاجبي التفتت اباوع أني نايمه ع قنفه هاي الصاله وهاي البلازمه شجابني هنااا...

صفنههه طويله لحظه صمتت واستيعابب؟...

كلبت نفسي سريع مادري شهكت بوجع وكعت من القنفه تكسر ضهري لزمت رجلي فركتها واني صافنه رفعت شعري فوك باوعت بكل مكان وداخلي رجفه قوية اباوع ع حمام ماكو اي صوت فارغ باوعت ع غرفه وع مطبخ دختت وكفت اباوع بأرجاء البيت الفارغ من صوته وجوده...

عافني....مره ثانيه عافني وحدي.... عافني ياربي ليشش....ادهم ليشش....شسويت انت شسويت...مشيت خطوات ميته نزلت عيوني ع ملابسي هذا قميصه كش جسمي ساد دكمه وحده سديت البقيه واني افتر اباوع بلكت اطلع احلم بلكت اكعد من حلمي وما صار إلي صار....

جان هسه كعدت بكرامتي ع أقل ولا هاي الكسره...

اهخخخ يا ادهممم اهخخخ ليشش سويت هيج بيه ليشش يوجعي ليشش شسويتلك حتى هيج تأذيني..

رفعت راسي بخنكه وامشي ببطئ روحي منزوعه أريد أخذ نفس افرك براسي وعيوني إلي تحركني ابتسمت بوسع واني اتذكر الصار جنت مرتاحة وياه كأنو عروسه جديده وحبيبته إلي اخذها بعد تعب..بس كل هذا خيال وووهم...عافني اليوم ولا كأنو صار شي البارحة رجع مثل قبل يتهربب...يتهربب منيي يدري بنفسه غلطان....

اني حبيت الصار حبيت هالخطوه بس ماتوقعت يروح ويعوفني هيج مثل الحيوانه إلي اخذ حاجته منهاا وراح....

نزل جمر حار ع وجهي يزرف عيوني باوعت ع شباك واني امشي فتحت البرده فتحت الشباك لفحني الهوا العالييي باردد ثلجج دخللل صدرييي ارتاحيت غمضتت ماخذه نفس براحة والهوا هيج يفلح بيه شكد ما جنت محتاجه شي يطفي چويه كلبي...

واكفه دقايق ع هاي الحاله وشريط الذكريات كلها وياه مرت بعقلي مثل طيف وكعت آخر ورقه من الذكريات و رجعت لواقعي فتحت عيوني شبعت بجي بصمت ارجف ارتعش كلبي مريض يحتاج لمسه حنيه تجبر كل كسراتي اهلي وادهم عليه ششفت من حياتي اني....