نغزات محرمة جزء الثاني

بارت 30 قبل الأخير

روايه نغزات محرمه بقلمي ميار السعدي...

بارت 30 قبل الأخير....

تأخرت عليكمم خلصو البارت واحجيلكم رغم قصير ما يسوه بس ماكدرت اكتب اكثرر💔

لا تنسون التصويت ع نجمه وتعليقاتكم 🤍

بالغربَة مامِش وفه و دِيرتنا كلهَا غرَاب.

_____________________________________

_____________________________________

صوته اخترق أذني واني مصفنه بعيونه

سجاد : ورمن اصابعج من الكعب افتحي شويه...

بهتت مصفنه بعيونه وكلبي يدك سريع..من الخوف الي احتل كلبي.. تلعثمت ودختت بلعت ريقي صافنه وهو واكف كدامي،لا اكدر امشي ولا اكدر احجي او انطق اي كلمه حايره شحجي

نزلت راسي افرك بيدي وشايله الجنطه اختنكت والجو صار حار حسيت من التوتر خايفه اي لحضه يشوفنه ادهم والقران يتخبلل

سجاد. : شبيج خايفهه غرام؟

رفعت راسي عقدت حاجبي هزيت راسي بنفي كوه حجيت وطلع صوتي
حكيت حاجبي

غرام : لاا،ما خايفه...بس مستعجله يدك عليه ادهم..

كلت هيج ابتسم بطرف شفته هز راسه بتفهم يججي بهدوء

سجاد : ايي ينتضرج بره... شلونج انتي؟

بلعت ريق همست صافنه بعيونه الي بيهن حسره واضحه

غرام : زينهه...انت شلونك...

مادري شلون طلعت مني وسألته بقيت مصفنه زادت بسمته رفع شعره وحجه مايريد يبين شي ع وجهه

سجاد : زينن والله..ماتوقعت ارجع اشوفج بعد..

غرام : اممم...لو ما قمر ماتشوف وجهي اصلا بالكوه اجيت ادهم خبلني لخاطر قمر وافق يجيبني..

جنت مبتسمه واني احجي ردت تكون الامور طبيعيه عادي،،بس هو مبين علي تعبان شويه ويحاول ما يياوع لعيوني..

سجاد : يله هم زين منه خلاج تجين..

ضحك وحك حاجبه يباوعلي ماعرف شحجي بس ابتسمت بحنيه سجاد ما غلط بحقي ابد ومقهوره ع مشاكل الي اجته بسببي

غرام : شخبارك؟.. متعوب مبين..

حجيتها صفن شويه وحجه بحسره وتنهيده

سجاد : يروح التعب ويه الأيام

غرام : الله كريم... يله مع سلامه تأخرت..

اريد امشي حسيته يريد يحجي بقيت واكفه اباوعله حجه وعينه ما شالها من عيني

سجاد: عزمتكم انتي وادهم...

استغربت حجيت مافهمت

غرام : ع شنوو؟

سجاد : ماتعرفين راح اتزوج؟